Sber 500 International IT accelerator — istalgan sohaga oid IT startap loyihalarini Rossiyadagi Sberbank ekotizimi tajribasi va IT-biznes dunyosidagi eng kuchli jamoalardan biri 500 Global orqali bepul rivojlantirish imkoniyati
-
15/12/2021 Qabul boshlanishi
-
Grant Moliyalash turi
-
Rossiya Davlat
-
07.02.2022 Oxirgi muddat
Umumiy maʻlumotlar
Sber 500 International IT accelerator — istalgan sohaga oid IT startap loyihalarini Rossiyadagi eng yirik ekotizim boʻlmish Sberbank tajribasi va venchur kapitali, IT-biznes dunyosidagi eng kuchli jamoalardan biri boʻlgan 500 Global orqali bepul rivojlantirish imkoniyatini taqdim etuvchi akseleratsiya dasturi.
Dastur 3 bosqichdan iborat:
- Asosiy akseleratsiya dasturidan avvalgi Bootcamp — Rossiya, Yevropa va MDH davlatlaridan 500 ta startaplar uchun butun dunyodan mentorlar va ekspertlar ishtirokida 2 haftalik intensiv kurs (28.02.2022-13.03.2022).
- Bootcamp ishtirokchilaridan eng ilgʻor 50 ta loyiha asosiy akseleratsiya dasturida ishtirok etish uchun tanlab olinadi. Ular bilan 4 haftalik maxsus trening oʻtkaziladi. Trening davomida kompaniyalar gipotezalarni tezda sinab koʻrishni oʻrganadilar va mentorlar bilan birgalikda oʻz bizneslari uchun eng yaxshi rivojlanish imkoniyatlarini aniqlaydilar (04-31.05.2022).
- Trening ishtirokchilari orasidan 25ta eng yaxshi loyihalar tanlab olinadi. 3-bosqich sifatida ular mablagʻ yigʻish va kompaniya taqdimotlariga 4 haftalik intensiv tayyorgarlik dasturida ishtirok etadilar (08.06-05.07.2022).
Startap loyihalar qaysi sohalarda amalga oshirilishi mumkinligi haqida ushbu havola orqali batafsil maʼlumot olish mumkin.
Maqbullik shartlari
- Tanlovda Rossiya, MDH davlatlari va Yevropa davlatlaridan boʻlgan nomzodlar ishtirok etishi mumkin.
Ishtirok etish shartlari:
- Rossiyadagi yoki chet elda yuridik shaxs / yakka tartibdagi tadbirkor boʻlishi kerak;
- MVP va ilk sotuvlarga ega bo'lish;
- Akseleratsiya dasturi davomida jamoa loyihada toʻliq vaqtli ishlashga tayyor bo'lishi kerak;
- 3-bosqich uchun Moskvaga kelishga rozi boʻlishi kerak.
Foydali tomonlari
Startap loyihani rivojlantirish uchun kerakli tajriba va qimmatli resurslarga ega boʻlish imkoniyati:
- Strategik hamkorlik — loyihani ishga tushirish, shartnoma imzolash va sberbank ekotizimidagi kompaniyalar bilan tajriba almashish;
- Top 10 kompaniyalar bilan hamkorlik;
- Investitsiya jalb qilish — Fort Ross Ventures va ittifoqdosh fondlardan mablagʻ olish;
- Fast track — agar ariza tanlovdan muvaffaqiyatli oʻtgan boʻlsa, akseleratsiya dasturida ishtirok etmay turib, Sberbank bilan ishlashni boshlash imkoniyati.
Dastur haqida batafsil ma'lumotlar bilan rasmiy sayt orqali tanishib chiqish mumkin.
Qoʻshimcha maʻlumotlar
Savollar bilan murojaat qilish uchun elektron pochta manzili: help@sberbank-500.ru