She Loves Tech 2022 — ayollar istiqbolini koʻzlaydigan texnologiyalar uchun akseleratsiya dasturi va startap tanlovi; $100 000gacha investitsiya jalb qilish imkoniyati
  • 01/08/2022 Qabul boshlanishi
  • Grant Moliyalash turi
  • Singapur Davlat
  • 01.09.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

She Loves Tech — ayollar va texnologiyalar uchun dunyodagi eng yirik startap tanlovi, jumladan, akseleratsiya dasturi, resurslarni moslashtirish va investorlar orqali mablagʻ jalb qilish uchun global pitch musobaqalarini oʻz ichiga oluvchi dasturdir. Dasturda dunyoning 70 dan ortiq mamlakatidan, barcha mintaqalaridan ayollar va qizlar qatnashib unutilmas taassurot va mustahkam bilimni egallash, o'zlari kabi intiluvchan ayollar bilan tanishish va fikr almashish imkoniyatiga ega bo'ladilar.

She Loves Tech 2022 dasturi va musobaqasi quyidagi bosqichlardan iborat:

1. Skrining va tayyorlash (2022-yil avgust-sentyabr):

Arizalar global skrining guruhi tomonidan baholanadi, yakuniy saralangan startaplar eksklyuziv oʻquv kursi va murabbiylik mashgʻulotlariga kirish huquqiga ega boʻladilar.

2. Mahalliy raundlar (2022-yil sentyabr-oktyabr):

Saralangan startaplar turli mamlakatlar va mintaqalarda oʻtkaziladigan oʻzlarining mahalliy bosqichlarida oʻz bizneslarini namoyish qilish uchun sahnaga chiqadilar. Har bir turning gʻolibi tanlovning global bosqichiga oʻtadi.

3. Bootcamp (2022-yil oktyabr oyining oxiri):

Oktyabr oyining oxirida har bir mahalliy bosqich gʻoliblari uchun maxsus tuzilgan bir haftalik oʻquv lageri(bootcamp) boʻlib oʻtadi. Oʻquv lageri tajriba asosida oʻrganish, murabbiylik va tengdoshlar bilan oʻrganishga asoslangan. U bozor, innovatsiyalar va mablagʻ yigʻish mavzularini qamrab oladi.

4. Global final (2022-yil noyabr):

Tanlovning yakuniy bosqichi She Loves Tech Global konferensiyasida boʻlib oʻtadi va startaplarga toʻgʻridan-toʻgʻri moliyalashtirish uchun investorlarga murojaat qilish imkonini beruvchi investor namoyish kuni boʻlib xizmat qiladi. Startaplar $50 000 gacha sarmoya va pul mukofotlarini yutib olish imkoniyatiga ega.

Tayyorgarlik dasturi va tanlov haqida batafsil rasmiy sayt orqali maʼlumot olish mumkin.

Maqbullik shartlari

Tanlovda rivojlanishining ilk bosqichda boʻlgan startaplar:

  • $5 000 000 dan koʻp boʻlmagan tashqi mablagʻ toʻplangan holda kamida minimal hayotiy mahsulot(MVP)ga ega bo'lgan;

Hamda quyidagi talablardan birini qoniqtiradigan startaplar ishtirok etishi mumkin:

  • Startap asoschisi ayol kishi boʻlgan;
  • Aksariyat foydalanuvchilari ayollar boʻlgan;
  • Aksariyat isteʼmolchilar ayollar boʻlgan;
  • Ayollarga ijobiy taʼsir etadigan texnologiyalar.

Hakamlar startaplarning bozor imkoniyatlari, kengayish va oʻsish potensiali, innovatsiya va ijodkorlik, asoschi va jamoaning kalibrlarini koʻrib chiqqan holda saralaydilar.

Tanlov talablari haqida batafsil rasmiy sayt orqali maʼlumot olish mumkin.

Foydali tomonlari

  • Agar ishtirokchi saralashdan muvaffaqiyatli oʻtsa, tashkilotchilar yakuniy tanlovga tayyorgarlik koʻrish uchun murabbiylik va/yoki seminarlar oʻtkazish orqali yaqindan koʻmak beradi;
  • Global finalda ishtirokchiga murabbiylik, trening va texnologiya hamjamiyatidagi eng yaxshi investorlar va taʼsir oʻtkazuvchilar tarmogʻiga kirishni taʼminlash uchun maxsus tuzilgan bir haftalik bootcampda ishtirok etish imkoniyati beriladi;
  • Tanlovning yakuniy bosqichida startaplar $100 000 gacha sarmoya va pul mukofotlarini yutib olish imkoniyatiga ega.

Oʻtgan yillardagi startaplar dunyoning eng yirik investorlari, jumladan Sequoia Capital, Vertex Ventures, Wavemaker, Microsoft va Amazondan jami $300 000 000 dan ortiq mablagʻ yigʻgan.

Hujjat topshirish

Dasturda ishtirok etish uchun rasmiy sayt orqali roʻyxatdan oʻtib, onlayn ariza formasini toʻldirish lozim.

Onlayn ariza quyidagi boʻlimlardan iborat:

  • Bogʻlanish uchun aloqa maʼlumotlari;
  • Kompaniya haqida umumiy maʼlumot;
  • Taʼsischi/asoschi profili;
  • Bozor va gender obyektiv koʻrsatkichi;
  • Moliyaviy hujjatlar va mablagʻ yigʻish
  • Boshqa maʼlumotlar.

Qoʻshimcha maʻlumotlar

Tanlov haqida tez-tez soʻraladigan savollar boʻlimi - FAQs.

Murojaat uchun: info@shelovestech.org.

Singapur
She Loves Tech 2022 — ayollar istiqbolini koʻzlaydigan texnologiyalar uchun akseleratsiya dasturi va startap tanlovi; $100 000gacha investitsiya jalb qilish imkoniyati

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar