Saudiya Arabistonidagi nufuzli universitetlarda barcha bosqichlarda o'qish imkonini beruvchi — Kingdom Saudi Arabia grant dasturi

Saudiya Arabistoni taʼlim vazirligi barcha xalqaro talabalarga oʻzining turli nufuzli universitetlarida oʻqish imkoniyatini beruvchi grant dasturini eʼlon qiladi. Grant deyarli barcha yoʻnalishlar (tibbiyotdan tashqari) uchun taqdim etilishi rejalashtirilgan.

Dasturdan asosiy maqsad iqtidorli yoshlarni mamlakatga jalb qilish, ularni ragʻbatlantirish va Saudiya Arabistoni taʼlim tizimini xalqaro miqyosda ahamiyatini oshirishdan iborat.

Quyidagi mutaxassisliklar boʻyicha hujjat topshirish mumkin:

1. Politics (Siyosat);
2. Law (Huquq);
3. Education (Taʼlim);
4. Business Administration (Biznes boshqaruvi);
5. Economics (Iqtisodiyot);
6. Engineering and Natural Sciences (Muhandislik va tabiiy fanlar);
7. Computer Science (Kompyuter fanlari);
8. Agriculture (Qishloq xoʻjaligi);
9. Shariah and Arabic (Shariat va arab tili);
10. Media (OAV).

Grant dasturi quyidagi universitetlar uchun amal qiladi:

• Islamic University of Medinah;
• Umm Al Qura University;
• Imam Abdulrahman Bin Faisal University;
• Imam Muhammad Bin Saud Islamic University;
• Prince Sattam bin Abdulaziz University;
• Princess Nourah bint Abdulrahman University;
• Al-Baha University;
• Jouf University;
• Northern Border University;
• TAIF UNIVERSITY;
• Qassim University;
• Majmaah University;
• King Khalid University;
• King Saud University;
• King Abdulaziz University;
• King Faisal University;
• Bisha university;
• University of Tabuk;
• Jazan University;
• University of Jeddah;
• University of Hail;
• Hafr Al-Batin University;
• Shaqra University;
• TAIBAH UNIVERSITY;
• Najran University.

Maʼlumot uchun: Saudiya Arabistonida dunyodagi eng yaxshi universitetlar qatoriga kiradigan universitetlar bor va ushbu taʼlim muassasalari oʻzining ilgʻor ilmiy markazlariga ega. Hozirda Saudiya Arabistonidagi universitetlarda dunyoning 170 dan ortiq mamlakatidan kelgan talabalar tahsil olmoqda va statistika boʻyicha hozirga qadar 100 000 dan ortiq xalqaro talabalar oʻqishni tamomlagan.

Dastur haqida batafsil ushbu havola orqali maʼlumot olish mumkin.

• Dasturda Saudiya Arabistonida bakalavriat, magistratura, PhD yoki arabshunoslik (Diploma in Arabic Studies) boʻyicha oʻqimoqchi boʻlgan xalqaro talabalar qatnashishi mumkin;
• Nomzod arabshunoslik (Diploma in Arabic Studies) va bakalavriat bosqichi uchun 17 yoshdan 25 yoshgacha boʻlishi, magistratura uchun 30 yoshdan, PhD uchun esa 35 yoshdan oshmagan boʻlishi lozim;
• Nazariyaga asoslangan mutaxassisliklar uchun arab tilini, amaliy yoʻnalishlar uchun ingliz tilini yaxshi bilish zarur;
• Nomzod ilgari mamlakatdagi birorta taʼlim muassasasida oʻqish uchun stipendiya olmagan boʻlishi kerak;
• Talabgor Saudiya Arabistoni qonunlari va Taʼlim vazirligi tomonidan belgilangan tibbiy koʻrikdan oʻtishi talab qilinadi;
• Ariza beruvchi ilgari Saudiya Arabistonidagi birorta taʼlim muassasasidan оʼqishdan chetlatilmagan boʻlishi shart.

Eslatma: Yuqoridagi talablar nomzodlarga qoʻyilgan umumiy talablardir. Shuning uchun tanlangan universitetning ichki talablari bilan batafsil tanishib chiqish lozim.

Maqbullik shartlari bilan batafsil ushbu havola orqali tanishib chiqish mumkin.

Dasturda 3 xil usulda grant taqdim etiladi:

• Toʻliq moliyalashtiriladi;
• Qisman moliyalashtiriladi;
• Barcha xarajatlar nomzodning oʻzi tomonidan qoplanadi.
• Nufuzli universitetda yuqori malakaga ega mutaxassislardan taʼlim olish va ular bilan birga amaliy tadqiqotlar qilish imkoniyati.

Eslatma: Dasturning moliyalashtirish turi har bir universitetning ichki talablaridan kelib chiqqan holda belgilanadi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirish va qabul qilish jarayoni quyidagi bosqichlardan iborat:

1. Platformada shaxsiy akkaunt yaratiladi:
   1. Ariza beruvchiga 3 ta tanlov beriladi: national ID, Iqoma ID va other (boshqa). Bunda other (boshqa) tugmasi bosiladi;
   2. Elektron pochta manzili kiritiladi;
   3. Qaysi millatga mansubligi koʻrsatiladi. Shunda nomzodning shaxsiy maʼlumotlari kiritilishi soʻraladigan yangi oyna ochiladi. Soʻrovnoma aniq va batafsil toʻldirilishi kerak.
2. Tegishli dastur tanlanadi va ariza topshiriladi.
3. Qabul qilinganlik toʻgʻrisida xat olinadi;
4. Taʼlim vizasi uchun ariza topshiriladi;
5. Nomzod Saudiya Arabistoniga tashrif buyuradi.
6. Universitet bilan kelishilgan holda aeroportda kutib olinadi.
7. Xalqaro talabalar uchun maxsus tashkil qilingan tanishish dasturida qatnashadi.
8. Oʻqish jadvali boʻyicha barcha maʼlumotlar olinadi.
9. Oʻqish boshlanadi.

Muhim: Barcha sertifikat va shaxsni tasdiqlovchi hujjatlar taʼlim muassasasi tomonidan belgilangan organlar tomonidan tasdiqlangan boʻlishi shart.

Dasturga hujjat topshirish ketma-ketligi haqida ushbu video orqali maʼlumot olish mumkin.

• Dasturga hujjat topshirish uchun oxirgi muddat: 28-iyul, 2024-yil;
• Takroran soʻraladigan savollarga javob bu yerda;
• Saudiya Arabistonidagi universitetlar haqida maʼlumot bu yerda.