Shveysariya Federal Texnologiya Institutidan oʻzining loyiha/kompaniyasini yaratish niyatidagi magistr, doktorant va tadqiqotchilar uchun 150,000 CHF miqdoridagi grant

Shveysariya Federal Texnologiya Instituti (ETH) barqaror rivojlanish maqsadidagi, oʻzining loyiha/kompaniyasini yaratish niyatidagi magistrant, doktorant va tadqiqotchilar uchun ETH Pioneer Fellowship dasturini taqdim etadi. Gʻolib jamoalar uchun loyihani amalga oshirish uchun 18 oy davomida 150,000 Shveysariya franki ($167,178) koʻrinishida grant ajratiladi. Dastur ETH Zurich Foundation tomonidan moliyalashtiriladi. 

Dastur 2 yoʻnalishda olib boriladi:

• Deep-​Tech Acceleration Program — ushbu dastur ishtirokchilarga oʻzlarining tadqiqotga asoslangan texnologiyalarini sotiladigan mahsulot va xizmatlarga aylantirish imkonini beradi;
• Social Impact Acceleration Program — ushbu dastur past va oʻrta daromadli mamlakatlarda daromadi kuniga 10 AQSh dollaridan kam boʻlgan insonlarga xizmat koʻrsatadigan katta ijtimoiy taʼsirga ega loyihalar yaratishni qoʻllab-quvvatlaydi.

Dasturga ariza topshirishning oxirgi muddati — 2024-yil 1-sentabr sоat 20:00 gacha.

Dastur haqida batafsil ushbu havola orqali maʼlumot olish mumkin.

• Oʻzining loyiha/kompaniyasini yaratish niyatidagi magistratura, doktorantura talabalari va tadqiqotchilar ishtirok etishi mumkin; 
• Taklif etilayotgan loyihalar avval roʻyxatdan oʻtmagan va istiqbolli biznes rejasiga asoslangan boʻlishi lozim;
• Ushbu roʻyxatdagi barcha mamlakat fuqarolari qatnashishi mumkin (Oʻzbekiston roʻyxatda bor);
• Ingliz tilini bilish talab qilinadi (sertifikat soʻralmaydi);
• Jamoalar 1-2 nafar ishtirokchidan iborat boʻlishi mumkin.

Nomzodlar va loyiha quyidagi mezonlar asosida baholanadi:

• Ariza beruvchining yozma arizasi va ogʻzaki taqdimoti;
• Nomzod(lar)ning shaxsiy salohiyati, tadbirkorlik ruhi, qobiliyatlari;
• Texnologiyaning yangiligi va taʼsir doirasi, intellektual mulk huquqlari va faoliyat erkinligi nuqtai nazaridan innovatsion salohiyati;
• Iqtisodiy jihatdan loyihaning biznes salohiyati, shuningdek, mijozlar foydasi va qiymat taklifi;
• Dasturning umumiy missiyasi va maqsadlariga muvofiqligi.

• Nomzodlarning soni va taʼlim darajasidan qatʼi nazar, 18 oy davomida 150,000 Shveysariya franki ($167,178) koʻrinishida grant beriladi;
• Tadbirkorlik boʻyicha treninglar oʻtkaziladi;
• Ishtirokchilar ETH infratuzilmasi va tadbirkorlik ekotizimiga kirish huquqiga ega boʻladilar;
• Har bir jamoa biriktirilgan institut professori tomonidan qoʻllab-quvvatlanadi; 
• Saralangan jamoalarga dastur davomida Shveytsariya Federal Texnologiya institutida ilmiy xodim sifatida ishlashga imkon beriladi.

Dasturda qatnashishni istaganlar ushbu havola orqali onlayn ariza topshirishlari mumkin. 

Talab qilinadigan hujjatlar:

• CV;
• Moliyaviy reja;
• Nomzodlar va loyiha haqida qisqacha xulosasi;
• Loyiha haqida batafsil maʼlumot;
• Support letter (mezbon professor tomonidan taqdim etiladi);
• Video taqdimot Polybox platformasiga yuklanadi (maksimal 2 min);
• Nomzodlarni qoʻllab-quvvatlaydigan barcha qoʻshimcha maʼlumotlar (mavjud boʻlsa);
• Qayta ariza topshirish (rad etilish sabablari koʻrsatiladi).

Muhim: Agar boshqacha koʻrsatilmagan boʻlsa, barcha hujjatlarni PDF formatida yuborish kerak. Har bir fayl jadvalda koʻrsatilganidek nomlanishi kerak.

Dasturga qabul quyidagi bosqichlardan iborat:

1. Ariza topshirish — 2024-yil 1-iyuldan 1-sentyabrgacha davom etadi. Ariza topshirish muddati tugaganidan keyin bir oy ichida nomzodlar suhbatga taklif qilinganligi toʻgʻrisida xabardor qilinadi.
2. Saralash — 2024-yil 7-оktyabrdan noyabrgacha oʻtkaziladi. 
3. Suhbat — 2024-yil 24-оktyabr kuni oʻtkaziladi. Suhbat institutning bosh binosida oʻtkaziladi. Ushbu bosqichga oʻtgan nomzodlar suhbatga shaxsan tashrif buyurishlari kerak. 20 daqiqalik suhbatning aniq vaqti taxminan 2-3 hafta oldin eʼlon qilinadi. Suhbat ingliz tilida olib boriladi. Loyiha hamkorlari ham suhbat jarayonida ishtirok etishlari mumkin.
4. Yakuniy natija — nоyabr оyida eʼlon qilinadi.

• Oxirgi muddat: 1-sentyabr, 2024-yil (20:00);
• Email: pioneer@ethz.ch.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Instagram;
• Youtube;
• Linkedin.