• 01/09/2021 Qabul boshlanishi
  • Toʻliq Moliyalash turi
  • Rossiya Davlat
  • 16/10/2021 01:59 Oxirgi muddat

Umumiy maʻlumotlar

Rossiya Federatsiyasining fan va texnologiya yiliga bag'ishlangan MDH davlatlari o'rtasida barqaror munosabatlarni rivojlantirishga qaratilgan Xalqaro yoshlar forumi 2021- yil 31-oktabridan  4-noyabriga qadar Rossiyaning Ulyanovsk shahrida o'tkazilmoqda (Forum 1-3 noyabr kunlarida bo'ladi). Dasturda MDH davlatlarining fuqarosi hisoblangan 18-35 yosh oralig'idagi hamda barqaror munosabatlarni rivojlantirishga befarq bo'lmagan barcha qatnashishi mumkin. 

Dastur oflayn shaklda o'tkaziladi. Forumning ishchi tili - rus tili. 

Forum davomida tashkilotchilar tomonidan 100 ta eng munosib deb topilgan ishtirokchilarning safar, yashash, oziq-ovqat, ishni tashkil etish, madaniy va hordiq chiqarish dasturlariga ketadigan xarajatlari qoplab beriladi. 

Tadbir MDH davatlari o'rtasidagi munosabatlardan yoshlarni yanada boxabar qilish, ularning yetakchiligini hamda faolligini ta'minlash, bu yo'lda davlatlararo aloqalarni kuchaytirish va boshqa shu kabi ko'plab maqsadlar ko'zlanib amalga oshirilmoqda.  

Forum ikki yo'nalish doirasida o'tkaziladi:

  1. Yoshlarni ko'ngilli harakatlarga (volontyorlik) jalb qilish.
  2. Xalqaro va mintaqalararo hamkorlikni rivojlantirish.

 Dasturning maqsad va vazifalari haqida batafsil bu yerda o'qish mumkin.

Maqbullik shartlari

  • 18-35 yosh oralig'idagi MDH davlatlaridan birida istiqomat qiluvchi barcha qatnashishi mumkin;
  • Barqaror rivojlanish masalalari bilan faol shug'ullanib kelayotgan tashkilotlar yosh a'zosi, yetakchisi, rahbari bo'lish yoki shu masalalarga befarq bo'lmaslik;
  • Rus tilida erkin aloqa qila olish;
  • Forum doirasida o'tkazilishi rejalashtirilayotgan barcha seminar va tadbirlarda vaqtida ishtirok eta olish;
  • Forumda qatnashish uchun yuqori ishtiyoqqa ega bo'lish va yangi bilimlarni o'zlashtirishga tayyor turish va b.

Talablar bilan batafsil rasmiy saytning talablar bo'limida tanishish mumkin.

Foydali tomonlari

  • Borish-kelish (aviachipta), yashash, oziq-ovqat, madaniy dasturlariga ketadigan xarajatlar qoplab beriladi.

Muhim: Forumga kech qolgan yoki tez-tez o'tkazib yuborgan ishtirokchilar yashash va oziq-ovqat xarajatlarini mustaqil qoplashlari kerak.

Hujjat topshirish

Qatnashish istagida bo'lgan ishtirokchilar onlayn ariza to'ldirishlari lozim.

Eslatma: Forumga ariza berishdan oldin maxsus qo'llanmani diqqat bilan o'qib chiqish lozim.

Qoʻshimcha maʻlumotlar

Qo‘shimcha ma’lumotlar uchun:

Tel: + 7 (495) 249-11-49;

Elektron pochta: international@youthrussia.ru 

Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Rus tili
  • Yosh chegarasi
    18 yoshdan 35 yoshgacha

Doʻstlar bilan ulashing

Rossiya
Rossiyaning Ulyanovk shahrida o'tkaziluvchi MDH davlatlari o'rtasida barqaror munosabatlarni rivojlantirishga qaratilgan Xalqaro yoshlar forumi. Barcha xarajatlar qoplanadi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar