Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasidan ilmiy-tadqiqot loyihalarini moliyalashtirish uchun 150-250 million soʻmlik grant tanlovi

Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi ilmiy tadqiqotlarga 150-250 million soʻm miqdoridagi grantlar ajratish boʻyicha tanlov eʼlon qiladi.

Tanlov shartlaridan oʻtgan loyihalar natijalariga qarab bir va ikki yilga qadar Jamgʻarma hisobidan moliyalashtiriladi.

Grant uchun tanlovni tashkil etish va amalga oshirish Ishchi organi sifatida Oʻzbekiston Respublikasi Fanlar Akademiyasiga (OʻzR FA) tayinlangan. Ishchi organ har yili bir marotaba grant uchun tanlov tashkil etadi va quyidagi tanlov bosqichlari asosida eng maqbul ilmiy-tadqiqot loyihalariga grant taqdim etadi:

1. Texnik ekspertiza;
2. Ilmiy ekspertiza dastlabki tanlovi;
3. Ilmiy ekspertiza yakuniy tanlovi — maxsus kengash yigʻilishida ochiq muhokama (taqdimot) koʻrinishida koʻrib chiqiladi.

Tanlov jarayoni va talablari bilan batafsil tanlov nizomi orqali tanishib chiqish mumkin.

Rasmiy eʼlon bilan ushbu havola orqali tanishib chiqish mumkin.

Tanlov talablari:

• Tashkiliy-huquqiy shaklidan va idoraviy mansubligidan qatʼi nazar, tanlov talablari va hujjatlariga muvofiq ilmiy faoliyat subyektlari, ilmiy-tadqiqot faoliyati bilan shugʻullanuvchi boshqa tashkilotlar tanlovda ishtirok etishi mumkin;
• Loyiha talabnomasida loyihani amalga oshiradigan jamoa tarkibiga kiritilgan ijrochilar soni, shuningdek loyihaning asosiy ijrochilari toʻgʻrisidagi toʻliq maʼlumotlar koʻrsatilishi kerak.
• Loyihani amalga oshirish boshlangan vaqtda tuzilgan ilmiy jamoaning oʻrtacha yoshi, qoida tariqasida, 45 yoshdan oshmasligi kerak. Tadqiqot guruhining oʻrtacha yoshi ijrochilar yoshining arifmetik oʻrtacha darajasi sifatida hisoblanadi.

• Ilmiy tadqiqotlarni amalga oshirish uchun 1-2 yil muddatda 150-250 million soʻm miqdoridagi grantlar taqdim etiladi.

Talab etiladigan hujjatlar roʻyxati:

1. Ilmiy loyiha ijrochi-tashkiloti nomidan rahbar imzosi bilan Fanlar akademiyasi nomiga tashkilot blankasida yozilgan taqdimnoma.
2. Ilmiy loyiha ijrochi-tashkiloti Ilmiy kengashining tavsiyasi.
3. Quyidagilarni oʻz ichiga olgan ilmiy loyiha:
   1. Titul varagʻi (bir betda):
      • Loyiha nomi;
      • Ijrochi-tashkilot nomi va uning rekvizitlari;
      • Rahbarining toʻliq ismi-sharfi, egallab turgan lavozimi, ilmiy unvoni va darajasi;
      • Loyiha ijrochilarning ismi-sharfi, egallab turgan lavozimi, ilmiy unvoni va darajasi;
      • Loyihani bajarish muddati (01.05.2021-01.05.2022 yy.);
      • Loyihani bajarish uchun soʻralayotgan mablagʻ hajmi.
   2. Loyihaning qisqacha mazmuni (annotatsiya bir betda):
      • Loyiha nomi;
      • Loyihaning mohiyati, maqsadi va qoʻyilgan masala (qisqa va aniq bayon qilingan holda).
   3. Loyiha tavsifi quyidagilardan iborat boʻlishi kerak:
      • loyiha nomi;
      • Muammo dolzarbligi koʻrsatilgan kirish qismi;
      • Tadqiqot masalasining qoʻyilishi;
      • Tadqiqot maqsadi;
      • Loyiha ijrochilarning shu sohadagi ilmiy ishlari roʻyxati (keyingi ikki yil davomida);
      • Tadqiqot uchun qoʻllaniladigan uchun, uni bajarishni taʼminlovchi vosita va anjomlar mavjudligi;
      • Kutilayotgan natijalar va ularning yangi ekanligi (aniq koʻrsatilgan holda);
      • Tadqiqotning ilmiy ahamiyati.
4. Oylari boʻyicha ish rejasi.
5. Xarajatlar smetasi.

Tanlov talablari, tanlov nizomi va talabnomasi namunasini ushbu havola orqali olish mumkin.

Tashkiliy qoʼmita telefon raqami: 71-233-68-95.

Bog'lanish uchun:

• Jumanova Mohira Yo'ldoshbayevna: (+998) 71 233-60-72
• E-mail: info@academy.uz 
• Manzil: O'zbekiston, 100047, Toshkent shahar, Yahyo G'ulomov, 70.