Rossiyada xarajatlari qoplangan holda tadqiqot olib borish imkoniyati — JINR Summer Student Program

Rossiyaning Dubna shahrida joylashgan Birlashgan Yadro tadqiqotlari instituti (JINR) tomonidan butun dunyo boʻylab tadqiqot olib borishni istagan talabalar uchun xarajatlari qoplanadigan START (JINR Summer Student Program) dasturi taqdim etiladi.

Dastur ishtirokchilari JINR mutaxassisi rahbarligida yuqori darajadagi ilmiy-tadqiqot loyihasi ustida ish olib borishadi. Dastur yakunida ular bajarilgan ishlar boʻyicha yozma hisobot tayyorlaydilar va ushbu hisobot dasturning veb-saytiga joylashtiriladi.

Dastur uchun talab qilingan asosiy ilmiy yoʻnalishlari quyidagilar:

• Theoretical Physics;
• Elementary Particle Physics and Relativistic Nuclear Physics;
• Nuclear Physics;
• Condensed Matter Physics, Radiation and Radiobiological Research;
• Networking, Computing, Computational Physics;
• Engineering and Instrumentation.

Tanlab olingan talabalar koʻrsatilgan vaqt oraligʻida (2026-yil 28-iyundan 28-noyabrgacha) 6–8 hafta davomida Dubna shahriga taklif etiladi.

Dastur haqida batafsil ushbu havola orqali maʼlumot olish mumkin.

• Dunyoning barcha mamlakatlaridan 30 yoshgacha boʻlgan bakalavriatning 4-bosqichidan boshlab PhD dasturining 1-bosqichigacha boʻlgan talabalar qatnashishi mumkin;
• Nomzodning akademik yoʻnalishi JINR ilmiy sohalaridan biriga mos kelishi va amaldagi mavzular rejasiga kiritilgan boʻlishi kerak;
• Ilgari START dasturida (JINR Summer Student Programme) ishtirok etmagan boʻlishi lozim.

• Xalqaro talabalar uchun safar xarajatlari qoplanadi;
• Kuniga 2,000 rubl (~$26) miqdorida pul beriladi;
• Viza xarajatlari barcha zaruriy hujjatlar taqdim etilgandan soʻng JINR tomonidan moliyalashtiriladi;
• Turar joy bilan taʼminlanadi.

Eslatma: Xalqaro talabalar uchun JINR safar chiptalarini oʻzi tashkil qiladi yoki yoʻl xarajatlarini qoplaydi, bunda JINRga kelgach barcha zarur hujjatlar topshirilishi shart. Muammolarni oldini olish uchun barcha safar hujjatlarini saqlab qoʻyish va chipta sotib olishdan oldin START jamoasi bilan qoidalarni aniqlashtirish kerak. Agar nomzod chiptani mustaqil ravishda sotib olishni rejalashtirsa, xarid JINR ichki qoidalari va xarajat cheklovlariga mos kelishini taʼminlash uchun avval START jamoasidan ruxsat olishi lozim.

START jamoasiga qoplash (reimbursement) uchun topshiriladigan barcha hujjatlar ingliz yoki rus tilida boʻlishi shart.

Dasturda hujjat topshirish quyidagi bosqichlardan iborat:

• Talabgorlar ushbu havola koʻrsatilgan +Student tugmasini bosish orqali roʻyxatdan oʻtishadi. Bunda quyidagilar talab qilinadi:
  • Diplom (bitiruv haqidagi guvohnoma);
  • Akademik transkriptlar va bakalavriatda oʻqiyotganini tasdiqlovchi hujjat;
  • Yangilangan CV (rezyume);
  • Tavsiyanoma;
  • Motivatsion xat.
• Nomzod jamoa tomonidan tasdiqlanishini kutadi. Shundan soʻng ishtirokchiga talaba sifatida tizimga kirish va ariza topshirish imkonini beruvchi login va parol bilan elektron xat yuboriladi.
• Ishtirok etmoqchi boʻlgan sessiya tanlanadi va APPLY tugmasi bosiladi. Keyin tanlov natijalari kutiladi.

Muhim: Nomzodga elektron pochtasini muntazam tekshirib turish tavsiya etiladi.

• Email: students@jinr.ru;
• Manzil: Joliot-Curie 6, Dubna, Moscow Region, 141980, Russian Federation.

Muhim sanalar:

• Dasturga hujjat topshirish uchun oxirgi muddat: 3-mart 2026-yil (20:00);
• Saralash uchun oxirgi muddat: 15-mart 2026-yil;
• Qatnashishga rozilik bildirish uchun oxirgi muddat: 25-mart 2026-yil;
• Ishtirokchilar roʻyxati nashr etilishi: 10-aprel 2026-yil;
• Ishtirok etish oraligʻi: 2026-yil 28-iyundan 28-noyabrgacha.