Qurilish sanoatini takomillashtirishga qaratilgan innovatsion loyihalar uchun COINS Grand Challenge tanlovi. Loyihalar £100,000 gacha investitsiya va £5,000 gacha mukofot yutib olishlari mumkin

COINS Grand Challenge - qurilish sanoatida mavjud muommolarni bartaraf eta oladigan hamda sohani jamiyatga ijobiy ta'sir ko'rsatishiga imkon bera oladigan yangi g'oyalar yoki innovatsion yondashuvlar topish uchun tashkil etilgan tanlov hisoblanadi.

COINS Grand Challenge o’z ichiga ikki tanlovni qamrab oladi:

Undergraduate Competition - Talabalar uchun mo’ljallangan tanlov;

Open Competetion - tadbirkorlar va innovatorlar hamda ushbu soha rivoji uchun hissa qo’sha olaman degan barcha uchun mo’ljallangan Ochiq tanlov. 

Dastur maqsadi - ushbu soha ixlosmandlarini sanoat va jamiyat manfaati uchun qurilish sanoatini takomillashtirishga yordam bera oladigan yangi g'oyalar va yondashuvlarni taklif qilishga undash va qurilish sohasi oldida turgan global muammolarni hal qilishga yo’naltirilgan.

• Kamida 18-yoshga to’lgan bo’lishi (2021-yilning 1-yanvariga qadar);
• Ingliz tili bilish darajasining yaxshi bo’lishi (arizalar va tanlov ingliz tilida olib boriladi);
• Undergraduate Competitionda oxirgi kurs talabalari va bitiruvchilar, Open Competition (Ochiq tanlov) da shu sohaga hissa qo’sha oladigan barcha qatnashishi mumkin;
• Tanlovda Construction Industry Solutions Limited (COINS) kompaniyasi ishchilari, hamkorlari ham kompaniya tarkibidagi tashkilot vakillari qatnashishi mumkin emas.

Batafsil: https://www.coins-grandchallenge.com/info-2/terms-conditions-2020

Tanlov g’oliblari quyidagicha taqdirlanishadi: ​

• Open Competition (Ochiq tanlov): 
  Mutlaq g’olibi uchun: £2,000; 
  Ikkinchi o’rin sovrindori uchun: £2,000;
• Undergraduate Competetion (Bitiruvchilar tanlovi): 
  Mutlaq g’olibi uchun £2,500;
  Ikkinchi o’rin sovrindori uchun: £1,000
• COINS Investment Prize g'olibiga £100,000 gacha investitsiya beriladi. 

COINS Investment Prize - “Eng istiqbolli g'oya yoki biznes” nominatsiyasi bo’yicha bir g’olib aniqlanadi va COINS tomonidan maxsus investitsiya mukofotini taqdim etiladi. COINS investitsiya mukofoti g'olibiga biznesiga 100 ming funt sterlinggacha sarmoya kiritish yoki o'z g'oyalarini amalga oshirish uchun biznes tashkil etish taklifi beriladi. G’olib Open Competition (Ochiq Tanlov) ishtirokchilaridan tanlab olinadi; 

COINS Software Innovation Prize - “Dasturiy ta'minot bilan bog'liq eng istiqbolli taqdimot” nominatsiyasi bo’yicha ikkita g’olib aniqlanadi va maxsus tanlov mukofotlari taqdim etiladi. G'olib 3 oylik stajirovka, ikkinchi g'olib esa o'z g'oyalarini yanada rivojlantirishi uchun COINS tadqiqotlari va ishlanmalari bilan 2 haftalik ish stajini olish huquqiga ega bo’ladi.

Arizalar quyidagi tartibda topshiriladi:

1. https://coins.secureplatform.com/a/solicitations/login/5?returnUrl=http%3A%2F%2Fcoins.secureplatform.com%2Fa%2Fsolicitations%2F5%2Fhome sayti orqali shaxsiy sahifa (account) yaratish;
2. Tanlov turini tanlash (Unergraduate\ Open);
3. Berilgan shaklda ariza to’ldirish:
   1. Undergraduate Competition (Bitiruvchlar tanlovi) nomzodlari 800-1000 so’zdan iborat insho yozish yoki 3-10 daqiqali video yuklash talab qilinadi;
   2. Open competition (Ochiq Tanlov) nomzodlaridan esa arizada ko’rsatilgan sohaga oid to’qqiz savolga javob berishlari talab etiladi.

https://coins.secure-platform.com/a havolasi yordamida ariza to’ldirish bilan bo’gliq yo’riqnoma bilan batafsil tanishib chiqing!

Eslatma:

Ariza muvaffaqiyatli topshirilganidan so'ng tasdiqlovchi elektron pochta xabari yuboriladi. Agarda nomzod ariza topshirganidan keyin 24 soat ichida hech qanday tasdiqlovchi xabar olmasa, veb-saytdagi aloqa sahifasi orqali COINS Grand Challenge menejeri bilan bog'lanish tavsiya etiladi (https://www.coins-grandchallenge.com/contact-us );

Ariza topshirish uchun faqatgina bir marta imkoniyat beriladi, qayta topshirilgan taqdirda ham dastlabki ariza qabul qilinadi;

1. Tanlov finalistlari (12 nafar) 2021-yil 11- avgustda COINS Grand Challenge saytida e’lon qilinadi (https://coins-grandchallenge.com );
2. Tanlovning yakuniy - final bosqichi sentabr oyida bo’lib o’tadi;
3. Tanlov g’oliblari esa shu yilning 5-6-oktabr oylarida dastur saytida e’lon qilinadi

Eslatma: Tanlovlarning final bosqichi COVID-19 pandemiyasi sababli onlayn tarzda o’tkazilishi ham mumkin, bu haqida sharoitdan kelib chiqqan holda keyinroq ma’lumot beriladi. 

Batafsil: https://www.coins-grandchallenge.com/info-2/guidance2020 

Bog’lanish uchun: https://www.coins-grandchallenge.com/contact-us