Shvetsariyada magistrlik darajasida bepul oʻqish imkoniyatini beruvchi Excellence Scholarship & Opportunity Program (ESOP) grant dasturi; yillik stipendiya~$13120
  • 01/11/2021 Qabul boshlanishi
  • Qisman Moliyalash turi
  • Shvetsariya Davlat
  • 15.12.2021 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr)
  • Dastur tili
    Ingliz tili
  • Yosh chegarasi
    Chegaralanmagan
  • IELTS talabi
    minimum 7

Sohalar

Doʻstlar bilan ulashing

Umumiy maʻlumotlar

Excellence Scholarship & Opportunity Program (ESOP) — Shvetsariyaning ETH Zurich universitetida magistrlik darajasida oʻqimoqchi boʻlgan talabalarni qoʻllab-quvvatlovchi grant dasturi. Grantlar universitetning barcha magistrlik dasturlari uchun amal qiladi. Grantlar eng iqtidorli va yuqori akademik koʻrsatkichlarga ega talabalarga taqdim etiladi.

Grant dasturi talabani oʻqish toʻlovidan toʻliq ozod qiladi, yashash va boshqa oʻqish xarajatlari uchun stipendiya taqdim etadi. 2022-2023-oʻquv yili uchun jami 60 nafar talaba grant uchun tanlab olinadi.

Grant dasturi haqida batafsil rasmiy sayt orqali maʼlumot olish mumkin.

Maqbullik shartlari

  1. Bakalavr darajasidagi yuqori akademik koʻrsatkichlar (Top 10%=aʼlo).
  2. Universitetning magistrlik dasturlaridan biriga hujjat topshirgan boʻlishi kerak.
  3. CV da taqdim etilgan telefon raqami orqali nomzodga bogʻlanish imkoni boʻlishi kerak. Tanlab olingan nomzodlar bilan telefon/ ovozli chat orqali fevral oyida suhbat olinishi mumkin.

Foydali tomonlari

  • Yashash va oʻqish xarajatlarini qoplash uchun yillik stipendiya — 12000 Shvetsariya franki (~$13120) to'lanadi;
  • Nomzod magistrlik darajasida oʻqish toʻlovidan toʻliq ozod etiladi.

Hujjat topshirish

Nomzodlar universitetning magistrlik dasturlaridan biriga eApply portali orqali onlayn ariza topshirishi lozim. Universitetning magistrlik dasturlari va fakultetlari bilan ushbu havola orqali tanishib chiqish mumkin.

Ayrim talab etiladigan hujjatlar;

  • Bakalavr diplomi va ilovasi nusxasi (hali diplom olinmagan boʻlsa, universitetni tamomlashi haqidagi maʼlumotnoma);
  • CV;
  • Tahsil olgan universitetlar roʻyxati;
  • Maktab/kollej/litsey diplomi (matriculation certificate);
  • Til sertifikati (minimum C1, IELTS 7.0);
  • Pasport nusxasi;
  • Declaration of consent.

Eslatma: Tanlangan magistrlik dasturiga qarab talab etiladigan hujjatlar oʻzgarishi mumkin. Ingliz tilida boʻlmagan hujjatlar, rasmiy tarjimasi bilan joʻnatilishi lozim.

Magistrlik dasturiga hujjat topshirish jarayonlari, talablari va kerakli hujjatlar haqida batafsil ushbu havola orqali tanishib chiqish mumkin.

Magistrlik dasturi uchun taqdim etilgan hujjatlarga qoʻshimcha ravishda, ESOP grant dasturi uchun nomzoddan magistrlik dissertatsiyasining dastlabki taklifi (pre-proposal) ham talab etiladi. Dissertatsiyaning dastlabki taklifi nomzod tomonidan yozilishi va ilmiy iqtiboslar toʻgʻri taqdim etilishi kerak. Plagiat, eʼtiborsizlik tufayli yoki qasddan notoʻgʻri maʼlumot berish nomzodning magistrlik dasturiga ham, grant dasturiga ham arizasini bekor qilinishiga sabab boʻladi.

Shuningdek, 2 nafar nomzodni tavsiya qiluvchi kishilarni koʻrsatish kerak (agar magistrlik dasturi uchun tavsiyanoma taqdim etilmagan boʻlsa).

Qoʻshimcha maʻlumotlar

Savol va murojaatlar uchun: studienfinanzierung@sts.ethz.ch

Arizalar tegishli magistrlik dasturlari qabul komissiyalari tomonidan baholanadi. Grantlarni topshirish boʻyicha yakuniy qaror ETH Zurich rektori tomonidan qabul qilinadi. Grant uchun tanlov natijalari 2022-yil mart oyining oxirida eʼlon qilinadi.

Shvetsariya
Shvetsariyada magistrlik darajasida bepul oʻqish imkoniyatini beruvchi Excellence Scholarship & Opportunity Program (ESOP) grant dasturi; yillik stipendiya~$13120

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar