Qozog'istonda “Yoshlar qonun ustuvorligi, halollik va jinoyatchilikni oldini olish uchun” mavzusida Markaziy Osiyo yoshlari muloqoti forumi
-
01/05/2023 Qabul boshlanishi
-
Qisman Moliyalash turi
-
Qozogʻiston Davlat
-
12/05/2023 18:00 Oxirgi muddat
Umumiy maʻlumotlar
Yevropada xavfsizlik va hamkorlik tashkiloti (YXHT) tomonidan 2023-yilning 17-iyuldan 21-iyulgacha Qozog'istonning Olmaota shahrida “Yoshlar qonun ustuvorligi, halollik va jinoyatchilikni oldini olish uchun” mavzusida Markaziy Osiyo yoshlar muloqoti forumi tashkil etilmoqda. Ushbu forum Markaziy Osiyo davlatlari va Mo'g'ulistondan 25 nafar yoshlarni o'zaro almashish va o'rganish tadbiridir. Tadbir yoshlar uchun uyushgan jinoyatchilik va korrupsiya kabi umumiy xavfsizlikka oid muammolarini muhokama qilish, o‘z g'oyalari va ilg'or tajribalari bilan o'rtoqlashish uchun mintaqaviy muloqot imkoniyatini yaratadi. Bu, shuningdek, yoshlarning yirik tadbirlarda ishtirok etish qobiliyatini oshirishga hissa qo'shadi va o'zaro ta'lim va rivojlanishni rag'batlantiradi.
Muloqot forumi quyidagilar uchun mo'ljallangan:
- yoshlarning yirik tadbirlarda ishtirok etish ko'nikmalarini shakllantirish;
- qonun ustuvorligi, halollik va jinoyatchilikni oldini olish sohalarini rag‘batlantirishga qaratilgan loyihalarini ishlab chiqish va rivojlantirish;
- ishlab chiqilgan loyihalarni tengdoshlari bilan baham ko'rish va muhokama qilish uchun yoshlarga imkoniyat yaratish.
Tadbir haqida batafsil ushbu havola orqali tanishib chiqish mumkin.
Maqbullik shartlari
- Nomzodlar hozirda Markaziy Osiyo davlatlari yoki Mo'g'ulistonda yashovchi 18 yoshdan 28 yoshgacha bo'lgan fuqarolar bo'lishi kerak;
- Ingliz tilini yaxshi bilishi lozim;
- Qonun ustuvorligi, halollik va jinoyatchilikni oldini olish bo'yicha tajribaga ega bo'lishi yoki shu sohaga yuqori darajada qiziqishini isbotlay olishi kerak (bunda jinoyatchilik va korrupsiyani oldini olish mavzulariga ko'proq e'tibor qaratiladi);
- Mahalliy hamjamiyatlarning faol a’zosi bo'lishi va Markaziy Osiyo va Mo'g'ulistondagi yoshlarning mintaqaviy hamkorligini rivojlantirishni targ'ib qilishi kerak.
Eslatma: Til sertifikati talab qilinmaydi, lekin forum to'liq ingliz tilida olib borilishi va tarjimon berilmasligi sababli nomzodlar ingliz tilini yetarli darajada bilishlari lozim.
Muhim: Tanlov jarayonida geografik muvozanat me'zonlari inobatga olinadi, ya'ni viloyat markazlari va poytaxtlardan tashqarida joylashgan kichik jamoalardan bo'lgan nomzodlarga ustunlik beriladi.
Foydali tomonlari
- Qozog'istonning Olmaota shahrida o'tkaziladigan Markaziy Osiyo yoshlar muloqoti forumida bepul qatnashish imkoniyati;
- Xalqaro sayohat tashkilotchilar tomonidan qoplanadi, biroq o‘z mamlakatlaridagi shaharlarga borish va qaytish ishtirokchilarning shaxsiy javobgarligi hisoblanadi;
- Turar joy va ovqatlanish tashkilot hisobidan bo'ladi.
Muhim: Ishtirokchilar butun tadbir davomida to'liq qatnashishlari shart.
Qoʻshimcha maʻlumotlar
- Saralangan nomzodlar ro'yxati 2023-yil 9-iyungacha e'lon qilinadi;
- Forum 2023-yil 17-iyuldan 21-iyulgacha Qozog'istonning Olmaota shahrida o'tkaziladi;
- Email: POID-Election@osce.org;
- Oxirgi muddat: 12-may, 2023-yil (18:00).