Qozon shahrida 18-35 yoshdagilar uchun barcha xarajatlari qoplanuvchi International Youth Festival of Modern Muslim Culture dasturi. Grantlar soni 100 ta
-
05/09/2022 Qabul boshlanishi
-
Toʻliq Moliyalash turi
-
Rossiya Davlat
-
25.09.2022 Oxirgi muddat
Umumiy maʻlumotlar
Tatariston Respublikasi (Rossiya Federatsiyasi) Yoshlar ishlari vazirligi va Islom hamkorlik yoshlar forumi (ICYF) hamda boshqa bir nechta tashkilotlar hamkorlikda “International Youth Festival of Modern Muslim Culture” xalqaro yoshlar festivalini tashkil etmoqda. Ushbu dastur 2022-yil 25-30-oktyabr kunlari Tataristonning Qozon shahrida boʻlib oʻtadi.
Festivalning asosiy maqsadi Xalqaro yoshlar festivalini oʻtkazish orqali turli sessiya va seminarlar orqali Rossiya federatsiyasi va IHT mamlakatlarining 18-35 yoshdagi haqiqiy sanʼat shaydolari va ijodkorlarning isteʼdodini aniqlash va qoʻllab-quvvatlashdan iborat.
Festival ushbu yoʻnalishlarda boʻlib oʻtadi:
- Teatr va original janr;
- Xoreografiya;
- Musiqa;
- Tasviriy sanʼat;
- Kino.
Maqbullik shartlari
- Dasturda 18-35 yoshdagi milliy/xalqaro miqyosda teatr va original janr, xoreografiya, musiqa, sanʼat va kino yoʻnalishiga qiziquvchi yoshlar ishtirok etishi mumkin;
- Nomzod Rossiya Federatsiyasi yoki Islom Hamkorlik Tashkilotiga aʼzo davlatlar fuqarosi boʻlishi kerak. Oʻzbekiston ushbu davlatlar qatorida mavjud;
- Turli madaniy tadbirlarda qatnashishga ishtiyoq va qiziqish bildirishi lozim;
- Ingliz tilida erkin suhbat qura olishi kerak. Til sertifikati talab etilmaydi.
Dastur talablari bilan batafsil ushbu havola orqali tanishish mumkin.
Foydali tomonlari
- Dastur ishtirokchilarining xalqaro safar, turar joy va boshqa xarajatlari toʻliq qoplanadi;
- Dasturda toʻliq ishtirok etganlar ICYF tashkilotining maxsus sertifikati bilan taqdirlanadi.
Dastur imkoniyatlari bilan batafsil ushbu havola orqali tanishish mumkin.
Qoʻshimcha maʻlumotlar
Muhim sanalar:
- 2022-yil 25-30-sentyabr — Saralash jarayoni. Ariza natijalariga koʻra festivalga 100 nafar ishtirokchi qabul qilinadi (Rossiya hududlaridan 60 nafar va IHT davlatlaridan 56 nafar ishtirokchi). Festival ishtirokchilarining tanlovi toʻldirilgan ariza va koʻrsatilgan yutuqlar hamda videomateriallar boʻyicha hayʼat aʼzolari tomonidan amalga oshiriladi;
- 2022-yil 25-30-oktyabr — Festivalda ishtirok etish. Besh kunlik festival dasturi Gala-konsertga tayyorgarlik va mahorat darslari, madaniyat arboblari bilan uchrashuvlar va turli mamlakatlardan kelgan ishtirokchilar oʻrtasida madaniy tadbirlarni oʻz ichiga oladi.
Dastur haqida batafsil ushbu havola orqali maʼlumot olish mumkin.
Qoʻshimcha murojaatlar uchun: dastur koordinatori Luiza Karimova:
Email: kazan@oicyouthcapital.com ;
Telefon: +7 917-749-60-55.