Samarkand International Youth Summit 2022 — xalqaro sammitda qatnashish uchun toʻliq grant

Samarkand International Youth Summit 2022 In Uzbekistan — sammit Oʻzbekiston Yoshlar Ishlari agentligi tomonidan tashkil etilgan boʻlib, arizalar 2022-yil 5-noyabrga qadar qabul qilinadi.

Mahalliy ishtirokchilar soni — 250 nafar.

Sammit maqsadi — taʼlim, ekologiya, gender tengligi, sanʼat sohalaridagi mavjud ijtimoiy muammolarni birgalikda muhokama qilish, ularga yechim topish uchun muloqot maydoni yaratish; yosh tadqiqotchilar, olimlar, ekologlar va ijodiy soha vakillarini birlashtirish; yoshlar siyosati sohasida xalqaro hamkorlikni rivojlantirish.

Sammit 2022-yil 14-15-noyabr kunlari Samarqanddagi “Silk Road Samarkand Uzbekistan” majmuasida boʻlib oʻtadi.

Sammit yoʻnalishlari:

• Sifatli taʼlim va fan️;
• Ekologiya va iqlim oʻzgarishiga qarshi kurash️;
• Gender tengligi️;
• Media va kreativ sanoat.

Toʻliq va qisman moliyalashtirish imkoniyatlari mavjud. Shuningdek, Ishtirokchilar oʻz hisobidan ishtirok etishi mumkin.

Rasmiy sayt orqali batafsil maʼlumot bilan tanishib chiqish mumkin.

Sammitda ishtirok etish talablari:

• Ishtirokchi 18-35 yosh oraligʻida boʻlishi;
• Yozma va ogʻzaki ingliz tilini yaxshi bilishi lozim;
• Ishtirokchi ijtimoiy taʼsir, muammolarni hal qilish, yetakchilik salohiyatiga egaligi va jamiyatda oʻzgarishlar qilishga boʻlgan ishtiyoqini ariza berish jarayonida koʻrsatib berishi kerak.

Rasmiy sayt orqali sammit talablari haqida batafsil maʼlumot olish mumkin.

Sammitda toʻliq va qisman moliyalashtirish orqali ishtirok etish imkoniyati bor.

• Toʻliq moliyalashtirish:
  • Aviachiptalar;
  • Transferlar;
  • Turar-joy;
  • Sammit davomida toʻliq ovqatlanish.
• Qisman moliyalashtirish:
  • Sammit davomida transferlar;
  • Turar-joy;
  • Toʻliq ovqatlanish xarajatlarini oʻz ichiga oladi.

Shuningdek, ishtirokchilar sammitda oʻz hisobidan ishtirok etishi mumkin.

1. Sammitda ishtirok etish uchun onlayn ariza berish lozim.
2. Saralangan nomzodlar suhbat uchun videomuloqotga taklif qilinadi.

Onlayn arizada quyidagilar taqdim etilishi lozim:

• CV(rezyume);
• Rasm;
• Qisqa motivatsion xat.

Batafsil maʼlumot bilan rasmiy sayt orqali tanishib chiqish mumkin.

Saralash natijalari 2022-yil 7-noyabrda eʼlon qilinadi.