Signature Image Search — Professional fotograflar uchun togʻ manzarasi aks etgan suratlar tanlovi
  • 10/01/2022 Qabul boshlanishi
  • Mukofot Moliyalash turi
  • Kanada Davlat
  • 01.03.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Banff Centre for Arts and Creativity dunyo boʻylab barcha professional foto suratkashlarni 2022-yilgi Festival va Jahon sayohati (World Tour)ning 2022-2023-yilgi mavsumi uchun togʻ manzaralari aks etgan suratlar bilan Banff Centre Mountain Film and Book Festival signature image tanlovida ishtirok etishga taklif etmoqda.

Har yili oʻtkaziladigan ushbu suratlar tanlovi koʻplab marketing materiallarida qoʻllaniladi, jumladan, ular afishalar (Banffda va Jahon sayohati boʻyicha 40 dan ortiq mamlakatlarda), bannerlar, veb-saytlar (Festival veb-sayti, shuningdek, Jahon sayyohlik saytlari), broshyuralar, va Festival/Jahon sayohati jurnallariga joylanadi.

Ushbu tanlovda 2021-yilgi Festival uchun suratlar tanlovi gʻolibi Christian Pondella suratlariga oʻxshash suratlar qabul qilinadi.

Gʻolib deb topilgan surat uchun $3000 CAD (~$2365) pul mukofoti beriladi.

Avvalgi mavsum gʻoliblari ishlari bilan ushbu havola orqali maʼlumot olish mumkin.

Maqbullik shartlari

Tanlov talablari quyidagicha:

  • Dasturda barcha professional fotograflar ishtirok etishi mumkin;
  • Taqdim etilayotgan suratlarda togʻ manzarasi aks etgan boʻlishi kerak;
  • Surat hajmi 1 Mb kam va 3 Mb dan koʻp boʻlmasligi lozim;
  • Suratlar JPG formatda qabul qilinadi.

Dasturda ishtirok etish va suratlarga qoʻyilgan talablar bilan batafsil ushbu havola orqali tanishish mumkin.

Foydali tomonlari

Tanlov gʻoliblari quyidagi imtiyozlarga ega boʻladi;

  • Gʻolib boʻlgan surat uchun $3000 CAD (~$2365) pul mukofoti beriladi;
  • Gʻolib fotosuratchi tarjimayi holi Banff Centre for Arts and Creativity saytida nashr etiladi;
  • Jahon Festivalini onlayn kuzatish imkoniga ega boʻladi;
  • Kuchli tajribaga ega fotograflar bilan yaqindan tanishish va hamkorlik qilish imkoniyatiga ega boʻladi.

Dastur imtiyozlari haqida batafsil ushbu havola orqali maʼlumot olish mumkin.

Hujjat topshirish

Tanlovda ishtirok etish uchun onlayn roʻyxatdan oʻtiladi va suratga qoʻshib foto suratkashning kontakt maʼlumotlari ham taqdim etiladi.

  • Taqdim etilayotgan suratlarda togʻ manzarasi aks etgan boʻlishi kerak;
  • Surat hajmi 1 Mb kam va 3 Mb dan koʻp boʻlmasligi lozim;
  • Suratlar JPG formatda qabul qilinadi;

Saralash bosqichidan oʻtgan nomzod 2022-yil aprel oyida yuqori aniqlikdagi RAW yoki TIFF fayldagi suratlar taqdim etish soʻraladi. Saralangan suratga qoʻyilgan talablar bilan batafsil ushbu havola orqali maʼlumot olish mumkin.

Qoʻshimcha maʻlumotlar

Suratda mavjud boʻlishi kerak boʻlgan elementlar:

  • Mavzu: Tasvirni dunyoning istalgan nuqtasidan olish mumkin, lekin u togʻ mavzusida boʻlishi shart;
  • Gʻoya: ehtiros va energiyani uygʻotadigan, dinamik va jozibali landshaftga ega va/yoki togʻ faoliyatiga ega boʻlgan tasvir boʻlishi lozim;
  • Orientatsiya: tasvir vertikal va gorizontal muvofiq holatda boʻlishi kerak. Marketing materiallarining aksariyati vertikal (plakatlar, bannerlar, otkritkalar, reklamalar va boshqalar), lekin veb va video ishlab chiqarish uchun gorizontal yoʻnalish afzalroqdir. Gʻoliblarning koʻpchiligi gorizontal tarzda taqdim etilgan;
  • Tiniqlik: Logotip ishlashga qulay boʻlishi uchun osongina kiritish mumkin boʻlgan suratlar qabul qilinadi;
  • Ekspozitsiya: Ideal holda, milliy reklama kampaniyasida hali paydo boʻlmagan yoki yirik jurnalning muqovasida koʻrsatilmagan boʻlishi kerak. Agar surat boshqa yirik nashrlarda/kampaniyalarda allaqachon ishlatilgan boʻlsa, uning tarixi va ishlatilganligi haqida xabar berish lozim;
  • Tijoriy elementlardan xolilik: Aniq koʻrinadigan logotiplar kabi taniqli tijorat elementlarisiz tasvirni boʻlishi kerak.

Qoʻshimcha savol va murojaatlar uchun: Nicky_Lynch@banffcentre.ca

Kanada
Signature Image Search — Professional fotograflar uchun togʻ manzarasi aks etgan suratlar tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar