Saudia Arabistonining Qirol Abdulloh nomidagi fan va texnologiya universitetida magistratura va PhD bosqichini oʻqish uchun toʻliq moliyalashtiriladigan KAUST Fellowship grant dasturi

KAUST — King Abdullah University of Science and Technology magistratura va doktorantura bosqichida oʻqishni rejalashtirgan har tomonlama faol talabalarga KAUST Fellowship dasturini taklif qiladi. Dastur davomida talabalar oʻzlari tanlagan kurslarida bepul oʻqishi, turarjoy va oylik stipendiya bilan taʼminlanadi.

Ayni paytda 2025-yil kuzgi mavsum uchun arizalar qabul qilinmoqda. 

Nomzodlar quyidagi talablarga javob berishi kerak:

• KAUST oliygohining magistratura yoki doktorantura bosqichiga qabul qilingan boʻlishi kerak;
• Ingliz tilini yaxshi bilishi lozim (IELTS 6.5);
• GRE sertifikati ustunlik berishi mumkin, lekin majburiy emas.
• Magistratura uchun 18-30 yosh oralig'ida bo'lish, doktorantura uchun esa 35 yoshdan katta bo'lmaslik kerak.

Dasturga qabul qilingan nomzodlar quyidagi imtiyozlarga ega boʻlishadi:

• Kontrakt toʻlovidan ozod qilinadi;
• Yashash xarajatlari uchun oylik stipendiya (yiliga talaba darajasi va dasturga qarab) $30,000 gacha;
• Bepul turarjoy va tibbiy yordam bilan ta'minlanadi;
• Safar xarajatlarida yordam beriladi. 

Universitetning magistratura va doktorantura bosqichiga qabul qilingan barcha talabalarga toʻgʻridan toʻgʻri grant taqdim etiladi, shuning uchun alohida ariza topshirish talab etilmaydi.

Universitetning magistratura va doktorantura bosqichiga ariza topshirishi uchun kerak boʻladigan hujjatlar:

• CV/Rezyume
• Statement of purpose (750 soʻzdan iborat boʻlgan, avvalgi akademik ishlari va nega shu kursni tanlaganligi aks etgan maʼlumotnoma);
• Avval tugallagan darajasini tasdiqlovchi hujjat/diplom va uning baholari;
• 3 ta tavsiyanoma;
• Til bilish darajasini tasdiqlovchi sertifikat (IELTS 6.5/TOEFL iBT 79);
• GRE sertifikati (ixtiyoriy);

Eng koʻp soʻralgan savollar va uning javoblari bilan tanishish uchun ushbu havolaga kiring.

Qoʻshimcha savol va murojaatlar uchun: admissions@kaust.edu.sa