Saudiya Arabistonidagi King Abdulaziz universitetida barcha bosqich va istalgan sohada o'qish uchun toʻliq moliyalashtiriluvchi grant

Saudiya Arabistoni hukumati Jeddahda joylashgan King Abdulaziz universitetida oʻqish uchun toʻliq moliyalashtiriladigan grantni eʼlon qiladi. Nomzodlar bakalavr, magistratura yoki doktorantura bosqichlaridan birida istalgan yoʻnalishlarida tahsil olishlari mumkin boʻladi.

Dastur ishtirokchilari oʻqish kontrakt pulidan ozod qilinadi. Bundan tashqari ularga oylik stipendiya, davlatga yetib kelgandan keyin joylashish puli hamda yillik yoʻl chiptalari puli ham toʻliq qoplanadi. Talabalar turar-joy bilan taʼminlanadi hamda tibbiy sugʻurtalanadi. Viza olish ishlari ham grant maʼmuriyati koʻmagida hal qilinadi.

Dasturning bakalavr bosqichida oʻqish uchun nomzodlar 17-25 yosh oraligʻida boʻlishlari, magistratura uchun 30 yoshdan va doktorantura uchun esa 35 yoshdan oshmagan boʻlishlari zarur. Ishtirokchilardan arab tilida yaxshi gaplashish va yozishni bilish talab qilinadi. Magistratura va doktorantura bosqichida oʻqish uchun ingliz tilini bilish sertifikati soʻraladi, bakalavr bosqichi uchun esa bu shart emas.

Dastur haqida ushbu havola orqali batafsil maʼlumot olish mumkin.

Bakalavr bosqichiga hujjat topshirish uchun quyidagi talablar mavjud:

• Nomzodlar yaxshi xulqli va odobli boʻlishlari kerak;
• Dastur ishtirokchisi universitet qoidalari va talablariga boʻysunishi lozim;
• Nomzod jismoniy jihatdan sogʻlom boʻlishi kerak;
• Qirollik hududida yoki boshqa joyda maktabni yoki oʻrta-maxsus taʼlim muassasasini bitirganlik toʻgʻrisidagi hujjati boʻlishi lozim;
• Nomzodlar toʻliq taʼlim olishlari lozim;
• Dasturda ishtirok etish uchun nomzod maktab yoki oʻrta-maxsus taʼlim muassasasini bitirganiga uch yildan oshmagan boʻlishi zarur;
• Nomzod 17-25 yosh oraligʻida boʻlishi lozim;
• Ishtirokchi hech qanday oʻqishdan yoki biror taʼlim muassasasidan chetlatilmagan boʻlishi zarur;
• Grantga nomzodlik qilish vaqtida qirollikdagi boshqa hech qanday grantda ishtirok etmayotgan boʻlishi kerak;
• Ayol yoki qiz talabalar yonlarida davlatda yashash uchun ruxsatnomasini bor erkak kishi (mahram) hamkorligida kelishlari kerak boʻladi;
• Nomzod arab tilida yaxshi yoza oladigan va gaplashadigan darajada boʻlishi kerak.

Bakalavr bosqichiga qoʻyiladigan talablar bilan ushbu havola orqali batafsil tanishish mumkin.

Magistratura bosqichiga hujjat topshirish uchun quyidagi talablar mavjud:

• Nomzod 30 yoshdan katta boʻlmasligi kerak;
• Ishtirokchining akademik koʻrsatkichlari yaxshi (aʼlo darajada) boʻlishi lozim;
• Nomzod ingliz tilini bilish darajasini belgilovchi sertifikatga ega boʻlishi kerak. IELTS sertifikati 5 yoki TOEFL PBT 500, TOEFL CBT 173, TOEFL IBT 61 dan kam boʻlmasligi zarur;
• Dastur ishtirokchisi jismoniy va ruhiy jihatdan sogʻlom boʻlishi lozim;
• Nomzod oʻqishni bitirgan joyidagi fakultet aʼzolarining 2 ta tavsiyanomasini taqdim etishi kerak;
• Nomzod avval Saudiyadagi biror bir taʼlim muassasasidan chetlatilmagan boʻlishi zarur;
• Arab tili va adabiyoti, Islomiy qonunlar va tadqiqotlar, Sotsiologiya, Psixologiya, Axborot texnologiyalari yoʻnalishlariga hujjat topshirmoqchi boʻlgan talabalar arab tilida soʻzlash va yozishni professional darajada bilishlari kerak.

Magistratura bosqichiga qoʻyiladigan talablar bilan ushbu havola orqali batafsil tanishish mumkin.

Doktorantura bosqichiga hujjat topshirish uchun quyidagi talablar mavjud:

• Nomzod 35 yoshdan katta boʻlmasligi kerak;
• Ishtirokchining akademik koʻrsatkichlari yaxshi (aʼlo darajada) boʻlishi lozim;
• Nomzod ingliz tilini bilish darajasini belgilab beruvchi sertifikatga ega boʻlishi kerak. IELTS sertifikati 5 yoki TOEFL PBT 500, TOEFL CBT 173, TOEFL IBT 61 boʻlishi zarur;
• Dastur ishtirokchisi jismoniy va ruhiy jihatdan sogʻlom boʻlishi lozim;
• Nomzod oʻqishni bitirgan joyidagi fakultet aʼzolarining 2 ta tavsiyanomasini taqdim etishi kerak;
• Nomzod avval Saudiya Arabistonidagi biror bir taʼlim muassasasidan chetlatilmagan boʻlishi zarur;
• Arab tili va adabiyoti, Islomiy qonunlar va tadqiqotlar, Sotsiologiya, Psixologiya, Axborot texnologiyalari yoʻnalishlariga hujjat topshirmoqchi boʻlgan talabalar arab tilida soʻzlash va yozishni professional darajada bilishlari kerak.

Doktorantura bosqichiga qoʻyiladigan talablar bilan ushbu havola orqali batafsil tanishish mumkin.

Dastur talablari haqida ushbu havola orqali tabafsil maʼlumot olish mumkin.

Dasturning quyidagi foydali tomonlari mavjud:

• Birinchi navbatda grant gʻoliblari Jeddahdagi King Abdulaziz aeroportida kutib olinadi va oʻzlari istiqomad qiladigan yotoqxonaga kuzatib qoʻyiladi;
• Nomzod Saudiya Arabistoniga yetib kelgandan keyin oʻqish boshlanishiga tayyorlanish va moslashib olishlari uchun 2 oylik stipendiya beriladi;
• Talabalar oylik stipendiya bilan taʼminlanadi;
• Doimiy tahsil oluvchi talabalar yillik tekin yoʻl chiptalari bilan taʼminlanadi, yangi kelganlarga esa yetib kelgani uchun kompensatsiya puli toʻlanadi;
• Grant yutishi bilan bogʻliq moliyaviy jarayonlar dastur tartibga solinguniga qadar davom etadi;
• Universitet talabalariga favqulodda vaziyat uchun subsidiya va moliyaviy yordam beriladi;
• Baʼzi dastur ishtirokchilari ish bilan ham taʼminlanadi;
• Nomzodlarning davlatga kelish va chiqish viza ishlariga yordam beriladi;
• Talabalarning xohishiga va vaziyatga qarab oila aʼzolarini ham oʻzlari bilan birga olib kelishlari mumkin boʻladi;
• Har bir dastur ishtirokchisi turar joy bilan taʼminlanadi hamda butun oʻquv yili davomida yuzaga keladigan har qanday muammolar nazorat qilib turiladi;
• Oʻqish davomida hamyonbop oziq-ovqatni sotib olish imkoniyati yaratiladi;
• Talabalar tibbiy sugʻurtalanadi;
• Magistratura va doktorantura bosqichida tahsil oluvchi talabalarga ilmiy ishlarini chop etish uchun mablagʻ ajratiladi;

Dasturning foydali tomonlari haqida ushbu havola orqali maʼlumot olish mumkin.

Dasturga qabul jarayoni quyidagicha boʻladi:

1. Nomzod onlayn ariza shaklini toʻldiradi yoki oʻz davlatidagi Saudiya Arabistoni elchixonasi orqali universitetga roʻyxatdan oʻtadi;
2. Topshirilgan ariza koʻrib chiqiladi;
3. Ariza maʼlumotlari tasdiqlanishi va qabul qilinishi uchun vazirlikka joʻnatiladi;
4. Ariza tekshiruv bosqichidan oʻtgan nomzodlar Saudiya Arabistoni elchixonasiga hujjatlari bilan kelishi soʻraladi;
5. Saudiya Arabistoni qirolligiga borish uchun viza ochiladi.

Eslatma! Dasturga yil davomida ariza topshirish mumkin. Grant bakalavr bosqichi uchun 4 yil, magistratura bosqichi uchun 2 yil va doktorantura bosqichi uchun 3 yil davom etadi.

Bakalavriat yoʻnalishida mavjud yoʻnalishlar bilan ushbu havola orqali tanishish mumkin.

Magistratura yoʻnalishida mavjud yoʻnalishlar bilan ushbu havola orqali tanishish mumkin.

Doktorantura yoʻnalishida mavjud yoʻnalishlar bilan ushbu havola orqali tanishish mumkin.

Bakalavr bosqichiga ushbu havola orqali hujjat topshirish mumkin.

Magistratura bosqichiga ushbu havola orqali hujjat topshirish mumkin.

Doktorantura bosqichiga ushbu havola orqali hujjat topshirish mumkin.

Dasturga ariza topshirish jarayoni haqida ushbu havola orqali batafsil maʼlumot olish mumkin.

King Abdulaziz universiteti haqida ushbu havola orqali batafsil maʼlumot olish mumkin.

King Abdulaziz universitetining foto albomi bilan ushbu havola orqali tanishish mumkin.

Universitetda mavjud sharoitlar va imkoniyatlar haqida ushbu havola orqali maʼlumot olish mumkin.

Ushbu havola orqali King Abdulaziz universiteti maʼmuriyati bilan bogʻlanish mumkin.

Universitetda boʻladigan akademik hamda madaniy tadbirlar va uchrashuvlar haqida ushbu havola orqali maʼlumot olish mumkin.