Shanxay Hamkorlik Tashkilotidan 5-16 yosh oraligʻidagi yosh rassomlar uchun “ShHT oilasi mening koʻz oʻngimda” nomli xalqaro tanlov

Shanxay Hamkorlik Tashkilotining (ShHT) Yaxshi qoʻshnichilik, doʻstlik va hamkorlik komissiyasi, Xitoyning Markaziy tasviriy sanʼat akademiyasi (CAFA) va ShHT kotibiyati bilan hamkorlikda ShHTga aʼzo davlatlar badiiy koʻrgazmasini tashkil qiladi. Unda oʻzbekistonlik iqtidorli yosh rassomlar oʻz rasmlari va sanʼat asarlarini taqdim etishi kutilmoqda.

Tanlov quyidagi bosqichlardan iborat:

• 1-bosqichda tanlov doirasida yaratilgan ijodiy ishlar 2024-yil 1-iyungacha qabul qilinadi. Tanlovning birinchi bosqichidan soʻng, 2024-yil 20-iyulgacha tashkiliy qoʻmita saralanganlarga tanlovning birinchi bosqichidan muvaffaqiyatli oʻtganligi toʻgʻrisida guvohnoma joʻnatib, ishning asl nusxalarini yigʻish toʻgʻrisida elektron pochta orqali bildirishnoma yuboradi.
• 2-bosqich: birinchi bosqichdan muvaffaqiyatli oʻtganlar 2024-yil 1-sentyabrgacha ishning asl nusxasini quyidagi manzilga joʻnatishlari kerak: Xitoy, Yunnan provinsiyasi, Kunming shahri, Uxua tumani, Tsuyxunanlu koʻchasi, 6-uy, 4-qavat, Yunnan Shanxay Madaniyat va Sport Ltd. Olingan asl nusxalar asosida tanlovning ikkinchi bosqichi oʻtkaziladi, koʻrgazma ishlari roʻyxati aniqlanadi va sertifikatlar yuboriladi.

Dastur haqida batafsil ushbu havola orqali maʼlumot olish mumkin.

• Tanlovda ShHT davlatlaridan 5 yoshdan 16 yoshgacha boʻlgan bolalar va yosh rassomlar ishtirok etishi mumkin;
• Nomzodlar “ShHT oilasi mening koʻz oʻngimda” (ShHT oilasi mening qalbimda, ShHT oilasi mening yuragimda) mavzusiga bagʻishlangan sanʼat asarlarini yaratishi kerak;
• Ijodiy ish “Shanxay ruhi”ni oʻzida mujassam etgan boʻlishi lozim (oʻzaro ishonch, oʻzaro manfaat, tenglik, maslahat berish orqali muammolarni hal qilishga intilish, sivilizatsiyalarning xilma-xilligini hurmat qilish va birgalikda rivojlanish harakati bilan tavsiflanadi).

Ijodiy ishga qoʻyilgan talablar:

• Ishlar ishtirokchilar tomonidan mustaqil ravishda bajarilishi kerak va ularni nusxalash yoki chizish mumkin emas. Syujetni ochish va semantik ekspressivlik talab qilinadi;
• Ish hajmi 40*60 sm dan oshmasligi kerak va ramkalarga joylashtirilmasligi kerak;
• Materiallar va texnikalar cheklanmagan. Ishlar rangli qalamlar, guash, akvarel, siyoh, moyboʻyoq yoki boshqalar bilan amalga oshirilishi mumkin. Rasmlar koʻrgazmasiga bir tekislikda yaratilgan ishlar qabul qilinadi (xattotlik bundan mustasno);
• Orqa tomonda, ishning pastki oʻng burchagida muallifning ismi, fuqaroligi, yoshi, shuningdek ishning nomi, hajmi, materiali koʻrsatilishi lozim;
• Bitta muallifning asarlari soni 2 tadan oshmasligi kerak;
• Rasmdagi bayroqlar va emblemalar kabi elementlarning tasviri toʻgʻri va standartlarga mos boʻlishi kerak. Reklama vositalari uchun yaratilgan ishlar qabul qilinmaydi.

Eslatma: Ishtirokchilar koʻrgazma tashkilotchilariga asarlarga mualliflik huquqi va egalik huquqini, shuningdek asarlarni namoyish etish, oʻrganish, koʻpaytirish, nashr etish va tarqatish huquqlarini berish bilan qoʻshimcha kelishuvsiz oʻz asarlaridan bepul foydalanishga ruxsat beriladi. Rasm yaratuvchisi muallifning ismga boʻlgan huquqiga ega. Koʻrgazmada ishtirok etish vaqtida ishtirokchilar ishlarni yigʻish boʻyicha barcha talablarga rioya qilishlari koʻzda tutilgan.

Tanlov nizomi bilan ushbu havola orqali tanishib chiqish mumkin.

• Dasturda bepul qatnashish mumkin;
• Oʻz ijod namunalarini xalqaro auditoriyaga namoyish qilish imkoniyati;
• Saralangan nomzodlarga sertifikat beriladi.

Dasturda qatnashishni istaganlar tanlov anketasini toʻldirib, ijodiy ishni JPG formatda sunnywang@sartfair.com elektron pochta manziliga “ism + fuqarolik+ShHT mamlakatlarining bolalar rasmlari koʻrgazmasi “ShHT oilasi mening koʻz oʻngimda” sarlavhasi ostida yuborishlari mumkin.

Tanlov anketasi quyidagi tillardan birida toʻldirilishi kerak:

• Xitoy tili;
• Rus/ingliz tili.

Ijodiy ishlarga qoʻyilgan talablar:

• Rasmning fayl hajmi kamida 2 Mb, oʻlchamlari kamida 300 dpi;
• Ijodiy ishlar ramkasiz koʻrinishda 40sm x 60sm boʻlishi lozim;

Video platformalaridagi ishlar va mualliflarning har tomonlama taqdimoti uchun ijodiy ish fotosurati bilan birga ijodiy jarayon haqida video yoki matn (maksimal 300 ta soʻz) koʻrinishidagi taqdimotni sunnywang@sartfair.com elektron pochta manziliga yuborishlari mumkin.

Video taqdimotga qoʻyilgan talablar:

• Video formati MP4;
• Davomiyligi maksimal 5 daqiqa.

Eslatma: Ijodiy ishni suratga olayotganda, u boshqa obyektlar tomonidan qoraymaganligiga va yorugʻlik bir xil ekanligiga ishonch hosil qilish kerak.

• Dasturga ariza topshirish uchun oxirgi muddat: 1-iyun, 2024-yil;
• Email: sunnywang@sartfair.com;
• Koʻrgazmaning tashkiliy masalalari boʻyicha +86 186 0212 3813 raqami orqali Van Yan xonim bilan bogʻlanish mumkin;
• Ijodiy ishlarni yuborish masalalar boʻyicha +86 182 8842 3528 raqami orqali Xan Chjao kun bilan bogʻlanish mumkin.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Facebook;
• Instagram;
• YouTube.