Shveysariyada tadqiqot qilish, doktorantura yoki undan keyingi bosqichda oʻqish uchun to'liq moliyalashtiriluvchi Swiss Government Excellence dasturi

Swiss Excellence Scholarships Shvetsariya hukumati tomonidan 180 dan ortiq davlatlar oʻrtasida hamkorlikni rivojlantirish uchun har yili yosh tadqiqotchilar, magistrlar, qolaversa, sanʼat yoʻnalishida bakalavr bosqichini tugatgan talabalarga beriladigan stipendiya hisoblanadi. Ushbu stipendiyaning 4 xil turi mavjud:

The Research scholarship —  Shveysariyaga doktorlik yoki doktorlik darajasida ilmiy tadqiqotlar olib borish uchun kelishni rejalashtirgan turli yoʻnalishdagi yosh olimlar uchun beriladi.

The Research scholarship Shveytsariyaning koʻplab universitetlarida, jumladan, amaliy fanlar, texnologiya instituti, shuningdek, toʻrtta tadqiqot institutlarida ilmiy izlanish olib borish yoki oʻqish uchun beriladi.

Art scholarship — Shveytsariyada boshlangʻich magistrlik darajasini olishni istagan sanʼat sohasida bakalavr bosqichi yakunlagan talabalarga Shveysariya konservatoriyalaridan birida yoki sanʼat universitetida oʻqish uchun beriladi.

PhD scholarship — Shveysariyada doktorantura darajasida o'qish uchun beriladi. Kamida magistrlik diplomi talab qilinadi.

Postdoctoral scholarship — PhD darajasini olgandan keyin qo'shimcha tadqiqot qilmoqchi bo'lgan olimlar uchun beriladi.

MUHIM! 2025/26-o'quv yili uchun dastur О'zbekiston fuqarolariga PhD, PhDdan keyigi tadqiqot (Postdoctoral study) va ilmiy tadqiqot qilish (Research Fellowship) uchun grantlar ajratgan.

Dastur nomzodlarning ta'lim olishlarini to'liq moliyalashtiradi. Grant davomiyligi nomzod tanlagan grant turidan kelib chiqadi. Har bir nomzod hujjat topshirish bilan bog'liq jarayonni o'z mamlakatidagi Shveysariya elchixonasi bilan kelishgan holda amalga oshirishi kerak.

Bu yilgi dastur bo'yicha o'qish 2025-yil 1-sentabrdan boshlanadi.

Dasturga qo'yilgan talablar va umumiy ma'lumotlarni akademik yo'riqnoma orqali bilib olish mumkin.

• Nomzod 1989-yil, 31-dekabrdan keyin tug'ilgan bo'lishi kerak.
• 2026-yil 31-iyulgacha: san'at bo'yicha nomzodlar bakalavr yoki shunga ekvivalent diplomni; PhD uchun ariza berayotganlar magistrlik diplomi yoki shu darajaga teng diplomni; tadqiqotchi nomzodlar PhD darajasini olgan boʻlishi va isbot sifatida hujjatlar stipendiya berilishidan avval Shvetsariya Federal Komissiyasiga topshirilishi kerak;
• Tanlagan Shveysariya universitetida unga ilmiy rahbarlik qiluvchi professorning CV si va undan rozilik xati (Ilmiy rahbarni qanday topish bo'yicha ko'rsatma bu yerda; ilmiy rahbar topishdan oldin ko'rish shart bo'lgan video-qo'llanma bu yerda);
• Ilmiy tadqiqoti rejalashtirilgan xat (Bu muhim omillardan biri hisoblangani bois nomzodlar alohida eʼtibor berishlari soʻraladi);
• Tadqiqot uchun kerakli tillarni bilishi lozim;
• Soʻnggi bir yildan beri Shveysariya yashayotgan nomzodlar arizasi qabul qilinmaydi;
• Avval ushbu stipendiya bilan taqdirlanmagan boʻlishi kerak.

PhD uchun nomzodlarga qo'yilgan talablar bilan bu yerda, ilmiy tadqiqot uchun nomzodlarga qo'yilgan talablar bu yerda, san'at uchun nomzodlarga qo'yilgan talabalar bilan bu yerda, PhDdan so'ng qo'shimcha o'qimoqchi bo'lganlar uchun qo'yilgan talablar bilan bu yerda tanishish mumkin. 

• Oyiga CHF 1,920 (~$2,242) stipendiya;
• Tibbiy sugʻurta;
• Safar xarajatlari (dastur soʻnggida toʻlab beriladi);
• Turar joy uchun bir martalik to'lov (dastur boshida beriladi);
• Jamoat transportidan foydalanish uchun bir yillik karta;
• Stipendiya gʻoliblari uchun tashkil etilgan har xil sayohatlar, kechki ovqatlarda qatnashish imkoniyatiga ega boʻladilar.

Eslatma! Dastur faqat bir kishi uchun moʻljallangan va oila aʼzolari bilan kelish mumkin emas.

• Toʻldirilgan ariza formasi (rasm bilan, kompyuterda terilgan va chiqarilgan holda);
• CV (ilmiy ishlar va erishgan yutuqlari roʻyxati sanab oʻtilgan boʻlishi kerak);
• Motivatsion xat (koʻpi bilan 2 bet);
• Rejalashtirilgan tadqiqot taklifi (koʻpi bilan 5 bet, imzolangan holda);
• Shveysariyadagi tadqiqotiga ilmiy rahbarlik qiluvchi professoridan rozilik xati (uning qisqa CV si ham berilishi kerak);
• Oʻqiyotgan oliygoh professorlaridan 2ta reference letter (tavsiyanoma);
• Oldin taʼlim olgan universitet diplomi, baholari bilan (Ingliz tilida);
• Imzolangan tibbiy maʼlumotnoma;
• Pasport nusxasidan 2ta.

Arizalar hammasi O'zbekistondagi Shveysariya elchixonasiga joʻnatiladi. Hujjatlar maxsus formaga solingan holda joʻnatilishi lozim. Maxsus formani elchixonadan email orqali soʻrab olishlari mumkin.  

Eslatma! Ariza topshirishda hujjatlarning  bitta original va bitta nusxalangan varianti joylanishi soʻraladi. Hujjatlar yig'ma jildi uchun ushbu havolaga kirish lozim. Dasturga topshirish bo'yicha batafsil YO'RIQNOMA bu yerda.

Hujjat topshirish uchun hech qanday to'lov yo'q!

Aiza topshirish muddati davlatdan davlatga qarab farq qiladi. O'zbekistonliklar uchun oxirgi muddat: 2024-yil, 13-dekabr.

Saralash uchun muhim omillar:

• Nomzod: ilmiy darajasi, tadqiqot mukammalligi  va motivatsiyasi.
• Tadqiqot loyihasi: oʻziga xosligi va uslubiy mukammalligi
• Kelajakdagi ilmiy hamkorlik ehtimolligi.

Dastur 12 oy davom etadi, 2025-yil 1-sentyabrdan boshlanadi. 6 oydan kam muddatga rejalashtirilgan tadqiqotlar qabul qilinmaydi. Qoʻshimcha savollar uchun ushbu manzilga email xabar joʻnatish mumkin.

Manzil: Shveysariya elchixonasi, Toshkent 100070, Shota Rustaveli 4/1 

Tel: 00998 71 120 67 38/39

Web-sahifa: https://www.eda.admin.ch/tashkent 

Pochta: tashkent@eda.admin.ch 

Ko'p so'raladigan savollar va ularning javoblari bilan tanishish uchun ushbu havolaga kirish mumkin.

Osiyo mintaqasidagilar uchun grant bo'yicha ma'lumotlar havolasi bu yerda.