Shifokorlar va sogʻliqni saqlash xodimlari uchun umumiy mukofot jamgʻarmasi $7,500 ni tashkil etuvchi ICATCH grant dasturi

International Community Access to Child Health (ICATCH) dasturi chaqaloqlar, bolalar, oʻsmirlar salomatligini yaxshilash uchun ishlab chiqilgan loyihalarga tanlov eʼlon qiladi. Ushbu dastur tashkilotchisi Amerika Pediatriya Akademiyasi hisoblanadi. Dasturning maqsadi butun dunyoda barcha bolalarning sogʻlom boʻlishini taʼminlashga qaratilgan.

Dasturda past va oʻrta daromadli mamlakatlarda ishlayotgan pediatrlar, hamshiralar, doyalar, ijtimoiy xodimlar, stomatologlar, sogʻliqni saqlash xodimlari, fizioterapevtlar, sogʻliqni saqlash oʻqituvchilari va boshqa shifokorlar qatnashishi mumkin. Ishtirokchilar bola salomatligiga oid loyiha (Proposal) ishlab chiqishi kerak. 

(Proposal) loyiha taklifi quyidagi toifalar boʻyicha yozilishi mumkin:

• Bolalarda jismoniy yoki rivojlanishdagi nuqsonlar; 
• Bola yoki oʻsmir ruhiy salomatligi (21 yoshgacha);
• Yangi tugʻilgan chaqaloqlar salomatligi (6 oylikkacha); 
• Ovqatlanish/toʻyib ovqatlanmaslik va kasalxonaga yotqizilgan bolalarni parvarish qilish (6 oydan 21 yoshgacha).

Loyihalar past yoki oʻrtacha daromadli mamlakatlarda amalga oshirilishi kerak. 

Ariza topshirganlar orasidan 7 nafar nomzod g'olib sifatida tanlab olinadi. Dastur gʻoliblariga 3 yil davomida yiliga 2,500 AQSh dollari miqdorida grant beriladi. 

Dasturga ariza topshirishning oxirgi muddati — 2024-yil 13-dekabr.

Dastur haqida toʻliq maʼlumotni ushbu havola orqali oʻqish mumkin.

• Dasturda past va oʻrta daromadli mamlakatlarda tibbiyot sohasida ishlayotganlar ishtirok etishi mumkin (Oʻzbekiston fuqarolari qatnasha oladi);
• Pediatrlar, hamshiralar, doyalar, ijtimoiy xodimlar, stomatologlar, sogʻliqni saqlash xodimlari, fizioterapevtlar, sogʻliqni saqlash oʻqituvchilari va boshqa shifokorlarning ishtiroki qoʻllab-quvvatlanadi;
• Ishtirokchilar bola salomatligi mavzusida loyiha taklifi (proposal) ishlab chiqishlari va keyinchalik oʻz davlatida amalda qoʻllashlari kerak.

(Proposal) loyiha taklifiga qo'yiladigan talablar quyidagicha:

• Bolalar yoki o'smirlarga klinik yordam ko'rsatishga qaratilgan bo'lishi;
• Bolalar, o'smirlar yoki ota-onalar uchun sog'liqni saqlashga oid ta'lim berishga mo'ljallangan bo'lishi;
• Chaqaloqlar, bolalar, o'smirlar shifokorlari uchun treninglar o'tkazishga mo'ljallangan bo'lishi kerak;
• Shifoxonalar yoki klinikalar, nodavlat tashkilotlar, mahalliy hukumat idoralari, maktablar yoki diniy guruhlar kabi bir yoki bir nechta jamoat hamkorlari bilan birgalikda ishlashi talab etiladi.

Eslatma: dastur bir martalik trening rejalari va so'rovnomalarni moliyalashtirmaydi.

Dastur talablari haqida batafsil ushbu havola orqali maʼlumot olish mumkin.

• Dasturda qatnashish bepul;
• Loyiha gʻoliblariga 3 yil mobaynida oʻz loyihasini amalga oshirishi uchun yillik $2,500 (3 yil uchun jami $7,500) beriladi. 

• Dasturda ishtirok etish uchun avvalo, ushbu havola orqali shaxsiy hisob-individual account (tashkilot uchun emas) ochish kerak;
• Shaxsiy akkount yaratgandan so'ng, aynan ochilgan akkount bilan ushbu havola orqali dastlabki ariza topshirish bo'limiga kiriladi va ariza shakli to'ldiriladi.

Eslatma: dastlabki ariza topshirishdan muvaffaqiyatli o'tganlarga 2025-yilning 4-fevralida to'liq ariza topshirish uchun emaildan xabar yuboriladi. To'liq ariza topshirish uchun tanlanganlar uchun o'sha paytda qo'shimcha ko'rsatmalar beriladi.

Dasturga ariza topshirish haqida batafsil ushbu havola orqali tanishib chiqish mumkin.

• ICATCH dasturi tashkilotchilari tomonidan 2023-yil 16-noyabr, payshanba kuni soat 11:00 da grant uchun loyiha taklifi (proposal) yozish boʻyicha vebinar oʻtkazilgan. Vebinarni ushbu havola orqali koʻrish mumkin.
• 2022-yilgi vebinarni ushbu havola orqali koʻrish mumkin.

Dasturga oid muhim sanalar:

• 4-noyabr, 2024-yil — dasturga ariza topshirish boshlanadi;
• Juma, 13-dekabr, 2024-yil — dastlabki arizalar qabulining oxirgi muddati;
• Seshanba, 4-fevral, 2025-yil — taklif etilgan arizachilar uchun toʻliq ariza berish muddati ochiladi;
• Juma, 31-mart, 2025-yil  — toʻliq arizalar qabulining oxirgi muddati;
• 2025-yil may oxiri — natijalar eʼlon qilinadi.

Dasturga oid qoʻshimcha savol va takliflarni ushbu havola orqali yozib qoldirish mumkin. Shuningdek, quyidagi elektron manzillarga yuborish mumkin:

• atepede@aap.org
• rumoren@uw.edu
• atbehrma@wisc.edu