0
Shvetsariyaning Jeneva Universitetida magistrlik dasturlarida oʻqish uchun Excellence Master Fellowship grant dasturi

Shvetsariyaning Jeneva Universitetida magistrlik dasturlarida oʻqish uchun Excellence Master Fellowship grant dasturi

  • 15/01/2024 Qabul boshlanishi
  • Grant Moliyalash turi
  • Shvetsariya Davlat
  • 28.02.2024 Oxirgi muddat

Mundarija

GrantGO

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr)
  • Dastur tili
    Ingliz tili, Fransuz tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

Shvetsariyaning yetakchi tadqiqot universiteti hisoblangan Jeneva Universiteti Faculty of Science magistrlik dasturlarida oʻqish uchun Excellence Master Fellowship grant dasturini taklif qiladi.

Arizalar bakalavriatini muvaffaqiyatli tamomlagan (yoki uni 6 oy ichida tamomlashni kutayotgan), oʻz taʼlim muassasasining eng yaxshi 10% talabalari qatoriga kiruvchi va Jeneva universitetida Faculty of Science magistrlik dasturida oʻqimoqchi boʻlgan talabalar uchun ochiq.

Grant dasturi uchun asosiy tanlov mezoni talabaning kuchli ishtiyoqi va yuqori salohiyati hisoblanadi.

Magistrlik dasturlari asosan ingliz tilida oʻqitiladi va ushbu havola orqali ular haqida batafsil maʼlumot bilan tanishib chiqish mumkin. Grant dasturi uchun alohida hujjat topshiriladi.

Nomzodlar universitetda oʻqish talablariga mos kelishini tekshirish uchun masʼul academic adviser bilan Academic-Advisor-Sciences@unige.ch elektron pochta manzili orqali bogʻlanish mumkin.

Maqbullik shartlari

Nomzodlar grant dasturiga hujjat topshirish uchun quyidagi talablarga mos boʻlishi lozim:

  • Nomzod bakalavr bosqichini tamomlagan yoki yaqin 6 oy ichida tamomlashi lozim;
  • Nomzod oʻzi tahsil olgan universitetda eng yaxshi 10% talabalari qatorida boʻlishi va kuchli ishtiyoq, yuqori salohiyatga ega boʻlishi kerak;
  • Nomzod Jeneva universiteti Faculty of Science magistrlik dasturlarida oʻqish talablariga mos kelishi va toʻliq hujjat topshirgan boʻlishi lozim;
  • Ingliz tilini yuqori darajada bilishi lozim.

Grant dasturi va talablari bilan batafsil ushbu havola orqali tanishib chiqish mumkin.

Eslatma: Nomzodlar universitetda oʻqish talablariga mos kelishini tekshirish uchun masʼul academic adviser bilan Academic-Advisor-Sciences@unige.ch elektron pochta manzili orqali bogʻlanishi mumkin.

Foydali tomonlari

  • Excellence Fellowship dasturi talabalarga yiliga 10,000-15,000 shveysariya franki (~$11,576-$17,365) miqdoridagi grant taqdim etadi (oʻqituvchilik majburiyatlari yoʻq).

Muhim: Grant bir yilga beriladi va talabgor oʻqishning birinchi semestrining oxirida akademik muvaffaqiyatga erishgan taqdirda tanlangan magistratura dasturining toʻliq muddatiga (uch yoki toʻrt semestr) uzaytiriladi.

Hujjat topshirish

  1. Jeneva universiteti Faculty of Science magistrlik dasturlaridan biriga onlayn tarzda 28.02.2024 gacha roʻyxatdan oʻtilishi va toʻliq hujjat topshirilishi lozim. Hujjat topshirish boʻyicha koʻrsatmalar.
  2. Grant dasturiga hujjat topshirish uchun alohida onlayn roʻyxatdan oʻtiladi va elektron pochta manziliga ariza toʻldirish uchun link yuboriladi.

Grant uchun ariza berishda talab etilgan hujjatlar (ingliz yoki fransuz tilida):

  • Pasport/shaxsni tasdiqlovchi ID karta nusxasi;
  • CV (2 betlik);
  • Bakalavr bosqichidagi baholar;
  • Motivatsion xat;
  • Tavsiyanoma (2ta). Tavsiyanomalar bakalavr bosqichida oʻqigan universitetidagi professorlardan boʻlishi va toʻgʻridan-toʻgʻri ular tomonidan Excellence-Master-Sciences@unige.ch elektron pochta manziliga yuborilishi lozim;
  • TOEFL va boshqa til sertifikatlari;
  • GRE va boshqa test natijalari (agar boʻlsa).

Grant dasturi uchun hujjatlar 1ta PDF faylda yuborilishi lozim.

Xorijiy talabgorlar ariza koʻrib chiqilishi uchun 65 shvetsariya franki (~$70) miqdoridagi toʻlovni amalga oshirishi lozim.

Rasmiy havola Hujjat topshirish

Qoʻshimcha maʻlumotlar

Universitet magistrlik dasturlari roʻyxati.

Ushbu havola orqali tegishli fakultet (Faculty of Science) xodimlari bilan aloqa maʼlumotlarini olish mumkin. 

Oʻxshash dasturlar

Magistr talabalari
Belgiyada magistratura bosqichini toʻliq moliyalashtirilgan holda oʻqish uchun Master Mind Scholarship granti
Bakalavr Magistr talabalari
Avstraliyadagi Macquarie universitetida bakalavriat va magistratura bosqichida o’qish uchun oʻzbekistonlik talabalar uchun maxsus grant
Magistr talabalari Doktorantura talabalari
Saudia Arabistonining King Abdulloh nomidagi fan va texnologiya universitetida magistratura va doktorantura bosqichida oʻqish uchun toʻliq moliyalashtiriladigan KAUST fellowship grant dasturi
Magistr talabalari Doktorantura talabalari
Global Korea Scholarship (GKS): Koreyada magistratura va doktorantura bosqichini toʻliq moliyalashtirilgan holda oʻqish uchun grant
Magistr talabalari
Angliyaning nufuzli Manchester universitetida magistratura bosqichini oʻqish uchun toʻliq grantlar
Shvetsariya
Shvetsariyaning Jeneva Universitetida magistrlik dasturlarida oʻqish uchun Excellence Master Fellowship grant dasturi
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar