Shveysariyaning Lozanna universiteti (UNIL)dan magistraturada oʻqish uchun grant; oylik stipendiya: $1,824

Shveysariyada joylashgan mashhur Lozanna universiteti (UNIL) tibbiyot, tabiiy fanlar (biologiya), sanʼat, ijtimoiy fanlar (diniy fanlar ham), huquq, biznes sohalariga qiziquvchi xalqaro talabalarga 2025-2026-yil oʻquv yili uchun magistratura kurslarida grant asosida tahsil olish imkonini beradi. 

Har yili eng munosib 10 nafar talaba Lozanna universitetida grant asosida oʻqibgina qolmay, oʻqish badalidan (har semestrda toʻlanadigan majburiy 80 CHF bundan mustasno) ozod qilinadi va oylik stipendiya bilan taʼminlanadi.

Talabalardan esa aʼlo oʻqish va berilgan mashgʻulotlarni puxta oʻzlashtirish talab qilinadi (aks holda, stipendiya berish toʻxtatib qoʻyilishi mumkin). 

Ariza berish mumkin boʻlmagan yoʻnalishlarning toʻliq roʻyxati bilan bu yerda tanishish mumkin.

Darslar ingliz yoki fransuz tilida boʻladi. Oʻqitish tili ingliz tili boʻlgan yoʻnalishlar haqida bu yerda batafsil tanishish mumkin.

Dastur haqida batafsil ushbu havola orqali tanishib chiqish mumkin.

• Nomzod Shveysariya fuqarosi boʻlmasligi lozim;
• Tanlagan yo’nalishi bo’yicha bakalavr diplomiga ega bo’lishi kerak yoki o’qish boshlangunga qadar olishi kerak;
• Oʻqish davomida har tomonlama oʻzini koʻrsatgan boʻlishi va yuqori baholarga uni tamomlagan boʻlishi lozim;
• Tilni bilish darajasini tasdiqlovchi sertifikati boʻlishi (fransuz yoki ingliz tili uchun eng kamida C1) shart;
• Ariza uchun 200,00 CHF (tax. $228) toʻlay olishi lozim;
• Magistr darajasiga ega talabalar ham ariza topshirishi mumkin (biroq bakalavriatni tugatgan talabalarga ustunlik beriladi).

Muhim: Dasturga ariza topshirish uchun yosh chegarasi yoʻq. Biroq viza olishda yosh boʻyicha cheklovlar boʻlishi mumkin. 

• Oyiga 1600 CHF (tax. $1,824) stipendiya beriladi;
• Kurslarga yozilish uchun belgilangan toʻlovlaridan ozod qilinadi.

Eslatma: Stipendiya sifatida beriladigan pul miqdori Shveysariyada yashash uchun yetmasligini inobatga olib, nomzodlardan Shveysariyada yashash va oʻqish xarajatlari haqida batafsil maʼlumot berilgan hujjatni diqqat bilan koʻrib chiqish soʻraladi. Shuningdek, talabalar uchun har semestrda toʻlanadigan oʻqish badalini mustaqil qoplash (CHF 80; tax. $87) majburiy. Yaxshi oʻqiy olmagan yoki dasturni tark etgan talabalar stipendiyadan mahrum qilinadi.

Arizachilar quyidagi tartibida hujjat topshirishlari kerak:

1. Onlayn ariza platformasini toʻldirish (pochta orqali joʻnatiladi; namuna uchun);
2. Pasport oʻlchamidagi rasm (JPEG format);
3. Yuqori maktab yoki litsey diplomi nusxasi;
4. Bakalavr diplomi nusxasi va imtihon natijalari ilovasi hamda ularning notarial tasdiqlangan tarjimasi nusxasi;
5. Agar bakalavr darajasini bitirmagan boʻlmasa, oxirgi bosqich dasturidan nusxa;
6. Toʻliq rezumye/CV;
7. Cover letter;
8. Nomzod oʻqituvchilardan ikkita tavsiyanoma xati (yopiq konvertda);
9. Xorijiy tilni bilish darajasini tasdiqlovchi sertifikat (eng kamida B2 daraja);
10. Arizani koʻrib chiqish uchun toʻlov qogʻozi nusxasi.

Eslatma: onlayn ariza topshirish portali 2024-yil sentyabr oyida ochiladi! 

Arizalar quyidagi pochta manzili orqali ham yuborilishi kerak:

Université de Lausanne

Service des affaires sociales et de la mobilité étudiante (SASME)

Bâtiment Unicentre

CH — 1015 Lausanne

Switzerland

Eslatma: Ingliz, nemis, fransuz, italyan yoki Ispan tilida yozilmagan hujjatlar notarial tasdiqdan oʻtgan nusxa bilan yuborilishi soʻraladi.

Qabul komissiyasi, Ijtimoiy masalalar va talabalar harakati boshqarmasi (SASME) tomonidan noyabr-dekabr oylarida arizalar koʻrib chiqiladi. Yanvar oyiga qadar arizasi muvaffaqiyatli deb topilmagan va qabul qilinmagan arizachilar SASME boshqarmasi tomonidan ogohlantiriladi, qabul qilinganlarniki esa fevral oyiga qadar oʻzlari tanlagan magistratura yoʻnalishi boʻyicha kerakli joylarga yuboriladi. Shundan soʻng, martga qadar fakultet tomonidan arizasi qabul qilinmaganlarga xabar beriladi, eng munosib deb topilgan 10 nafar nomzod arizasi boʻyicha yakuniy xulosalar aprelning boshida eʼlon qilinadi.

Oxirgi muddat: 1-noyabr, 2024-yil (09:00);

Email: mastergrants@unil.ch; 

Tel: +41 21 692 20 20;

Qoʻshimcha savollar bilan:

Ushbu sahifada keltirilgan pochta manzillari va raqamlarga murojaat qilish mumkin.