Regensburg universiteti hamda VolkswagenStiftung jamgʻarmasi hamkorligida huquq sohasidagilar uchun stipendiya dasturi

Regensburg universiteti innovatsion va fanlararo universitet boʻlib, Germaniya va xorijdagi yoshlar uchun turli tadqiqot faoliyati va keng doiradagi oʻquv dasturlarimi taklif etadi. Toshkent davlat yuridik universiteti Yuridik fakulteti bilan hamkorlikda, Volkswagen ilmiy jamgʻarmasi koʻmagida “Markaziy Osiyoda huquqiy transfer va huquqiy rivojlanish” tadqiqot guruhi doirasida quyidagi stipendiyalarga arizalarni taklif etadi:

• Doktorlik unvonini olish uchun huquqshunoslik boʻyicha doktoranturaning toʻliq doirasida 4 ta stipendiya.

Dasturning maqsadi qiyosiy huquqiy tadqiqotlarda huquqiy normalarning individual koʻchirilishi va ularning uzoq vaqt davomidagi jarayonini chuqur oʻrganishdan iborat.

Dasturga global miqyosda barcha magistr darajasiga yoki huquq sohasi boʻyicha diplomga ega boʻlgan nomzodlar ariza topshirishlari mumkin.

Dastur ingliz va nemis tillarida olib boriladi.

Dasturga qabul qilingan stipendiatlarga 4 yil davomida oyiga 1400 yevro miqdorida stipendiya beriladi va sayohat xarajatlari qisman qoplanadi.

Dastur haqida batafsil ushbu havola orqali tanishish mumkin.

• Dunyoning barcha mamlakatlaridan istalgan yoshdagi fuqarolar dasturga ariza topshirishlari mumkin;
• Nomzod magistrlik darajasiga yoki huquq sohasi boʻyicha diplomga ega boʻlishi kerak;
• Ingliz tili (IELTS 6.5) yoki nemis tilini (B2) bilish haqidagi sertifikat talab etiladi;
• Nomzod tadqiqot ishi yozish qobiliyatiga ega boʻlishi lozim;
• Arizalar ingliz yoki nemis tillaridan birida topshirilishi kerak.

Dastur maqbullik shartlari bilan batafsil ushbu havola orqali tanishish mumkin.

• Nomzodning butun doktorantura davri uchun (3+1 yil) oyiga 1400 yevro miqdorida stipendiya ajratiladi;
• Sayohat xarajatlari qisman qoplanadi;
• Hamkor universitetlar infratuzilmasidan bepul foydalanish imkoniyati beriladi;
• Nomzodning tadqiqot ishiga ikki nafar tajribali professor (har bir hamkor universitetdan bittadan) rahbarlik qiladi;
• Ishtirokchining individual strategiya va tadqiqot rejasi ishlab chiqiladi;
• Regensburg universitetida til va tadqiqot kurslari taklif etiladi.

Dastur manfaatli jihatlari haqida batafsil ushbu havola orqali tanishish mumkin.

Dasturga kerakli hujjatlar:

• Nomzodning hozirgi tadqiqot qiziqishlarini, tadqiqot guruhining diqqat markazida boʻlgan munosabatini, Study Group dasturi kontekstida rejalashtirilgan ilmiy tadqiqotlarni koʻrsatadigan motivatsion xat (2500 ta soʻz);
• Toʻliq formada rezyume. Rezyume nashr qilingan ishlar roʻyxatini (agar mavjud boʻlsa) hamda ikkita tavsiyanomachining ism va maʼlumotlarini oʻz ichiga olishi lozim;
• Magistratura yoki bakalavr darajasi diplomi;
• Agar mavjud boʻlsa, til bilish haqidagi sertifikat;
• Magistrlik dissertatsiyasining (yoki shunga oʻxshash ishning) 1 betdan iborat annotatsiyasi.

Ushbu hujjatlar 2022-yil 30-noyabrga qadar manuchehr.kudratov@ur.de e-mail manziliga yuborilishi lozim.

Qoʻshimcha savol va murojaatlar uchun: manuchehr.kudratov@ur.de