Silikon Vodiysi mutaxassislaridan biznes-menejmentga qiziquvchilar uchun bepul start-up tayyorlov kursi

Ushbu bepul onlayn kurs biznes start-uplariga qiziqadigan barchaga moʻljallangan boʻlib, Kaliforniyaning Berkeley universiteti tomonidan tashkil etilgan.

Kurs davomiyligi 6 haftadan iborat. Kursni istalgan vaqtdan boshlash mumkin. Mazkur onlayn kurslarning afzalligi shundaki, bunda kurs qatnashchisi oʻzi uchun qulay vaqtda darslarda ishtirok etishi mumkin. Qat'iy soat ajratilmagan. 

Darslar toʻliq ingliz tilida olib borilishi tufayli kursda qatnashmoqchi boʻlganlar ingliz tilini bilishi talab etiladi.

Kursni muvaffaqiyatli tugatgan ishtirokchilar Kaliforniyaning Berkeley universiteti tomonidan rasmiy tasdiqlangan sertifikat olishlari mumkin. (Sertifikat olish toʻlov asosida amalga oshiriladi)

• Kaliforniyaning Berkeley universiteti tomonidan tashkil etiladigan bepul onlayn start-up tayyorlov kurslarida biznes va menejment sohasiga qiziquvchi barcha ishtirok etishi mumkin;
• Yosh bilan bogʻliq cheklov mavjud emas;
• Kursda ishtirok etish uchun ingliz tilini bilish kerak (Kurslar ingliz tilida olib boriladi).

• Start-up kursi qatnashchilari biznes va menejmentga oid start-up loyihalari yaratishni istalgan paytda bepul oʻrganish imkoniga ega boʻladilar;
• Darslar Silikon vodiysidan taklif etilgan mehmon maʼruzachilar (guest-speakers) tomonidan ham olib boriladi;
• Kurslar video-dars va matn koʻrinishida olib boriladi;
• Kursni muvaffaqiyatli tugatgan ishtirokchilar Kaliforniyaning Berkeley universiteti tomonidan rasmiy tasdiqlangan sertifikat olishlari mumkin. (Sertifikat olish toʻlov asosida amalga oshiriladi).

Kurs orqali qanday foydali bilim va koʻnikmalarni oʻrganish mumkinligi haqida batafsil ushbu havoladan oʻqish mumkin.

Kursda qatnashish uchun hech qanday hujjat topshirish talab etilmaydi.  

Kursda ishtirok etishni xohlaganlar ushbu havola orqali roʻyxatdan oʻtishi mumkin.

Kurs haqida eng koʻp berilgan savollarga (FAQs) javobni ushbu havola orqali oʻqish mumkin.