SDG bo'yicha umumiy mukofot jamg'armasi $ 175,000 bo'lgan The King Hamad Youth Empowerment mukofoti
  • 01/05/2022 Qabul boshlanishi
  • Mukofot Moliyalash turi
  • Bahrain Davlat
  • 01.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    15 yoshdan

Doʻstlar bilan ulashing

Umumiy maʻlumotlar

King Hamad mukofoti Bahrayn qiroli Hamad bin Isa khalifa tomonidan tashkil qilingan. Tanlov jamiyat, davlat va dunyoni rivojlantirishda yoshlarning oʻrnini oshirish va porloq kelajakni yaratish, tinchlik, farovonlik, insonlar salomatligini saqlash va eng ilgʻor gʻoyalardan biri boʻlgan 2030-yilgacha barqaror rivojlanishni taʼminlash rejalarini ragʻbatlantirish maqsadida tashkillashtirilgan.

Dastur Bahrayn Yoshlar va Sport ishlari vazirligi va BMTning Barqaror rivojlanish dasturi bilan hamkorlikda olib boriladi. Tanlov har yili oʻtkazilib, birinchi marta 2017-yilda Bahrayn qirolligida boʻlib oʻtgan.

Dasturda ikki kategoriya mavjud va nomzodlar umumiy 9 ta yoʻnalish boʻyicha saralab olinadi. Umumiy mukofotlar soni 8 ta boʻlib, birinchi kategoriyadagi 5 ta gʻolibga 20,000 dollardan, ikkinchi kategoriyadagi 3 ta gʻolibga esa 25,000 dollardan mukofot puli ajratiladi.

Dastur haqida ushbu havola orqali batafsil maʼlumot olish mumkin.

Maqbullik shartlari

Barqaror rivojlanish maqsadlarini amalga oshirishda yoshlarning oʻrnini e'tirof etish kategoriyasida qatnashish boʻyicha talablar:

  • Barcha BMTga aʼzo davlatlar (Oʻzbekiston ham kiradi) vakillari ishtirok etishlari mumkin;
  • Nomzodlar 15-35 yosh oraligʻida boʻlishlari kerak.

Barqaror rivojlanish maqsadlarini amalga oshirishda yoshlar ishtiroki harakati va taʼsirini ta'minlovchi omillarni aniqlash kategoriyasida qatnashish boʻyicha talablar:

  • BMTning quyidagi toʻrt sektoridan biriga aʼzo davlat nomzodlari qatnashishlari mumkin:

1) Davlat va hokimiyat sektori;

2) xususiy sektor;

3) nodavlat notijorat tashkilotlari, kasb-hunar va mehnat tashkilotlari va fondlari;

4) ommaviy axborot vositalari;

Eslatma! Dastur talablarida yozilmagan boʻlsa ham ingliz tili yoki BMT tomonidan tan olingan biror tilni bilish zarur boʻladi.

Dastur talablar bilan ushbu havola orqali batafsil tanishish mumkin.

Foydali tomonlari

  • Barqaror rivojlanish maqsadlarini amalga oshirishda yoshlarning oʻrnini e'tirof etish kategoriyasiga 5 ta mukofot ajratilgan boʻlib, har biri uchun $20,000 mukofot puli mavjud;
  • Barqaror rivojlanish maqsadlarini amalga oshirishda yoshlar ishtiroki harakati va taʼsirini ta'minlovchi omillarni aniqlash kategoriyasiga 3 ta mukofot ajratilgan boʻlib, har biri uchun $25,000 mukofot puli mavjud.

Dasturning foydali jihatlari haqida ushbu havola orqali koʻproq maʼlumot topish mumkin.

Hujjat topshirish

Tanlovda ikki kategoriya boʻyicha qatnashish mumkin:

  1. Barqaror rivojlanish maqsadlarini amalga oshirishda yoshlarning oʻrnini e'tirof etish- Nomzodlar 2030-yilgacha barqaror rivojlanishning 5 ustuvor yoʻnalishi boʻyicha taklif qilgan gʻoyalarining mohiyati, originalligi, takrorlanmasligi va baholash mezonlariga mos kelishiga qarab saralanadi. Dastur soʻnggida 5 yoʻnalish uchun 5 ta mukofot ajratilgan. Birinchi kategoriya boʻyicha qatnashish uchun ushbu havola orqali ariza topshirish lozim.
  2. Barqaror rivojlanish maqsadlarini amalga oshirishda yoshlar ishtiroki harakati va taʼsirini ta'minlovchi omillarni aniqlash- Bu kategoriya barqaror rivojlanishda yoshlarning haqiqiy ishtiroki va harakatlarini qoʻllab-quvvatlaydi. Nomzodlar belgilangan yoʻnalishlar boʻyicha oʻzlarining gʻoyalari, uni yoritib berish usullari va tanlov baholash mezonlariga javob berishlariga qarab saralanadi. Ushbu kategoriyada 4 yoʻnalish mavjud va 3 ta mukofot ajratilgan.Ikkinchi kategoriya boʻyicha qatnashish uchun ushbu havola orqali ariza topshirish mumkin.

Tanlovga ariza topshirish jarayoni haqida ushbu havola orqali batafsil maʼlumot olish mumkin.

Tanlovda gʻoliblarni saralashda ishtirok etuvchi masʼul shaxslar roʻyxati bilan ushbu havola orqali tanishish mumkin.

Qoʻshimcha maʻlumotlar

Qoʻshimcha savollar va fikrlar boʻlgan taqdirda ushbu havola orqali yozib qoldirish mumkin.

Mukofot va uning taqdirlash jarayoniga oid rasmlar bilan ushbu havola orqali tanishish mumkin. Tanlov gʻoliblari haqida ushbu havola orqali maʼlumot olish mumkin.

Avvalgi taqdirlash marosimlari bilan ushbu havola orqali tanishish mumkin.

Barqaror rivojlanish gʻoyalari haqida ushbu havola orqali maʼlumot olish mumkin. Bahrayn davlati haqida batafsil ushbu havola orqali maʼlumot olish mumkin.

Bahrain
SDG bo'yicha umumiy mukofot jamg'armasi $ 175,000 bo'lgan The King Hamad Youth Empowerment mukofoti

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar