Shveysariyada tadqiqotchilar uchun 30,000 dollar mablagʻ ajratiladigan Dr. Eduard Gübelin research scholarship dasturi
  • 01/01/2022 Qabul boshlanishi
  • Toʻliq Moliyalash turi
  • Shvetsariya Davlat
  • 31.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    40 yoshgacha

Doʻstlar bilan ulashing

Umumiy maʻlumotlar

Dr. Eduard Gübelin Research Scholarship har yili oʻtkaziladigan tanlov granti boʻlib, gemmologiya sohasidagi innovatsion tadqiqot loyihalarini moliyaviy, tashkiliy va infrastruktura jihatdan qoʻllab-quvvatlashga bagʻishlangan. Grant Dr. Eduard Gübelin Association for Research & Identification of Precious Stones tomonidan tashkillashtirilgan boʻlib, Shvetsariyaning Luserne shahrida joylashgan. Dastur magistratura, doktorantura va doktorantura bosqichidan keyin tadqiqot olib borayotganlarga yerga oid fanlar (mineralogiya, geologiya, geokimyo), kristallografiya, kimyo, fizika, moddalar ilmi, arxeologiya, biologiya va shunga oʻxshash tegishli ilmiy sohada tadqiqot loyihasini amalga oshirayotganlarni moddiy jihatdan qoʻllab-quvvatlashga moʻljallangan.

Dasturga taqdim etilgan loyihalar chin maʼnoda innovatsion, koʻrgazmali jihatdan koʻrsatib berilishi, oʻzgacha qarashga ega boʻlishi, yangi sohalarni ham oʻz ichiga olishi, yangi nazariyalar va metodlarni sinab koʻrishi va natijada gemmologik bilimlarning rivojlanishiga hissa qoʻshishi kerak. Dr. Eduard Gübelin Research Scholarship 2022-yilning 1-yanvarida eʼlon qilingan boʻlib, dasturga loyihalar qabuli shu yilning 31-iyuliga qadar davom etadi. Saralash bosqichi avgust oyigacha davom etadi va natijalar sentyabr oyida eʼlon qilinadi. Natijalar eʼlon qilingandan keyin gʻoliblar Shveysariyaga laboratoriya joylashgan joyda tadqiqotlarini amalga oshirishni boshlashadi.

Dastur ishtirokchilariga 30,000 dollar mablagʻ ajratilgan boʻlib, bu mablagʻ yoʻl, turar-joy, tadqiqot va tadqiqot tugatilgandan keyin beriladigan pul mablagʻini oʻz ichiga oladi.

Dastur haqida batafsil ushbu havola orqali tanishish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Dasturda magistratura, doktorantura bosqichi talabalari yoki doktorantura bosqichidan keyin tadqiqot olib borayotganlar ishtirok etishlari mumkin;
  • Ishtirokchilar bakalavr darajalarini yerga oid fanlar, kimyo, fizika, moddalar ilmi, geologiya, tuproqshunoslik va shu kabi sohalarda oʻqigan boʻlishlari kerak;
  • Dasturda tadqiqotchi muassasa yoki kompaniya ham ishtirok etishi mumkin, ammo tadqiqotchilar yakka holda va biror bir universitet yoki tadqiqot instituti hamkorligida qatnashishlari tavsiya etiladi;
  • Nomzodlar 40 yoshdan oshmagan boʻlishlari lozim;
  • Dasturda barcha davlat vakillari ishtirok etishi mumkin;
  • Taqdim etilgan tadqiqot ingliz tilida boʻlishi, 10,000 ta soʻzdan, 10 ta rasm, jadval yoki illyustratsiyada oshmagan holda joʻnatilishi kerak;
  • Dasturning boshlagan va tugatgan tadqiqotchi bir kishi boʻlishi lozim.

Eslatma! Dastur ingliz tilida boʻladi. Shuning uchun talab qilinmagan boʻlsa ham nomzod ingliz tilini bilishi lozim.

Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturning quyidagi foydali tomonlari mavjud:

  • Dasturga jami $30,000 gacha mablagʻ ajratiladi;
  • Umumiy mablagʻning boshlangʻich qismi tadqiqot boshlangan vaqtida taqdim etiladi;
  • Dastur gʻoliblari Gubelin qimmatbaho toshlar laboratoriyasi (Gübelin Gem Lab) va Gübelin Reference Collectiondagi infrastrukturalar va analitik asbob-uskunalardan foydalanishlari mumkin boʻladi;
  • Ishtirokchilar Gubelin qimmatbaho toshlar laboratoriyasi olimlaridan ham koʻmak olish imkoniga ega boʻladilar.

Dasturga ajratilgan mablagʻ uch qismga boʻlinadi:

  1. Analitik infratuzilma, laboratoriya va tadqiqot uchun kerak boʻladigan xizmatlar uchun ajratilgan mablagʻ- bu grant mablagʻining 3/1 qismini tashkil qiladi.
  2. Mamlakatga kelish, turar-joy xarajatlari, tadqiqotchining shaxsiy tadqiqot jihozlari va analitik infratuzilmalar, tadqiqotni chop etish va loyiha taqdimotini oʻz ichiga oladigan mablagʻ;
  3. Gʻolibga dastur soʻnggida toʻgʻridan toʻgʻri taqdim etiladigan mablagʻ.

Eslatma! Dastur gʻoliblarini Dr. Eduard Gübelin assosiatsiyasi ish bilan taʼminlab berilmaydi. Bundan tashqari, assotsiatsiya ijtimoiy sugʻurta xarajatlarini ham qoplab bermaydi. Dastur shartlari buzilgan maʼlum bir holatlarda nomzodlar moliyalashtirilmaydi.

Dasturning foydali jihatlari haqida ushbu havola orqali batafsil maʼlumot topish mumkin.

Hujjat topshirish

Dr. Eduard Gübelin Research Scholarship 2022-yilning 1-yanvarida eʼlon qilingan boʻlib, dasturga loyihalar qabuli shu yilning 31-iyuliga qadar davom etadi.

Dasturga onlayn ariza topshirish jarayonida quyidagilarga amal qilish zarur:

  • Talablar bilan batafsil tanishib chiqish;
  • CV va avvalgi ilmiy yutuqlari haqidagi maʼlumotlarni ham ariza shakliga yuklash zarur;
  • Ariza toʻldirish davomida shaxsiy maʼlumotlar hamda akademik yutuqlarni kiritish soʻraladi. Barcha kiritilgan maʼlumotlar assotsiatsiya tomonidan saqlab qolinadi. Gʻolib boʻlgan nomzodlarning maʼlumotlari (ismi sharifi, dastlabki yutuqlari) matbuot anjumani va loyiha taqdimoti uchun foydalaniladi.
  • Dastur maʼmuriyati agar zarur boʻlganda ariza shaklini oʻchirib tashlashga toʻliq haqli.

Dastur gʻoliblariga rasmiy tasdiqlov xabari joʻnatiladi. Saralash bosqichi 2022-yilning avgust oyiga qadar yakuniga yetadi va natijalar sentyabr oyida eʼlon qilinadi. Dasturga qabul qilingan loyihalar natijalar eʼlon qilingandan keyin 12 oy ichida boshlanishi va 24 oy ichida tugatilishi kerak. Loyiha boshlanganidan keyin esa 18 oydan oʻtmagan vaqtda yakunlanishi lozim. Dasturga beshta eng yaxshi loyiha mualliflari saralab olinadi. Saralashda yoshga ham alohida eʼtibor qaratiladi.

Dasturga roʻyxatdan oʻtish jarayoni haqida ushbu havola orqali koʻproq maʼlumot topish mumkin.

Ushbu havola orqali dasturda roʻyxatdan oʻtish mumkin.

Qoʻshimcha maʻlumotlar

Dastur saralash bosqichidagi mutaxassislar roʻyxati bilan ushbu havola orqali tanishish mumkin.

Dasturning saralash bosqichi haqida ushbu havola orqali batafsil maʼlumot olish mumkin.

Dasturning avvalgi gʻoliblari haqida ushbu havola orqali maʼlumot olish mumkin.

Tadqiqot oʻtkaziladigan Gübelin Gem Lab haqida ushbu havola orqali maʼlumot olish mumkin.

Maʼlumot uchun:

-facebook;

-instagram.

Shvetsariya
Shveysariyada tadqiqotchilar uchun 30,000 dollar mablagʻ ajratiladigan Dr. Eduard Gübelin research scholarship dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar