Qoʻshiqchi va musiqiy guruhlar uchun Germaniyadagi Gyote Instituti tomonidan konsert tashkillashtirish uchun moliyaviy koʻmak granti

INTERNATIONAL MUSIC PROJECTS IN GERMANY granti Gyote Instituti tomonidan tashkillashtirilgan boʻlib, u rivojlanayotgan va rivojlanish arafasidagi davlatlarning sanʼatkor va ansambllari uchun ajratilgan.

Ushbu grant Germaniyaga biror bir musiqiy loyihada qatnashish uchun taklif qilingan professional ansambllar va ijrochi sanʼatkorlar, shuningdek, havaskor va yangi faoliyat boshlagan sanʼatkorlarni moliyaviy jihatdan qoʻllab-quvvatlash uchun tashkillashtirilgan. Yoʻl xarajatlari toʻliq qoplab beriladi.

Dastur shartlari bilan ushbu havola orqali batafsil tanishish mumkin. 

Germaniyaga sayohat qilish xarajatlari qoplab berilishi uchun quyidagi talablar mavjud:

• Musiqachilar yoki ansamblning Germaniyaga chaqirilganligini tasdiqlovchi hujjat;
• Ishtirok etuvchi ansamblning musiqiy salohiyati yuqori boʻlishi lozim;
• Nomzodlar tomonidan olib chiqilayotgan musiqiy loyiha madaniy jihatdan muhim boʻlishi kerak;
• Nomzodlarning musiqiy loyihasida ijodiy fikr almashinuvi asosiy oʻrin tutishi kerak;
• Ansamblning musiqiy loyihasi yaxshi tuzilgan va rejalashtirilgan boʻlishi lozim.

Grantda ishtirok eta oladigan davlatlar roʻyxati bilan ushbu havola orqali tanishish mumkin. Oʻzbekiston ham ushbu roʻyxatga kiradi.

Grant quyidagi xarajatlarni qoplab beradi:

• Yoʻl xarajatlari;
• Germaniyadagi qisqa va hafta oxiridagi kichik safarlar;
• Turistik sayohatlar.

Eslatma: Grant siyosiy, diniy yoki mafkuraviy taʼsirga ega folklor uchrashuvlar va loyihalar uchun mablagʻ ajratmaydi.

Grantga hujjat topshirish uchun quyidagilar soʻralgan:

• Ariza shaklini toʻldirish;
• Musiqiy loyihaning batafsil izohlangan shakli;
• Oxirgi musiqalardan birining namunasi (link havola etiladi);
• Dasturda ishtirok etuvchi ansambl yoki sanʼatkorlarning biografiyasi;
• Nomzodlarning kundalik rejalari va jadvali;
• Ansamblning Germaniyaga chaqirilganligini tasdiqlovchi hujjat;
• Yoʻl xarajatlarini qoplab berish uchun ikkita sayohat agentligi yoki narxlarni qiyoslovchi sayt tomonidan belgilab berilgan sayohat uchun ketadigan pul miqdori;
• Ansambl aʼzolarining guruhdagi vazifasi, tugʻilgan joyi va yashash manzilining roʻyxati.

Dasturga Germaniyaga biror musiqiy loyiha bilan ketishdan kamida 3 oy oldin ariza topshirish shart.

Grant uchun ariza topshirish haqida ushbu havola orqali batafsil tanishish mumkin.

Ariza topshirish jarayoni va talablari haqida nemis tilida ushbu havola orqali batafsil maʼlumot olish mumkin.

Germaniyaga borishi allaqachon rejalashtirilib boʻlingan (masalan, uchish vaqti) taqdirda grant uchun ariza topshirib boʻlmaydi. Grantni muddatidan oldin qoʻlga kiritish uchun musiqiy loyiha boshlanishidan iloji boricha kamida 6 oy oldin norasmiy e-mail xati bilan murojaat qilish lozim. Lekin shunda ham grant ajratilishiga toʻliq kafolat berilmaydi.

Grant shartlari bilan ushbu havola orqali batafsil tanishib chiqish maslahat beriladi.

Goethe Institutening boshqa grantlari haqida ushbu havola orqali maʼlumot topish mumkin.

E-mail manzil: musikfoerderung@goethe.de;

Telefon raqam:+49 89 15921-346.