Qishloq xoʻjaligini rivojlantirish va uglerod chiqindilarini kamaytirish boʻyicha xakaton — Youth Hackathon for Green Low-Carbon Agriculture 2023

Birlashgan Millatlar Tashkilotining Oziq-ovqat va qishloq xoʻjaligi tashkilotining Xitoydagi boʻlimi Xitoy qishloq xoʻjaligi fanlari akademiyasi xalqaro hamkorlik boʻlimi (CAAS), CAAS Xalqaro qishloq xoʻjaligi tadqiqotlari markazi va Qishloq xoʻjaligini rivojlantirish boʻyicha yosh mutaxassislar (YPARD) tashkilotlari bilan hamkorlikda global doirada qishloq xoʻjaligini rivojlantirish, shuningdek, qishloq xoʻjaligida uglerod chiqindilarini kamaytirish va innovatsion texnologiyalarni qoʻllash orqali uglerod sekvestratsiyasi uchun innovatsion yechimlarni taqdim qiladigan yoshlar uchun Youth Hackathon for Green Low-Carbon Agriculture —2023 tanlovini eʼlon qiladi. Ushbu xakaton yoshlarning ijodkorligi va muammolarni hal qilish qobiliyatini rivojlantirishga qaratilgan boʻlib, mavzu boʻyicha muqobil yechimlarni yaratishini qoʻllab-quvvatlaydi.

Ushbu yilgi xakaton quyidagi jihatlarga urgʻu beradi:

• Atrof-muhitni muhofaza qilish texnologiyasi;
• Yashil bozor;
• Ekologik jamiyat.

Xakaton 3 bosqichdan iborat:

1. Dastlabki saralash: Ishtirokchilar oʻz jamoalarini tuzadilar, loyiha mavzusini belgilaydilar va barcha ariza materiallarini topshiradilar.
2. Oʻquv mashgʻulotlari: Tashkilotchilar saralangan jamoalar uchun trening oʻtkazadilar.
3. Final: Yakuniy musobaqa epidemiyani oldini olish choralari tufayli onlayn va oflayn rejimda oʻtkaziladi. Finalda har bir jamoa oʻz taklifini himoya qilishi kerak.

Dastur haqida batafsil ushbu havola orqali maʼlumot olish mumkin.

• Dunyo boʻylab 18 yoshdan 40 yoshgacha boʻlgan barcha yosh mutaxassislar qatnashishi mumkin;
• Ishtirokchilar 2-5 kishidan iborat jamoa tuzishlari lozim;
• Jamoa rahbari 40 yoshdan kichik boʻlishi kerak;
• Ingliz tilini bilish lozim (sertifikat soʻralmaydi);
• Ayollarga ham jamoada asosiy rollarni egallash uchun teng imkoniyatlar yaratilishi qoʻllab-quvvatlanadi.

Quyidagi jamoalar ustunlikka ega:

• Barqaror qishloq xoʻjaligini rivojlantirish va uglerod miqdorini kamaytirish bilan bogʻliq tajriba;
• Quyidagi yoʻnalishda taʼlim olganlar:
  • Information technology (Axborot texnologiyalar);
  • Software engineering (Dasturiy taʼminot muhandisligi);
  • Data engineering (Maʼlumotlar muhandisligi) 
  • Project management (Loyihalarni boshqarish);
  • Marketing (Marketing);
  • New Media Communications (Yangi media kommunikatsiyalari).

Loyihalar quyidagi mezonlar boʻyicha baholanadi:

• Loyihani yaratishdagi ijodkorlik va uning innovatsionligi;
• Loyihani amalda qoʻllashning imkoniyati va miqyosi;
• Loyihaning barqarorligi;
• Biznes modeli;
• Ochiq maʼlumotlardan foydalanilganligi;
• Texnik qiyinchiliklar;
• Loyiha dizayni va foydalanuvchi tajribasi;
• Loyihani qoʻllash yoki namoyish etilgandagi taʼsir kuchi.

• Sertifikat va pul mukofoti beriladi;
• Mustaqil innovatsiya va tadbirkorlik faoliyati boʻyicha keng qamrovli tajribaga ega boʻlish;
• Loyiha doirasidagi treninglarda qatnashish;
• Kelajakdagi hamkorlik uchun BMT agentliklari, CAAS va sohadagi hamkorlar bilan aloqa oʻrnatish;
• Tarmoq mutaxassislari va murabbiylarining fikr-mulohazalari bilan tanishish;
• Barqaror qishloq xoʻjaligini rivojlantirish va uglerod miqdorini kamaytirish boʻyicha qimmatli tushuncha va gʻoyalarga ega boʻlish;
• CAASda magistura yoki PhD darajalari uchun taʼlim imkoniyatlari;
• Xalqaro qishloq xoʻjaligi tadqiqotlari markazida (CIAR) amaliyot oʻtash uchun imtiyozga ega boʻlish.

Eslatma: Pul mukofoti jamoa va loyihaga asoslanib belgilanadi.

Tanlovda qatnashish istagida boʻlganlar arizani jamoa boʻlib toʻldirishlari va soʻralgan materiallarni ciar@caas.cn (fayllarning nusxasini cc tarzda ypardchina@outlook.com) manziliga “Submission: 2023 Youth Hackathon Competition” sarlavhasi ostida yuborishlari kerak. 

Talab qilinadigan hujjatlar:

1. Ariza shakli;

2. Taklif qilinayotgan innovatsion yechim:

• Loyiha taklifi Word formatida, hajmi 15 betdan koʻp boʻlmagan, asosiy matn Times New Roman, 12 shrift oʻlchamli, ikki intervalli boʻlishi va koʻrgazmali rasm, maʼlumot, qoʻllanma va jadvallar bilan boyitilishi lozim.
• Hujjat “Innovation Solution-loyiha nomi” koʻrinishida nomlanadi.

3. Taklif etilayotgan innovatsion yechimning taqdimoti:

• PowerPoint dasturida tayyorlanishi va 20 slayddan oshmasligi kerak;
• Hujjat “Innovation Solution Presentation-loyiha nomi” koʻrinishida nomlanadi.

Innovatsion yechim quyidagilarni qamrab olishi kerak:

• Yechimning qisqacha mazmuni (maksimal 250 ta soʻz);
• Muammoni aniqlash (uglerod miqdorini kamaytirish bilan bogʻliq muammolarni tahlil qilish);
• Dasturning asosiy gʻoyasi, missiyasi va qadriyatlari (qishloq xoʻjaligi faoliyati va uning yoʻnalishlarini tasvirlash);
• Dasturning qishloq xoʻjaligi va qishloq sektorlarida uglerod miqdorini kamaytirishga taʼsirini ishlab chiqish;
• Ijtimoiy va iqtisodiy metodologiya va texnik modellar;
• Moliyaviy vaziyat (toʻplangan kapital, zarur kapital, daromad tahlili);
• Rivojlanishni bosqichma-bosqich rejalashtirish (3 yildan keyin loyihaning potensial hissasi qandayligi, unga qanday qilib erishish yoʻllari va natijalar haqida).

4. Video taqdimot (5 daqiqa):

• Jamoani tanishtirish (1 daqiqa);
• Jamoa nima uchun tanlanishi kerakligini koʻrsatish (4-5 daqiqa);
• Videoni onlayn video almashish platformasiga (YouTube, Google Cloud, Youku, Baidu Cloud yoki boshqa platformalar) yuklash lozim;
• Ilovadagi videoga havola berish kerak.

Eslatma: Barcha soʻralgan hujjatlar bitta fayl qilinib “2023YH-application-loyiha nomi” koʻrinishida nomlanishi lozim.

Muhim: Dastur ingliz tilida olib boriladi. Shuning uchun barcha hujjatlar ingliz tilida boʻlishi shart.

Hujjat topshirish haqida batafsil ushbu havola orqali maʼlumot olish mumkin.

Muhim sanalar:

• 10-apreldan 20-iyulgacha: ariza topshirish bosqichi;
• 20-iyuldan 20-avgustgacha: dastlabki tanlov;
• 20-avgust: ommaviy saralash;
• Avgustning 4-haftasidan sentyabrning 1-haftasigacha: trening (onlayn);
• Oktyabr oyining 3-haftasi: final (onlayn);
• Oktyabr oyining 4-haftasi: taqdirlash marosimi (tanlov olib borilayotgan joy yoki Xitoyda).

Tanlov haqida qoʻshimcha maʼlumotlarni quyidagi ijtimoiy tarmoqlar orqali olish mumkin:

• Facebook;
• Twitter;
• Instagram;
• Youtube;
• Linkedin.

Ariza topshirish boʻyicha quyidagi elektron manzillarga murojaat qilish mumkin:

• ciar@caas.cn; 
• ypardchina@outlook.com; 
• asia@ypard.net; 

Oxirgi muddat: 20-iyul, 2023-yil (20:59).