Robototexnika boʻyicha barcha iqtidorli yoshlar uchun ROBOFEST — 2023 respublika tanlovi

Oʻzbekistonlik robototexnika ishqibozlari va shu sohada qobiliyatga ega yoshlar uchun ROBOFEST — 2023 respublika robototexnika tanlovi taqdim etiladi. Tanlov 2023-yil 1-dekabr kuni Buxoro shahrida boʻlib oʻtadi. Tanlovning umumiy mukofot jamgʻarmasi 18 mln soʻmni tashkil etadi.

Musobaqa quyidagi yoʻnalishlardan iborat:

• Estafeta: musobaqa har bir jamoa tomonidan mustaqil ravishda oʻtkaziladi. Jamoa ikkita robotni namoyish etadi. Musobaqa davomida bir jamoaning ikkala roboti ham navbatma-navbat (birinchi biri toʻliq aylana boʻylab, keyin ikkinchisi) estafeta tayoqchasini olib yurgan holda, uni topshirish zonasida oʻtkazishi kerak.
• MiniSumo 10x10: oʻyin ikki jamoa oʻrtasida oʻtkaziladi. Har bir jamoa bitta robotni taqdim etadi. Robot raqibni ringdan itarib yuborishi kerak. Oʻyin jamoa belgilangan ochkolar soniga yetguncha davom etadi.
• Roborace: musobaqa har bir jamoa tomonidan mustaqil ravishda oʻtkaziladi. Jamoa bitta robotni namoyish etadi. Tanlovning texnik maqsadi eng qisqa vaqt ichida yoʻlning boshidan oxirigacha kerakli yoʻnalishda harakatlanishi kerak boʻlgan avtonom robot yaratishdan iborat.

Dastur haqida batafsil ushbu havola orqali tanishib chiqish mumkin.

• Musobaqada 9 yoshdan 20 yoshgacha boʻlgan barcha iqtidorli yoshlar qatnashishlari mumkin;
• Barcha jamoalar oʻz robotlari bilan quyidagi yoʻnalishlardan birida ishtirok etishlari lozim:
  • Estafeta;
  • MiniSumo 10x10;
  • Roborace.
• Ishtirokchilar musobaqa qoidalariga qatʼiy rioya qilishlari shart.

Eslatma: Robotlar avtonom boʻlmagan holda harakat qilsa (robot tashqi tomondan boshqarilsa) musobaqadan chetlashtiriladi.

Robotlarga qoʻyilgan talablar va ishtirok etish qoidalari haqida batafsil ushbu havola orqali tanishib chiqish mumkin.

• Dasturda bepul qatnashish mumkin;
• Gʻoliblar pul mukofoti bilan taqdirlanadi (har bir toifa uchun):
  • 1-oʻrin – 3 mln soʻm;
  • 2-oʻrin — 2 mln soʻm;
  • 3-oʻrin — 1 mln soʻm.
• Oʻz mahoratini keng ommaga namoyish etish imkoniyati. 

Dasturda qatnashishni istaganlar ushbu havola orqali ariza topshirishlari mumkin.

Muhim: Ariza topshirishda pasport yoki tugʻilganlik haqida guvohnoma fayl koʻrinishida yuklanishi kerak.

• Roʻyxatdan oʻtish oxirgi muddati: 28-noyabr, 2023-yil;
• Tanlov sanasi: 1 dekabr, 2023-yil;
• Tel: +998 93 473 03 31.