Rossiyada xarajatlari qoplanadigan Pushkin Camp 2026 bepul til oromgohi

Pushkin Camp (Leto s Pushkinym) — Rossiyaning Moskva shahrida chet ellik iqtidorli talabalar uchun tashkil etiladigan bepul til oromgohidir. Pushkin nomidagi Davlat rus tili instituti hamda Russkiy Mir jamgʻarmasi hamkorligida oʻtkaziladigan ushbu loyiha MDH va Janubi-Sharqiy Osiyo mamlakatlaridan kelgan yoshlarni birlashtiradi.

Oromgoh dasturi an'anaviy rus tili oʻqitish uslublarini madaniy va til muhitiga shoʻngʻish imkoniyatlari bilan uygʻunlashtiradi. Ishtirokchilar Moskva boʻylab madaniy va adabiy sayohatlarda qatnashib, amaliy muloqot koʻnikmalarini rivojlantiradilar.

Dastur 2026-yil 23-avgustdan 5-sentyabrgacha boʻlgan davrda Moskva shahrida faoliyat olib boradi.

• MDH (jumladan, Oʻzbekiston) va Janubi-Sharqiy Osiyo mamlakatlarida tahsil olayotgan talabalar ariza topshira oladi;

• Nomzodlarning yoshi 18 dan 30 gacha boʻlishi lozim;

• Yaxshi akademik koʻrsatkichlarga ega boʻlish hamda rus tili va Rossiya madaniyatiga qiziqish koʻrsatish talab etiladi;

• Nomzodlar Rossiya Federatsiyasi fuqaroligi yoki u yerda yashash guvohnomasiga (VNZH) ega boʻlmasliklari shart.

• Tashkilotchilar tomonidan Moskvaga borish va kelish aviachiptalari (yoʻl xarajatlari) toʻliq qoplanadi;

• Ishtirokchilar bepul turarjoy va oziq-ovqat bilan ta'minlanadi;

• Zarurat tugʻilganda bepul viza yordami koʻrsatiladi;

• Tanlovning barcha ishtirokchilariga elektron sertifikatlar taqdim etiladi.

Dasturda ishtirok etish uchun hujjat topshirish quyidagi bosqichlardan iborat:

1. 'Obrazovanie na russkom' rasmiy portalida roʻyxatdan oʻtish lozim;

2. Shaxsiy kabinet orqali ishtirokchi anketasi toʻldiriladi;

3. Belgilangan onlayn topshiriqlar va vazifalar bajarilib, shaxsiy kabinetga yuklanadi.

Muhim: Arizalar va onlayn topshiriqlarni yuklashning soʻnggi muddati 2026-yil 26-iyul kuni soat 23:59 ga qadar (Moskva vaqti bilan) etib belgilangan.

Muhim sanalar:

• Hujjatlarni qabul qilish: 2026-yil 26-iyulgacha;

• Oromgoh oʻtkazilish muddatlari: 2026-yil 23-avgust – 5-sentyabr.

Tashkilotchilar haqida: Oromgoh Pushkin nomidagi Davlat rus tili instituti va 'Russkiy Mir' jamgʻarmasi tomonidan tashkil etilmoqda.