Samarqand shahrida o'tkaziluvchi shaxmat boʻyicha Jahon chempionatida volontyorlik

Samarqand shahri mezbonlik qiladigan Fide World Rapid and Blitz Championships shaxmat boʻyicha jahon chempionati joriy yilning 25-31-dekabr kunlari boʻlib oʻtadi. Dasturda ishtirok etish uchun shaxmatni yaxshi tushunish, musobaqa jarayonlarini yoritib bera olish, xalqaro tillardan (ingliz, rus, ispan, nemis) birortasida erkin va ravon gapira olish, jonli efir vaqtida oʻzini yoʻqotib qoʻymaslik kabi talablar mavjud. Volontyorlar Samarqand va Toshkent shaharlaridan birida belgilangan vazifalarni bajarishlari lozim boʻladi.

Eng faol ishtirok etgan volontyorlarga Yoshlar ishlari agentligi tomonidan maxsus sertifikat topshiriladi.

Tanlovda qatnashish uchun quyidagi talablar mavjud:

• Nomzodlar shaxmatni yaxshi tushunadigan va musobaqa jarayonlarini yoritib bera oladigan boʻlishlari kerak;
• Jonli efir vaqtida oʻzini yoʻqotib qoʻymaydigan boʻlishlari zarur;
• Qatnashchilar ingliz tilida erkin va ravon gapira oladigan boʻlishlari soʻraladi, shuningdek, boshqa xalqaro tillarni (rus, ispan, nemis) biladigan volontyorlar ham qabul qilinadi;
• Ushbu jahon chempionati jarayonlarida volontyorlik faoliyatini amalga oshirish uchun, avvalambor, Yoshlar ishlari agentligining tashkiliy qoʻmita vakillari akkreditatsiyasidan roʻyxatdan oʻtish lozim;
• Volontyorlar quyidagi vazifalarni amalga oshirishga tayyor boʻlishlari zarur:

I. Toshkent shahridagi volontyorlarning asosiy vazifalari:

• Mehmonlarni Toshkent xalqaro aeroportida kutib olish;
• Tashrif buyuruvchilarning qaytish sanasi va reysi boʻyicha maʼlumotlarni shakllantirish;
• Ishtirokchilarni belgilangan mehmonxonalarga yetkazish;
• Kutib olingan mehmonlarning taksi xizmatidan foydalanishi hamda pul almashtirish kabi ishlariga koʻmaklashish;
• Mehmonxonalarga yoʻnaltirish hamda transportlarni bogʻlab berish;
• Mehmonlarni kutib olib, Samarqand shahriga kuzatish va chempionat yakunlangandan soʻng Toshkent Xalqaro aeroportidan kuzatish.
  II. Samarqand shahridagi volontyorlarning asosiy vazifalari:
• Mehmonlarni Samarqand xalqaro aeroportida kutib olish;
• Tashrif buyuruvchilarning qaytish sanasi va reysi boʻyicha maʼlumotlarni shakllantirish;
• Toshkent xalqaro aeroportida tashkil etiladigan shtab bilan hamkorlikda mehmonlarni kutib olish va kuzatish ishlarini tashkil etish;
• Ishtirokchilarni belgilangan mehmonxonalarga yetkazish;
• Kutib olingan mehmonlarga taksi xizmatidan foydalanishi hamda pul almashtirish kabi ishlarda koʻmaklashish;
• Mehmonxonalarga yoʻnaltirish hamda transportlarni bogʻlab berish;
• Belgilangan mehmonlarni kutib olish;
• Ularni band qilingan xonalarga joylashtirish;
• Mehmonlarni marosim oʻtkaziladigan manzillarga yoʻnaltirish
• Axborot almashishni taʼminlash;
• Mehmonlarni mehmonxonalardan kuzatish va kutib olish ishlarini tashkil etish;
• Chempionat doirasida yuzaga keladigan har qanday tashkiliy masalalarni va mehmonlarning tarixiy joylarga tashriflarini tashkil etish choralarini koʻrib chiqish va hal etilishini taʼminlash;
• Belgilangan joylarda madaniy tadbirlarni tashkillashtirish.

Dastur talablari haqida ushbu havola orqali qoʻshimcha maʼlumot olish mumkin.

Dasturning quyidagi foydali jihatlari mavjud:

• Eng faol ishtirok etgan volontyorlarga Yoshlar ishlari agentligi tomonidan maxsus sertifikat topshiriladi;
• Shuningdek, ishtirokchilar tajriba almashish, turli millat fuqarolari bilan muloqot qilish imkonini ham qoʻlga kiritishadi;
• Ishtirokchilarning volontyorlik faoliyati ularning rezyumelarini boyitish uchun xizmat qiladi.

Eslatma! Volontyorlarning Samarqand shahrida yashash va ovqatlanish xarajatlari tashkiliy qoʻmita tomonidan qoplanmaydi.

Dasturning foydali jihatlari haqida ushbu havola orqali ham maʼlumot olish mumkin.

Ushbu jahon chempionati jarayonlarida volontyorlik faoliyatini amalga oshirish uchun, avvalambor, Yoshlar ishlari agentligining tashkiliy qoʻmita vakillari akkreditatsiyasidan roʻyxatdan oʻtish lozim.

Dasturga roʻyxatdan oʻtish uchun quyidagi maʼlumotlarni kiritish talab qilinadi:

• Pasport maʼlumotlari;
• Yashash manzili;
• Foto;
• Volontyorlik qilinadigan sana (25-31-dekabr);
• Volontyorlik tajribasi boʻyicha maʼlumot.

Dasturga ushbu havola orqali roʻyxatdan oʻtish mumkin.

Savol va murojaatlar boʻlgan taqdirda ushbu havola orqali murojaat qilish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-Telegram;

-Facebook;

-Twitter;

-You tube;

-Instagram.