Sheffild universiteti tomonidan muvafaqqiyatli ariza to'ldirish, mukammal CV yozishga yordam beruvchi bepul onlayn kurs
-
01/09/2021 Qabul boshlanishi
-
Grant Moliyalash turi
-
Buyuk Britaniya Davlat
-
Doimiy Oxirgi muddat
Umumiy maʻlumotlar
Dunyo bo'yicha universitetlarning TOP 100 taligiga kiruvchi, o'qitish va ilmiy izlanishlari bilan mashhur Angliyaning Sheffild universiteti tomonidan FutureLearn onlayn ta'lim platformasida bepul kurs taqdim etilgan.
Ushbu kurs barcha uchun bepul va ochiq bo'lib, ish, amaliyot dasturlari, chet el oliygohlariga qanday qilib muvafaqqiyatli ariza to'ldirish, mukammal CV(tarjima hol) yozishga yordam beruvchi amaliy usullarni o'rgatadi.
Sheffild Universitetida joylashgan Ishga qabul qilish xizmati mutaxassislari mukammal motivatsion xatlar va shaxsiy bayonotlar, CV( tarjima hol) yozishga yordam beradigan eng yaxshi maslahatlari bilan bo'lishadilar.
Maqbullik shartlari
Bu kurs ish yoki tanlov asosida qabul qiladigan kurs/dasturlarga hujjat topshirmoqchi bo'lgan barchaga mo'ljallangan. Ayniqsa, ushbu kurs o'z faoliyatining dastlabki bosqichida yoki o'z malakasini yangilashga muhtoj bo'lganlar uchun qiziq bo'lishi mumkin. Hech qanday oldingi bilim va tajribaga ehtiyoj yo'q.
Foydali tomonlari
Ushbu kurs:
- Ishga yoki universitetga kirishingizda muvaffaqiyat qozonish imkoniyatini oshirish;
- Ishga, chet el oliygohlariga, amaliyot dasturlari va turli tanlovlarga ariza/hujjat topshirishga tayyorgarlik ko'rish, rezyume yozish va ariza shakllarini to'ldirishda eng yaxshi amaliy ko'nikmalarni shakllantirish;
- Ish takliflarini tahlil qilib, ish beruvchilar va muassasalarni o'rganib, takliflaringizni ularning talablariga moslashtirishni bilish uchun ishga yollovchilar nimani qidirayotganini aniqlash;
- Orzuingizdagi ishga yoki kursga ishonch bilan murojaat qilish uchun o'zingizning kuchli jihatlaringiz va ko'nikmalaringizni aniqlash;
- Boshqalarnikidan ajralib turuvchi mukammal ariza tayyorlash usullarini o'rganish imkoniyatlarini taqdim etadi.