Shvetsariyaning eng ilg'or universitetlaridan birida magistratura bosqichini o‘qish uchun EPFL Excellence Fellowship granti

Shveysariyadagi fan va texnologiya bo‘yicha eng ilg‘or bo‘lgan universitetlardan biri sanalgan Lozanna federal politexnika universitetining barcha yo‘nalishlarida (EPEL) magistratura bosqichida o‘qimoqchi  bo‘lgan yuqori akademik ko‘rsatkichlarga ega nomzodlar uchun EPEL Fellowship dasturi taqdim qilinadi. 

Dasturga qabul qilinganlarga har bir semestrda CHF 10,000  stipendiya hamda dastur davomida diplomdan tashqari sertifikat taqdim qilinadi. EPFL ham Shveysariya, ham xalqaro kasbga ega bo‘lib, uchta missiyaga: o‘qitish, tadqiqot va innovatsiyalarga e’tiborini qaratgan. 

Shuningdek dastur asosiy vazifasi muhandislar, olimlar va arxitektorlarning  keyingi ilg‘or avlodini tayyorlashdan iboratdir.

Dastur bilan batafsil ushbu havola orqali tanishish mumkin.

• EPFLdagi birorta magistratura dasturiga qabul qilingan bo‘lishi kerak;
• Nomzod magistratura darajasiga ega bo‘lmasligi kerak;
• Nomzodlar   o‘zi tanlagan magistratura dastur tilini yaxshi bilishlari lozim. Dasturlar ingliz yoki fransuz tilida o‘qitiladi. Bu haqida ushbu havola orqali batafsil ma’lumot olish mumkin.
• EPFL tomonidan moliyalashtiriladigan boshqa muhim stipendiyani EPFL stipendiyasi bilan bir vaqtda olib bo‘lmaydi ammo, har bir semestr uchun 6000 CHF bo‘lgan stipendiya/moliyaviy mablag‘ni olishga  ruxsat beriladi;
• Magistratura uchun o‘quv to‘lovi hamda boshqa to‘lovlar uchun jami har bir semestrga CHF 780 to‘lov qilinadi. Bu haqida ushbu havola orqali batafsil tanishib chiqish mumkin

Dasturga nomzodlar akademik ko‘rsatkichlari va faoliyatlari  asosida saralab olinadi.

Stipendiya ikkinchi o‘quv yilida berilishi uchun quyidagilar talab qilinadi:

• Magistraturaning birinchi yilidagi barcha tanlangan kurslar va imtihonlarning barcha baholarining  o‘rtachasi hisoblanadi, bunda GPA kamida 5 bo‘lishi lozim
• Bir o‘quv yilida talaba kamida 50 kredit yig‘gan bo‘lishi lozim.
  Ushbu havola orqali dastur bilan batafsil tanishib chiqish mumkin.

• Har bir semestr uchun CHF 10,000 (~$11,100) stipendiya;
• Dastur yakunida diplomdan tashqari talabalarga  sertifikat taqdim qilinadi;
• Stipendiya qo‘lga kiritgan talabalar yotoqxona bilan ta’minlanadi, bunda to‘lovni talabalarning  o‘zlari to‘lashlari kerak  bo‘ladi.

EPFL Exellence  stipendiya dasturi uchun alohida ariza topshirilmaydi. Magistratura dasturiga hujjat topshirayotganga nomzodlar  Exellence Fellowship dasturiga ham qabul qilinishini bildirgan (ko‘rsatilgan katakchani belgilash orqali) bo‘lishlari kerak. 
Magistraturaga dasturiga onlayn shaklda ariza topshiriladi
Bunda quyidagi hujjatlar so‘raladi:

• CV;
• Bakalavr diplom va baholari;
• 1000 ta so‘zdan oshmagan maqsad bayoni (Statement of purpose). Bunda nomzodning EPFLda o‘qish orqali erishmoqchi bo‘lgan maqsadlari  aniq yoritilib berilishi kerak;
• Pasport nusxasi;
• Tavsiyanoma beruvchi 3 ta hakamning kontakt ma’lumotlari;
• Barcha hujjatlar ingliz yoki fransuz tilida bo‘lishi lozim. 

Magistratura dasturiga ariza topshirish uchun to‘lov 150 CHF ni tashkil qiladi. 

Ariza topshirish bo‘yicha ushbu havola orqali batafsil tanishib chiqish mumkin.

Qo‘shimcha ma’lumotlar uchun:

Tel:+41 (0)21 693 11 11

E-mail:student.services@epfl.ch