Rivojlanayotgan davlatlar fuqarolari uchun doktorantura bosqichini birinchi raqamli Koreya universitetida o'qish imkoniyatini beruvchi Prezidential Scholarship Fellowship dasturi

Osiyo, Afrika, Janubiy Amerika va boshqa rivojlanayotgan davlatlardagi nufuzli universitetlarning fakultet aʼzolari uchun Seul Milliy Universiteti Prezidential Scholarship Fellowship dasturini e'lon qiladi. Ushbu stipendiya dasturi Seul Milliy Universitetining eng nufuzli stipendiya dasturlaridan biri boʻlib, rivojlanayotgan mamlakatlardagi nufuzli universitetlarning fakultet aʼzolariga doktorantura bosqichida toʻliq moliyalashtirilgan holda oʻqishlarini taʼminlash maqsadida yoʻlga qoʻyilgan.

Dasturda qatnashish uchun 13-iyulgacha, Toshkent vaqti bilan 13:00 gacha ariza berilishi kerak.

Universitet haqida:

Seul Milliy Universiteti 1946-yilda tashkil etilganidan beri taʼlim sohasida barcha sohalarda yetakchi oʻrinni egallab kelmoqda. Universitet bitiruvchilari nafaqat Koreyada balki butun dunyoda oʻz oʻrniga ega mutaxassis faoliyat olib borishyapti. Bugungi kunda universitet kampusida 50 dan ortiq mamlakatlardan kelgan 2000 dan ortiq talabalar va tadqiqotchi olimlar bor.

Universitet haqida toʻliq maʼlumotlarni ushbu havola orqali olish mumkin.

• Rivojlanayotgan davlatlardagi nufuzli universitetlarning doktorantura darajasiga ega boʻlmagan fakultet aʼzolari ariza yuborishlari mumkin;
• Nomzodlar Seul Milliy Universiteti 2023-yil bahorgi semestriga doktorantura bosqichiga qabul qilingan boʻlishlari kerak;
• Nomzodlarni qabul qilishda Osiyo, Afrika, Janubiy Amerika va boshqa rivojlanayotgan davlatlardagi nufuzli universitetlarning fakultet aʼzolariga ustunlik beriladi.

Dastur shartlari bilan ushbu havola orqali batafsil tanishib chiqish mumkin.

• Olti semestr uchun oʻqish toʻlovi toʻliq moliyalashtiriladi;
• Uch/toʻrt yil davomida har oy 1,500 000 ~ 2,000 000 KRW (~$1100-1600) miqdorida stipendiya beriladi;
• Koreyaga borib-kelish uchun aviachipta toʻlovi qoplanadi;
• Koreys tilini oʻrganishlari uchun bepul darslar oʻtib beriladi;
• Tibbiy sugʻurta shartnomasi uchun toʻlov dastur tomonidan qoplanadi.

Dastur imtiyozlari haqida ushbu havola orqali batafsil maʼlumot olish mumkin.

Kerakli hujjatlar roʻyxati:

• Ariza shaklini toʻldirish (oʻquv rejasini ham shuni ichiga qoʻshib yozish soʻraladi);
• Biror bir nufuzli universitetda fakultet aʼzosi sifatida ishlab kelayotganligini isbotlovchi mehnat daftarchasi koʻrsatilishi soʻraladi; Mehnat daftarchasida quyidagi maʼlumotlar koʻrsatilishi kerak:

1. Universitet nomi;
2. Universitet manzili;
3. Fakultet nomi;
4. Nomzodning shu koʻrsatilgan fakultetdagi lavozimi;
5. Universitetda qachondan beri ishlayotganligi;
6. Nomzod dasturda qatnashib qaytganidan keyin ham shu lavozimi saqlab qolinishi haqida maʼlumotnoma;

• Bakalavr va magistratura bosqichida olgan baholari transkripti;
• Tadqiqot, oʻquv rejasi, dasturni tamomlaganidan keyingi maqsadlari haqida video havola joylashlari kerak. Video YouTube yoki Vimeo dasturlaridan birida boʻlishi kerak;
• Video orqali qilinadigan taqdimot 5 daqiqadan oshmasligi kerak, aks holda qabul qilinmaydi;
• Universitet dekani yoki rektori tomonidan tavsiyanoma (faqatgina rasmiy sayt orqali yuborilishi kerak).
• Portfolio (San'at sohasifagilar uchun).
• Tadqiqot muvaffaqiyatini tasdiqlovchi hujjat (Ixtiyoriy).
• Sinfdan tashqari faoliyatni tasdiqlovchi hujjatlar (ixtiyoriy).
• Koreys tilini bilish sertifikati (TOPIK, Til markazi sertifikati - ixtiyoriy).
• Ingliz tilini bilish sertifikati (TOEFL yoki IELTS yoki TOEIC ball sertifikati - ixtiyoriy).
• Oilasining iqtisodiy ahvolini tasdiqlovchi hujjatlar (ixtiyoriy).

Hujjatlarni yuborish bosqichi:

• Ariza shakli Seul Milliy Universiteti qabul komissiyasi veb-sayti orqali 4-iyuldan 13-iyulga qadar qabul qilinadi;
• Doktorantura bosqichiga hujjatlar ushbu havola orqali yuborilishi kerak;
• Qabul jarayonlari haqida bu yerda batafsil maʼlumot berilgan;
• Arizalarni topshirib boʻlgandan soʻng ularni qabul boʻlishi uchun — 90,000 KRW (~$85) miqdorida toʻlov qilish soʻraladi.

Muhim sanalar:

Ariza shaklini yuborish: 4-iyuldan 13-iyulgacha.

Tavsiyanoma xatini yuborish: 4-iyuldan 15-iyulgacha.

Arizada so'ralgan hujjatlarni yuborish: 29-iyulgacha.

Hujjatlar ko'rib chiqilishining 1-bosqichi: avgust, 2022.

Yakuniy qaror: 25-noybar, 2022.

Intervyu: Dekabr, 2022.

Ariza topshirish yo'riqnomasini diqqat bilan o'qish kerak!

Tavsiyanoma xatiga namuna bu yerdan olinishi mumkin.

Qoʻshimcha maʼlumotlar uchun:

• Masʼul xodim: Jinsol Maeng xonim

Original hujjatlar quyidagi manzilga yuborilishi kerak:

• Xalqaro aloqalar boʻlimi ofis manzili: 152-bino, 2-qavat
• Universitet manzili: 1 Gwanak-ro, Gwanak-gu, Seoul 08826, Koreya
• Telefon: +82-2-880-2519

• Elektron pochta: intlscholarship@snu.ac.kr