Saudiya Arabistonida bakalavr darajasini oʻqish uchun toʻliq moliyalashtirilgan King Saud University scholarship granti

Saudiya Arabistonidagi oliy taʼlim muassasalari ichida eng boy universitet deya taʼrif etilgan King Saud universiteti mamlakat fuqarosi boʻlmagan xalqaro talabalarga bakalavriatni toʻliq moliyalashtirilgan holda oʻqish imkonini beruvchi King Saud University scholarship grantini taqdim etadi. Dasturda 17 yoshdan 25 yoshgacha boʻlgan barcha maktab bitiruvchilari yoki maktabning oxirgi sinfida oʻqiyotganlar qatnashishi mumkin. Grant gʻoliblari King Saud universitetida bepul taʼlim olishlari mumkin hamda universitet talabaning barcha xarajatlarini qoplashni oʻz zimmasiga oldi. 

Dasturga qabul 2023-yil 15-avgustdan 2023-yil 15-sentabrgacha davom etadi. Biroq universitetga bakalavriat uchun qabul muddatlari dasturnikidan farq qiladi. Nomzodlar hujjat topshirguncha shuni hisobga olishlari lozim.

Maʼlumot uchun: Saudiya Arabistonda joylashgan King Saud universiteti mamlakatdagi eng boy universitetlaridan biri hisoblanadi. 1957-yil 6-noyabrda qirol Saud ibn Abdulaziz tomonidan tashkil etilgan. Universitet maydonining kattaligi boʻyicha dunyoda ikkinchi oʻrinda turadi. Talabalar soni 60 mingdan ortiq boʻlib, ularning 7 foizi xorijiy davlat fuqarolaridir. 

Dastur haqida batafsil ushbu havola orqali maʼlumot olish mumkin.

• Dasturda 17 yoshdan 25 yoshgacha boʻlgan barcha maktab bitiruvchilari yoki maktabning oxirgi sinfida oʻqiyotganlar qatnashishi mumkin;
• Nomzodlar oʻrta maktab diplomiga yoki unga tenglashtirilgan diplomga ega boʻlishi kerak (olingan kundan boshlab besh yildan ortiq vaqt oʻtmagan boʻlishi lozim);
• Quyidagi yoʻnalishlardan biriga bakalavriatni oʻqish uchun hujjat topshirgan boʻlishi lozim;
• Ingliz tilini yaxshi bilish zarur (kamida IELTS 6);
• Nomzod erishgan akademik yutuqlar va GPA ballari hisobga olinadi;
• Dastur davomida ariza beruvchi mamlakatdagi boshqa taʼlim muassasasidan stipendiya olmasligi kerak;
• Nomzod ilgari mamlakatdagi birorta taʼlim muassasalaridan chetlashtirilmagan boʻlishi kerak;
• Nomzodlar sogʻlom boʻlishi talab qilinadi. Shuning uchun nomzodlar oʻqishga kirayotganda universitet nizomi va yoʻriqnomalarida nazarda tutilgan tibbiy koʻrikdan oʻtishi shart;
• Universitet tizimi ilgari bakalavr darajasini olgan har qanday talabani qabul qilishni taqiqlaydi;
• Ayol nomzodlar Saudiya Arabistonidagi qoidalarga muvofiq mahram (yaqin qarindoshi yoki turmush oʻrtogʻi) bilan birga kelishi shart.

Eslatma: Arab tilini bilmaydigan nomzodlar Malik Saud universiteti qoshidagi Arab tili institutiga oʻqishga kirib, 2 yil ichida tilni oʻzlashtirishlari mumkin.

Muhim: Yuqoridagi talablar nomzodlarga qoʻyilgan umumiy talablardir. Shuning uchun universitetning ichki talablari bilan ham tanishib chiqish lozim.

• Eng boy universitetlaridan birida bepul taʼlim olish;
• 840 riyal oylik stipendiya beriladi (230$);
• Bepul turar joy bilan taʼminlandi (turmushga chiqmaganlar uchun yotoqxona);
• Butun oʻqish davri davomida bepul tibbiy yordam;
• Har yili kitob sotib olish uchun 1000 riyal beriladi ($267);
• Ovqatlanish uchun imtiyoz mavjud;
• Yangi kelgan talabalar oʻqish uchun ikki oylik stipendiya bilan taʼminlanadi (1760 riyal=470$);
• Aʼlochi talabalarni ragʻbatlantirish (agar talaba ketma-ket ikki semestrni aʼlo baholar bilan tugatsa, 1000 riyal = 267$ bonus beriladi);
• Yozgi taʼtilda uyga borib kelish uchun chipta xarajatlari qoplanadi;
• Bitiruvchilarga kitoblarni oʻz yurtiga joʻnatish uchun uch oylik stipendiya toʻlanadi (2520 riyal = 672 dollar);
• Oilasi bilan kelish imkoniyati (oila taʼminoti toʻliq talabaning zimmasida boʻladi).

Dasturning foydali tomonlari bilan batafsil ushbu havola orqali tanishib chiqish mumkin.

Dasturda ishtirok etishni istaganlar ushbu havola orqali onlayn ariza topshirishlari mumkin.

Talab qilinadigan hujjatlar:

• Ariza shakli;
• Pasport nusxasi (bosh sahifa);
• Oʻrta maktabni bitirganlik haqida hujjat yoki kollej/universitet diplomi;
• Akademik transkriptlarning asl nusxalari;
• CV;
• Fotosurat 4x6 (oq fonda);
• Mahramga beriladigan yashash uchun ruxsatnoma (ayollar uchun);
• Tavsiyanoma.

Eslatma: Oʻrta maktabning oxirgi sinfida oʻqiyotganlar ham oʻqishini tasdiqlovchi maxsus guvohnoma orqali hujjat topshirishi mumkin. Barcha hujjatlar skanerlangan boʻlishi kerak. Sertifikat va shaxsni tasdiqlovchi hujjatlar taʼlim muassasasi tomonidan koʻrsatilgan vakolatli organlar tomonidan tasdiqlangan boʻlishi lozim.

• Takroran soʻraladigan savollarga javob bu yerda;
• Hujjat topshirish haqida batafsil ushbu video orqali maʼlumot olish mumkin;
• Email: info@notjustmadinah.com;
• Whatsapp: +966568202297;
• Oxirgi muddat: 15-sentabr, 2023-yil (02:00).

 Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Youtube.