Qozogʻistonda bakalavr, magistratura, doktorantura bosqichini oʻqish uchun 550 oʻrinli hukumat granti

Qozogʻiston Respublikasi Ilm-fan va oliy taʼlim vazirligi bakalavr, magistratura hamda doktorantura bosqichlari uchun grantlar eʼlon qiladi. Dasturda Qozogʻiston fuqarosi boʻlmagan nomzodlar, qozoq millatiga mansub boshqa davlat fuqarolari, shuningdek, hozirda Qozogʻistonda istiqomat qilayotgan fuqarolar ishtirok etishlari mumkin. Grant uchun qoʻyilgan talablar nomzodlar tanlagan bosqichga qarab farq qiladi. Grant yutgan talabalarning kontrakt puli toʻliq toʻlab beriladi, qolaversa, oylik stipendiya ham taqdim etiladi. Dastur doirasida ajratilgan grantlar miqdori quyidagicha:

• Bakalavr bosqichi - 490 oʻrin;
• Magistratura bosqichi - 50 oʻrin;
• Doktorantura bosqichi - 10 oʻrin.

Dasturga ariza topshirish jarayonida Qozogʻistonda joylashgan grant doirasida belgilangan 37 ta universitetdagi mavjud istalgan yoʻnalishga ariza topshirish mumkin. Dasturga qabul jarayoni 2026-yil 31-maygacha davom etadi.

Dastur haqida ushbu havola orqali toʻliq maʼlumot olish mumkin.

Dasturning bakalavr, magistratura va doktorantura bosqichiga boʻlgan talablar turlicha boʻlib, ular quyidagicha:

Bakalavr bosqichi uchun qoʻyilgan talablar:

• Dasturda Qozogʻiston fuqarosi boʻlmagan nomzodlar, qozoq millatiga mansub boshqa davlat fuqarolari, shuningdek, hozirda Qozogʻistonda istiqomat qilayotgan boshqa davlat fuqarolari ishtirok etishlari mumkin;
• Maktab (11 yillik ham), kollej yoki litseyni yaxshi bahoga bitirgan boʻlishlari lozim (yaʼni, 5 ballik tizimda kamida 4 bahoga).

Magistratura bosqichi uchun qoʻyilgan talablar:

• Dasturda Qozogʻiston fuqarosi boʻlmagan nomzodlar, qozoq millatiga mansub boshqa davlat fuqarolari, shuningdek, hozirda Qozogʻistonda istiqomat qilayotgan boshqa davlat fuqarolari ishtirok etishlari mumkin;
• Bakalavr bosqichini (yoki shunga teng darajani) tamomlagan boʻlishlari kerak;
• Nomzodlar yaxshi akademik koʻrsatkichlarga ega boʻlishi lozim. Bunda nomzodning GPA koʻrsatkichi 4 lik tizimda kamida 3; 100 lik tizimda 75%; 5 ballik tizimda esa 3,75 dan kam boʻlmasligi kerak;
• Qatnashchilardan chet tilini bilish darajasini tasdiqlovchi quyidagi sertifikatlardan biri talab qilinadi:

Ingliz tili boʻyicha:

-IELTS Academic- kamida 5.5 ball;

-TOEFL iB- kamida 46 ball;

-TOEFL PBT- kamida 453 ball.

Nemis tili boʻyicha:

-Deutsche Sprachruefung fuer den Hochschulzugang (DSH, B2 daraja);

-TestDaF-Prufung (B2 daraja).

Fransuz tili boʻyicha:

-TFI (Test de Français International™) — oʻqish va tinglash boʻlimi B2 darajadan past boʻlmasligi lozim;

-DELF (Diplome dʼEtudes en Langue française) — B2 daraja;

-DALF (Diplome Approfondi de Langue française) -B2 daraja;

-TCF (Test de connaissance du français) — kamida 50 ball.

Xitoy tili boʻyicha:

-HSK (Hanyu Shuiping Kaushi)- kamida 4 daraja.

Doktorantura bosqichi uchun qoʻyilgan talablar:

• Dasturda Qozogʻiston fuqarosi boʻlmagan nomzodlar, qozoq millatiga mansub boshqa davlat fuqarolari, shuningdek, hozirda Qozogʻistonda istiqomat qilayotgan boshqa davlat fuqarolari ishtirok etishlari mumkin;
• Magistratura bosqichini (yoki shunga teng darajani) tamomlagan boʻlishlari kerak;
• Nomzodlar yaxshi akademik koʻrsatkichlarga ega boʻlishi lozim. Bunda nomzodning GPA koʻrsatkichi 4 lik tizimda kamida 3; 100 lik tizimda 75%; 5 ballik tizimda esa 3,75 dan kam boʻlmasligi kerak;
• Qatnashchilardan chet tilini bilish darajasini tasdiqlovchi quyidagi sertifikatlardan biri talab qilinadi:

Ingliz tili boʻyicha:

-IELTS Academic- kamida 5.5 ball;

-TOEFL iB- kamida 46 ball;

-TOEFL PBT- kamida 453 ball.

Nemis tili boʻyicha:

-Deutsche Sprachruefung fuer den Hochschulzugang (DSH, B2 daraja);

-TestDaF-Prufung (B2 daraja).

Fransuz tili boʻyicha:

-TFI (Test de Français International™) — oʻqish va tinglash boʻlimi B2 darajadan past boʻlmasligi lozim;

-DELF (Diplome dʼEtudes en Langue française) — B2 daraja;

-DALF (Diplome Approfondi de Langue française) -B2 daraja;

-TCF (Test de connaissance du français) — kamida 50 ball.

Xitoy tili boʻyicha:

-HSK (Hanyu Shuiping Kaushi)- kamida 4 daraja.

Dastur talablari bilan ushbu havola orqali batafsil tanishish mumkin.

Dasturda qatnashishning quyidagi foydali tomonlari mavjud:

• Ishtirokchilarning kontrakt xarajatlari toʻliq qoplab beriladi;
• Akademik koʻrsatkichlariga qarab talabalarga oylik stipendiya toʻlanadi.

Eslatma! Grant yoʻl, turar-joy, viza hamda tibbiy sugʻurta xarajatlarini qoplab bermaydi.

Dastur foydali jihatlari haqida ushbu havola orqali toʻliq maʼlumot olish mumkin.

Grantga qabul jarayoni 2026-yil 31-maygacha davom etib, arizalarni qozoq, rus yoki ingliz tilida topshirish mumkin. Dasturga roʻyxatdan oʻtish jarayonida quyidagicha amalga oshiriladi:

1.Kerakli hujjatlarni tayyorlang:

• Pasport yoki ID nusxasi;
• Bitirgan muassasa diplomi nusxasi (mavjud boʻlsa, transkripsiyasi bilan);
• Qozoq, rus yoki ingliz tilida yozilgan tavsiyanoma;
• Sogʻlikni tasdiqlovchi hujjat;
• Toʻldirilgan ariza shakli;
• Til bilish darajasini tasdiqlovchi sertifikat;
• Motivatsion xat (qozoq, rus yoki ingliz tilida-250-500 soʻz);
• Qozoq, rus yoki ingliz tillaridan birida tadqiqot ishining qisqacha bayoni (doktorantura bosqichi uchun);
• Qozoq universiteti tomonidan nomzodning talabalikka qabul qilinganligi toʻgʻrisidagi xat (mavjud boʻlsa).

2. Hujjatlarni tayyorlab boʻlib, ushbu havola orqali kirib roʻyxatdan oʻting va hujjatlarni topshiring;

3. Soʻng, Qozogʻistondagi dastur doirasida belgilangan 37 universitetdan biri va kerakli yoʻnalishni tanlang.

Dastur quyidagi bosqichlarda amalga oshiriladi:

1-bosqich. Rasmiy sahifa orqali roʻyxatdan oʻtish va ariza topshirish bosqichi;

2-bosqich. Hujjatlar tasdiqlanish bosqichi.

3-bosqich. Moslashuvchanlik potensiali testi oʻtkazilish bosqichi: Agar hujjat topshirish bosqichidan muvaffaqiyatli oʻtilsa, nomzodlarga e-mail orqali onlayn test uchun havola joʻnatiladi;

4-bosqich. Intervyu olish bosqichi: Onlayn testdan oʻtgan nomzodlarga intervyu uchun havola joʻnatiladi. Intervyu Qozogʻiston Respublikasi ilm-fan va oliy taʼlim vazirligi, grant maʼmuriyati hamda universitet tomonidan olib boriladi. Bu bosqichdan muvaffaqiyatli oʻtganlar grantni qoʻlga kiritadi;

5-bosqich. Natijalar eʼlon qilinish bosqichi: Natijalar 2026-yil 28-avgustgacha eʼlon qilinadi.

• Dasturga roʻyxatdan oʻtish boʻyicha inglizcha yoʻriqnoma bilan ushbu havola orqali batafsil tanishib chiqish mumkin.
• Dasturga roʻyxatdan oʻtish boʻyicha ruscha yoʻriqnoma bilan ushbu havola orqali batafsil tanishib chiqish mumkin.
• Dasturga roʻyxatdan oʻtish boʻyicha qozoqcha yoʻriqnoma bilan ushbu havola orqali batafsil tanishib chiqish mumkin.

Dasturga ushbu havola orqali roʻyxatdan oʻtish mumkin.

Dastur doirasida belgilangan universitetlar roʻyxatini ushbu havola orqali topish mumkin.

Maʼlumot uchun:

Manzil: Qozogʻiston Z05H0E8, Astana shahri, 28-Kabanbay Batir xiyoboni, ofis №4

Tel: +7 (717) 276 90 76

WhatsApp: +7 (700) 776 00 75

E-mail: info@bolashak.gov.kz