Angliyaning nufuzli Sheffield universiteti tomonidan muvafaqqiyatli ariza to'ldirish, mukammal CV yozishga yordam beruvchi bepul onlayn kurs
-
05/10/2024 Qabul boshlanishi
-
Bepul Moliyalash turi
-
Buyuk Britaniya Davlat
-
Doimiy Oxirgi muddat
Umumiy maʻlumotlar
Dunyo boʻyicha universitetlarning TOP 100 taligiga kiruvchi, oʻqitish va ilmiy izlanishlari bilan mashhur Angliyaning Sheffield universiteti tomonidan FutureLearn onlayn taʼlim platformasida bepul kurs taqdim etilgan.
Ushbu kurs barcha uchun bepul va ochiq boʻlib, ish, amaliyot dasturlari, chet el oliygohlariga qanday qilib muvafaqqiyatli ariza toʻldirish, mukammal CV (tarjimai hol) yozishga yordam beruvchi amaliy usullarni oʻrgatadi.
Sheffild Universitetida joylashgan ishga qabul qilish xizmati mutaxassislari mukammal motivatsion xatlar va shaxsiy bayonotlar, CV (tarjimai hol) yozishga yordam beradigan eng yaxshi maslahatlari bilan boʻlishadilar.
Dastur haqida batafsil ushbu havola orqali ma'lumot olish mumkin.
Maqbullik shartlari
- Dastur ish yoki tanlov asosida qabul qiladigan kurs/dasturlarga hujjat topshirmoqchi boʻlgan barchaga moʻljallangan;
- Ayniqsa, ushbu kurs oʻz faoliyatining dastlabki bosqichida yoki oʻz malakasini oshirish istagida boʻlganlar uchun mos tushadi;
- Hech qanday oldingi bilim va tajriba talab qilinmaydi.
Foydali tomonlari
Ushbu kurs:
- Ishga yoki universitetga kirishingizda muvaffaqiyat qozonish imkoniyatini oshiradi;
- Ishga, chet el oliygohlariga, amaliyot dasturlari va turli tanlovlarga ariza/hujjat topshirishga tayyorgarlik ko'rish, rezyume yozish va ariza shakllarini to'ldirishda eng yaxshi amaliy ko'nikmalarni beradi;
- Ish takliflarini tahlil qilish, ish beruvchilar va muassasalarni o'rganish, ish beruvchi talablarini aniqlash ko'nikmalarini shakllantirishni o'rgatadi;
- Nomzodlarning orzusidagi ishga erishishi uchun ularning kuchli jihatlari va ko'nikmalarini aniqlashga ko'maklashadi;
- Boshqalarnikidan ajralib turuvchi mukammal ariza tayyorlash usullarini o'rgatadi;
- Dastur soʻnggida sertifikat taqdim etiladi.
Qoʻshimcha maʻlumotlar
Dastur haqida batafsil ushbu havоla оrqali оʼqish mumkin.