MDH davlatlari uchun rus tilini targ‘ib qilishga qaratilgan ijtimoiy va ilmiy loyihalarni moliyalashtirish imkonini beruvchi Yoshlari tanlovi; umumiy mukofot qiymati - 500,000 rubl
-
09/07/2021 Qabul boshlanishi
-
Grant Moliyalash turi
-
Rossiya Davlat
-
26.08.2021 Oxirgi muddat
Umumiy maʻlumotlar
Rus tilini millatlararo muloqot tili sifatida targ‘ib qilish, qo‘llab -quvvatlanish, asrash va mustahkamlashga qaratilgan loyihalarni moddiy rag‘batlantirish maqsadida Mustaqil Davlatlar Hamdo'stligi (MDH) davlatlari o‘rtasida akademik V.G.Kostomarov nomidagi yosh izlanuvchilar va tadqiqotchilar o‘rtasida tanlov tashkil etiladi.
MDH hududida rus madaniyati, adabiyoti, ta’limi va fanini ommalashtirish (sayt, ijtimoiy tarmoqlarda va turli tadbirlarni uyushtirish orqali, batafsil bu yerda o‘qish mumkin) va rus tilini o‘qitishning dolzarb masalalari, muammolari hamda istiqbollari bo‘yicha tadqiqotlar va ishlanmalar (batafsil bu yerda) uchun umumiy miqdori 500,000 rubl bo‘lgan mukofot 10 ta eng yaxshi loyiha muallifiga o‘z loyihalarini moliyalashtirishlari uchun taqdim etiladi.
Tanlovda irqi, millati, kasbidan qat’iy nazar, 18-35 yosh oralig‘idagi MDH davlatlari fuqarolari ishtirok etishi mumkin.
Maqbullik shartlari
- 18 yoshdan 35 yoshgacha bo‘lgan MDH davlatlarining fuqarosi hisoblangan barcha qatnashishi mumkin.
- Jamoa (5 kishigacha) yoki yakka tartibda amalga oshirilgan loyihalar uchun ariza berishi mumkin;
- Bir ishtirokchi faqat bir marta ariza berish huquqiga ega;
- Tanlovning ilmiy yo‘nalishi bo‘yicha da’vogarlik qiluvchi loyihalar orginal, ilgari hech qayerda uchramagan va takrorlanmagan, boshqa dasturlar uchun topshirilmagan bo‘lishi shart;
- Yakuniy qismda ishtirok etishdan bosh tortgan taqdirda, qatnashchining o‘rni hakamlar hay’ati tomonidan natijasi teng bo‘lgan keyingi ishtirokchiga o‘tkaziladi.
Foydali tomonlari
- 10 ta g‘olib loyiha 50,000 rubldan pul mukofoti bilan taqdirlanadi;
- Pul mukofotini loyiha davomda faoliyat ko‘rsatgan shaxslarga haq to'lash, loyiha reklama, o'quv materiallarini, loyihada tadbirlar uchun binolarni ijaraga olish, loyihani uchun zarur bo'lgan inventar va asbob -uskunalarni sotib olish; nashriyot, matbaa va loyihani amalga oshirish bilan bog'liq xarajatlar hamda bog'liq transport xarajatlarini qoplash maqsadida ishlatishga ruxsat beriladi.
Eslatma: Mukofot pulidan loyihaga daxlsiz bo‘lgan tadbirkorlik, ehson/xayriya, qarzlarni to‘lash maqsadida foydalanish ta’qiqlanadi.
Rossiya fuqarolari uchun 15%, Rossiya fuqarosi bo‘lmaganlar 30% daromad solig‘i, shunigdek, boshqa majburiy soliqlar ham ko‘zda tutilgan
Qoʻshimcha maʻlumotlar
- 27-avgustdan 7-sentabrga qadar tanlov komissiyasi tanlov ishtirokchilarining arizalarini ko‘rib chiqadi va baholaydi, ma’qul deb topilgan 30 ta yarim finalchilar ro'yxati shakllantiriladi va rasmiy veb-sahifada e’lon qilinadi.
- Shundan so‘ng, 16-sentabrga qadar yarimfinalchilarning onlayn himoya tadimoti bo‘lb o‘tadi. G‘oliblar ertasi kuni e’lon qilinadi hamda 30-sentabrga qadar mukofot pullari topshiriladi.
- 30-noyabrga qadar 10 ta g‘olibning loyihasi amaliyotga joriy etiladi hamda ularning mualliflari 1-30-dekabr kunlarida Moskva shahrida bo‘lib o‘tdigan forumda ishtirok etish uchun taklif qilinadilar.
Loyihalarni saralash va baholah tartibi bilan batafsil rasmiy sahifada biriktirilgan hujjatni yuklab olish orqali tanishib chiqish mumkin.
Qo‘shimcha savollar bilan: sng_rus@mail.ru pochta manziliga murojaat qilish mumkin.