Rossiyada bepul oliy taʼlim olish imkonini beruvchi 16 yoʻnalish boʻyicha oʻtkaziladigan Xalqaro yoshlar olimpiadasi

Rossiyada bepul oliy taʼlim olish imkonini beruvchi 16 yoʻnalish boʻyicha oʻtkaziladigan Xalqaro yoshlar olimpiadasi

  • 01/09/2022 Qabul boshlanishi
  • Grant Moliyalash turi
  • Rossiya Davlat
  • 30.09.2022 Oxirgi muddat
GrantGO

Muhim tafsilotlar

  • Kimlar uchun
    Maktab o'quvchilari (yuqori sinflar)
  • Dastur tili
    Rus tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Yoshlar xalqaro olimpiadasi (Международная Олимпиада Молодежи (МОМ))- Rossiya oliy iqtisod maktabi doirasida tashkil qilingan keng doirali xalqaro olimpiada hisoblanadi. Ushbu olimpiada 8 yildan beri tashkillashtirib kelinadi va dastur turli mamlakatdan kelgan qobiliyatlari yoshlarga oliy taʼlim olishga yordam beradi. Rossiya oliy iqtisod maktabi 2021-yilda Yangi tashkil qilingan universitetlar (The Young University Rankings 2021) roʻyxatining top 100 taligidan joy olgan. Universitetning 4 ta filiali mavjud boʻlib, ular Moskva, Sankt-Peterburg, Nijniy Novgorod hamda Permida joylashgan. Oliygohda 5500 dan ortiq xalqaro talabalar tahsil olishadi.

Dasturda barcha davlatdan boʻlgan 10-11-sinf oʻquvchilar ishtirok etishlari mumkin. Olimpiada jami 16 ta yoʻnalish (fan) boʻyicha olib boriladi hamda har bir ishtirokchi 5 tagacha yoʻnalish boʻyicha qatnashishi mumkin. Olimpiadaning mutlaq gʻoliblariga universitetda bepul tahsil olish imkoni hamda qoʻshimcha gʻoliblarga esa oliy taʼlimda 75% gacha imtiyoz yoki shunga teng stipendiya orqali oʻqish imkoniyati taqdim etiladi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Dasturda Rossiya fuqarosi boʻlmagan barcha nomzodlar ishtirok etishlari mumkin;
  • Dasturda 10-yoki 11-sinfda oʻqiyotgan oʻquvchilar qatnashishlari mumkin;
  • Olimpiadada nomzodlar 5 tagacha yoʻnalish (fan) boʻyicha ishtirok etishlari mumkin boʻladi;
  • Olimpiadaga ishtirok etish uchun nomzodlardan motivatsion xat soʻraladi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali tomonlari mavjud:

  • Olimpiada gʻoliblari bepul oliy taʼlim olish huquqini qoʻlga kiritishadi. Olimpiada gʻoliblari oʻqish oxirigacha bepul tahsil olishadi, har yili olimpiada qatnashib gʻolib boʻlishlari shart emas;
  • Dastur qoʻshimcha gʻoliblari (2 va 3-oʻrinlar) universitetda oʻqish uchun 75% gacha chegirmalarni qoʻlga kiritishadi yoki shu miqdorga teng stipendiya olishadi;
  • Olimpiada ishtirokchilariga taqdim etilgan diplomlar 2 yilgacha amal qiladi;
  • Olimpiada natijalari dekabrda oyida eʼlon qilinadi yaʼni, gʻolib boʻla olmagan ishtirokchilarda boshqa universitetlarga hujjat topshirish imkoniyati mavjud boʻladi.

Dasturning foydali tomonlari haqida ushbu havola orqali batafsil maʼlumot olish mumkin.

Hujjat topshirish

Olimpiadaga roʻyxatdan oʻtish jarayoni quyidagicha boʻladi:

  1. 5 tagacha ishtirok etmoqchi boʻlgan yoʻnalishingizni tanlang;
  2. Roʻyxatdan oʻting;
  3. Onlayn ariza shaklini toʻldiring;
  4. Motivatsiya xatini joylashtiring;
  5. Arizani joʻnating;
  6. Ariza qabul qilinganligini bilish uchun shaxsiy kabinetingizni tekshirib koʻring.

Muhim! Dasturda qatnashish uchun qoʻyilgan fanlar, yaʼni yoʻnalishlar Rossiya Oliy iqtisod maktabi yoʻnalishi doirasiga tayanib belgilangan boʻlib, gʻoliblar olimpiada gʻolib boʻlgan sohalari boʻyicha tahsil olishlari mumkin boʻladi. Olimpiada jami 16 fan boʻyicha boʻlib oʻtadi va fanlar tarkibi har yili universitet talablariga koʻra oʻzgartirilishi mumkin. Masalan, IT yoʻnalishi 2021-yili olimpiada yoʻnalishlari tarkibiga qoʻshildi. Har bir ishtirokchi 5 tagacha yoʻnalish boʻyicha ishtirok etishi mumkin va qoʻlga kiritgan eng yuqori yoʻnalishi boʻyicha esa tahsil olishi mumkin boʻladi.

Dasturga roʻyxatdan oʻtish jarayoni 30-sentyabrgacha davom etadi. Olimpiada 20-30-oktyabr kunlari boʻlib oʻtadi.

Eslatma! Ariza topshirish sayti yakshanba kunlari Rossiya vaqti bilan soat 12:00dan 16:00 gacha ishlamaydi.

Dasturda quyidagi yoʻnalishlar (fanlar) boʻyicha ishtirok etish mumkin:

  • IT;
  • Biologiya;
  • Sharqshunoslik;
  • Dizayn;
  • Jurnalistika;
  • Chet tillari va xalqaro aloqa;
  • Tarix;
  • Matematika;
  • Media aloqa;
  • Xalqaro munosabatlar;
  • Jahon adabiyoti;
  • Huquq;
  • Psixologiya;
  • Ijtimoiy fanlar. Inson, jamiyat va davlat;
  • Falsafa va mantiq.

Eslatma! Olimpiadaga qanday qilib tayyorlanish mumkin degan savol tugʻilgan taqdirda nomzodlar rasmiy sahifadagi oʻzlari tanlagan yoʻnalishlariga kirib oʻsha sahifa orqali tegishli maslahatlar va savollar namunasini topishlari mumkin.

Olimpiadaning fanlar boʻyicha oʻtkazilish vaqtlarini ushbu havola orqali bilib olish mumkin.

Dasturga roʻyxatdan oʻtish yoʻriqnomasi bilan ushbu havola orqali tanishib chiqish mumkin.

Dasturga ushbu havola orqali roʻyxatdan oʻtish mumkin.

Qoʻshimcha maʻlumotlar

Dasturga tegishli kerakli hujjatlar roʻyxatini ushbu havola orqali topish mumkin.

Olimpiadaning avvalgi ishtirokchilari va gʻolib boʻlganlarning dastur haqidagi fikrlari aks etgan videoni ushbu havola orqali tomosha qilish mumkin.

Olimpiadada oʻtgan yili berilgan vazifalar bilan ushbu havola orqali tanishish mumkin.

Olimpiadaga tayyorlanish uchun kerakli vebinarlar haqida ushbu havola orqali maʼlumot olish mumkin.

Olimpiada arxivi bilan ushbu havola orqali tanishish mumkin.

Olimpiada ishtirokchilari murojaatlari uchun:

Tel: +7 909 628 44 25;

Telegram: @into_hse.

Tashkilotchi va hamkorlar murojaatlari uchun:

Tel: +7 495 772 95 90;

E-mail: interolymp@hse.ru.

Quyidagi ijtimoiy tarmoqlar orqali olimpiadaga kerakli maʼlumotlar va barcha materiallarni topish mumkin:

-Vk;

-Telegram;

-Twitter;

-WhatsApp;

-Viber.

Rossiya
Rossiyada bepul oliy taʼlim olish imkonini beruvchi 16 yoʻnalish boʻyicha oʻtkaziladigan Xalqaro yoshlar olimpiadasi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar