Royal Society of Biology competition: barcha havaskor fotograflar uchun fotosuratlar tanlovi. Bosh sovrin — £1000!

Buyuk Britaniya Qirollik biologiya jamiyati “Restoring Biodiversity and Habitat” mavzusida fotosuratlar tanlovini tashkil etmoqda. Tanlovda faqat havaskor fotograflar o‘zlarining iqlim, ob-havo va mavsumiy o‘zgarishlarning yerdagi hayotga ta’sirini ochib beruvchi fotosuratlari bilan bepul qatnashishi mumkin.

Ma’lumot uchun: Qirollik biologiya jamiyati biologiya sohasini rivojlantirishga qaratilgan tashkilot bo‘lib, hukumatga shu soha bo‘yicha maslahatlar beradi, siyosatga ta’sir ko‘rsatadi, shuningdek, ta’lim sifatini oshirishni qo‘llab-quvvatlaydi va tabiiy fanlarga jamoatchilik qiziqishini rag‘batlantiradi. Tashkilot Buyuk Britaniyaning London shahrida joylashgan.

Tanlovning avvalgi mavsumlardagi g‘oliblari va ularning ishlari bilan batafsil ushbu havola orqali tanishib chiqish mumkin.

• Tanlovda tashkilot xodimlari, ularning yaqin qarindoshlari, tanlov homiylari, hakamlar va ularning yaqin qarindoshlaridan tashqari barcha qatnashishi mumkin;
• O‘tgan mavsum g‘oliblaridan tashqari barcha qatnashchilar tanlovda yana ishtirok etishlari mumkin;
• Har bir ishtirokchi tanlovda 3 tagacha fotosurat bilan qatnashishi mumkin;
• Taqdim qilingan fotosuratlar avval sotuvga taklif qilinmagan, nashr etilganligi uchun to‘lov amalga oshirilmagan yoki boshqa fotosuratlar tanlovida g‘olib bo‘lmagan bo‘lishi lozim;
• Ishtirokchilardan suratga olish davomida o‘zlarining va boshqalarning manfaatlarini hisobga olishlari talab qilinadi (amaliyot davomida atrof-muhit va hayvonlarga shafqatsiz muomalada bo‘lganligi taxmin qilingan suratlar tanlovdan chetlashtiriladi);
• Ishtirokchilar o‘z ishining huquqiy egasi bo‘lishi va mualliflik huquqlarini buzmasligi lozim.

Fotosuratlarga qo‘yilgan talablar:

• Fotosuratlar yuqori tiniqlikdagi JPEG yoki PNG formatida bo‘lishi va hajmi 10MB dan oshmasligi lozim;
• Fotosuratning eng uzun tomoni kamida 2,500 pikselni tashkil etishi kerak;
• Tasvirga qo‘shimcha elementlar qo‘shish mumkin emas;
• Fotosuratning olingan vaqti saqlanishi lozim;
• Alohida tasvirlar bir vaqtning o‘zida bir xil joyda olinishi kerak; 
• Oq va qora fotosuratlarga ruxsat beriladi;
• Printerda nusxalanib, keyin skaner qilingan ishlar qabul qilinmaydi;
• Sifatini buzmagan holatda fotosuratga ishlov berish (kesish, yengil sayqallash, kuydirish) mumkin;
• Tanlov hakamlari saralashdan o‘tgan ishlarning asl nusxasini talab qilingan taqdirda ishlar ishtirokchilar tomonidan taqdim qilinishi shart.

Eslatma: Tashkilotchilar suratlardan tanlovni ommalashtirish va targ‘ib qilish maqsadida foydalanish huquqiga ega.

• Tanlovda bepul ishtirok etish;
• Tanlov 2 ta yo‘nalishdan iborat va g‘oliblar quyidagicha mukofotlanadi:

- Yil suratkashi (18 yosh va undan yuqori) — 1000 funt sterling pul mukofoti;

-Yilning yosh suratkashi (18 yoshgacha) — 500 funt sterling pul mukofoti.

• Tanlovga fotosuratlarni yuborishdan oldin 2025-yilgi fotosuratlar tanlovi shartlari bilan batafsil ushbu havola orqali tanishib chiqish lozim. Chunki tanlov qoidalariga amal qilinmagan ishlar qabul qilinmaydi va imtiyozlar berilmaydi;
• 13 yoshga to‘lmagan nomzodlar tanlovda ishtirok etishlari uchun yoshni tasdiqlovchi hujjat va ota-onasi yoki vasiylaridan rozilik arizasi taqdim qilishi kerak;
• Nomzodlar ushbu havola orqali ro‘yxatdan o‘tgach o‘z ishlarini taqdim qilishlari mumkin.

Eslatma: Topshirilgan arizalarni qayta tahrir qilib bo‘lmaydi.

• Tanlov posterini ushbu havola orqali yuklab olish mumkin. 
• Saralashdan o‘tganlar ro‘yxati 2025-yil sentabr oyida;
• G‘oliblar 2025-yil oktabr oyida RSB saytida e’lon qilinadi;
• Oxirgi muddat: 19-iyun, 2025-yil (03:59);
• Email: engagement@rsb.org.uk
• Tel: 020 3925 3440.