Rossiyada xarajatlari qoplanadigan xalqaro yoshlar festivali — International Festival of Youth 2026

Rossiyaning Yekaterinburg shahrida boʻlib oʻtadigan xalqaro yoshlar festivali — International Festival of Youth 2026 taqdim etiladi.

Dastur davomida dunyoqarashni oʻzgartiradigan gʻoyalarni mutaxassislar va innovatorlar baham koʻradigan taqdimotlar olib boriladi hamda dolzarb va muhim mavzular boʻyicha ochiq muhokamalar oʻtkaziladi.

Festival dunyoning turli burchaklaridan kelgan minglab yoshlarning doʻstlar topish, orzudagi jamoalarni tuzish, gʻoyalar almashish va haqiqiy oʻzgarishlarni boshlash uchun yigʻilishiga imkoniyat yaratadi.

Ushbu xalqaro festival Rossiyaning Yekaterinburg shahrida boʻlib oʻtadi. Festivalning asosiy tadbirlari 2026-yil 11-sentyabrdan 17-sentyabrgacha oʻtkazilishi rejalashtirilgan.

Dastur haqida batafsil ushbu havola orqali maʼlumot olish mumkin.

• 14-35 yosh oraligʻidagi yoshlar qatnashishi mumkin:
  • 14-17 yosh toifasi uchun: ishtirokchilar 2026-yil 1-iyul holatiga koʻra kamida 14 yoshda boʻlishi va 2026-yil 8-sentyabr holatiga koʻra 18 yoshga toʻlmagan boʻlishi kerak. Ishtirokchilar 2026-yil 11–17-sentyabr oraligʻida 18 yoshga toʻlishlari ham mumkin.
  • 18-35 yosh toifasi uchun: ishtirokchilar 2026-yil 8-sentyabr holatiga koʻra (shu kuni ham kiradi) kamida 18 yoshda boʻlishi kerak. 2026-yil 17-sentyabr holatiga koʻra 36 yoshga toʻlgan yoki undan katta boʻlgan shaxslar festivalda ishtirok eta olmaydi.
• Nomzodlar dunyoni yaxshiroq tomonga oʻzgartirishni xohlaydigan va global yoshlar hamjamiyatining bir qismi boʻlishga tayyor boʻlishi kerak.

• Turar joy va ovqatlanish xarajatlari qoplanadi;
• Tadbir davomida transport bilan taʼminlanadi;
• 14–17 yoshdagi ishtirokchilar uchun borish-kelish xarajatlari moliyalashtiriladi;
• 18–35 yoshdagi ishtirokchilar uchun:
  • Eng yuqori ball toʻplagan ishtirokchilarga borish-kelish xarajatlarini tashkilotchilar hisobidan qoplash imkoniyati beriladi;
  • Yetarli ball toʻplay olmagan ishtirokchilardan esa borish-kelish xarajatlarini oʻz hisobidan yoki yuboruvchi tomon hisobidan toʻlash soʻraladi.
• Rossiya boʻylab sayohat qilish imkonini beruvchi ekspeditsiya dasturida ham qatnashish mumkin.

Eslatma: Yuboruvchi tomon deganda davlat yoshlar siyosatini amalga oshiruvchi ijro etuvchi organ, universitet yoki kollej, shuningdek, ish beruvchi boʻlishi mumkin.

Dasturga qiziqqanlar ushbu havola orqali roʻyxatdan oʻtib ariza topshirishlari mumkin.

Tanlov uchun saralash jarayoni onlayn tarzda oʻtkaziladi. Unda ishtirok etish uchun belgilangan vaqt oraligʻida quyidagi topshiriqlarni bajarish kerak boʻladi:

• Insho yozish (1-bosqich, baholanmaydi);
• Video taqdimot yuklash (2-bosqich).

Muhim: Tanlov natijalariga koʻra, asosiy roʻyxatdan oʻtish davrida ariza topshirgan nomzodlar orasidan asosiy va zaxira ishtirokchilar roʻyxati shakllantiriladi. Asosiy roʻyxatda oʻzgarishlar boʻlsa, zaxira roʻyxatdagi nomzodlar qayta koʻrib chiqilib, ishtirok etishga taklif qilinishi mumkin.

Qoʻshimcha (zaxira) bosqichda topshiriqlarni bajargan nomzodlar umumiy zaxira roʻyxatga kiritiladi. Ularning ishlarini koʻrib chiqish va baholash faqat tanlov komissiyasi qaroriga koʻra, nomzodlar yashaydigan hudud yoki mamlakatdagi asosiy ishtirokchilar roʻyxatida oʻzgarishlar boʻlganda amalga oshiriladi.

Dasturga hujjat topshirish haqida batafsil video bu yerda.

• Dasturga hujjat topshirish uchun oxirgi muddat: 1-may 2026-yil;
• Hujjat topshirish muddatini oʻtkazib yuborganlar 2026-yil 1-maydan 31-maygacha qoʻshimcha (zaxira) bosqich uchun ariza topshirishi mumkin;
• Tanlov uchun saralash jarayonining dastlabki natijalari 2026-yil 22-iyundan keyin eʼlon qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Vk.