Singapore AI Safety Fellowship 2026 — Singapurda toʻliq grant asosida 3 oylik tadqiqot

Singapore AI Safety Fellowship — bu sunʻiy intellekt xavfsizligi va boshqaruvi sohasidagi yetakchi mentorlar bilan tadqiqotchilarni birlashtiruvchi mustaqil tadqiqot dasturidir. Ishtirokchilar Singapurda 3 oy davomida tadqiqot olib borib, sunʻiy intellekt xavfsizligi boʻyicha xalqaro muvofiqlashtirish koʻnikmalarini va hamkorlik aloqalarini rivojlantiradilar.

Dastur tadqiqotlar chop etish bilan birga oʻz ishlarining amaliyotda qoʻllanishini xohlaydigan mutaxassislar uchun moʻljallangan. Dasturning uchta asosiy mavzusi quyidagilardan iborat:

• Mintaqalararo hamkorlik: Sharq va Gʻarb tadqiqotchilarini birlashtirish orqali chegaralararo hamkorlikni yoʻlga qoʻyish;

• Texnik tadqiqot mukammalligi: Tajribali maslahatchilar rahbarligida eng dolzarb sunʻiy intellekt muammolarini oʻrganish;

• Tadqiqotni amaliyotga tatbiq etish: Ilmiy gʻoyalarni amaliy tavsiyalar va siyosatga aylantirish.

Tadqiqot dasturi 2026-yil 21-sentabrdan 4-dekabrgacha Singapurda offlayn formatda boʻlib oʻtadi.

Nomzodlarga qoʻyiladigan asosiy talablar:

• Texnik tadqiqotlar sohasida tajriba va muvaffaqiyatli natijalarga ega boʻlish;

• Sunʻiy intellekt texnologiyalarini insoniyat manfaatlari yoʻlida rivojlantirishga chin dildan qiziqish;

• Turli madaniyatlar va sohalar vakillari bilan oʻzaro hamkorlikda ishlay olish;

• Dastur toʻliq vaqtli (full-time) boʻlib, 3 oy davomida Singapurda yashash majburiyatini qabul qilish;

• Ingliz tilini mukammal bilish (dastur toʻliq ingliz tilida olib boriladi).

Dastur ishtirokchilariga quyidagi imtiyozlar taqdim etiladi:

• Oyiga 5,000 SGD (Singapur dollari) miqdorida stipendiya ajratiladi;

• Singapurda bepul turarjoy bilan taʻminlanadi;

• Singapurga borish va kelish xarajatlari toʻliq qoplanadi;

• Loyiha uchun 30,000 AQSh dollarigacha mablag’ (compute) ajratiladi;

• Singapurning markaziy hududida (Chinatown) joylashgan zamonaviy ofis maydonida ishlash imkoniyati;

• Yetakchi tadqiqotchilar tomonidan haftalik mentorlik uchrashuvlari va doimiy qoʻllab-quvvatlovi beriladi;

• Qabul qilingan ishtirokchilar uchun Singapur vizasini rasmiylashtirish jarayoni va toʻlovlari tashkilotchilar tomonidan amalga oshiriladi.

Dasturda hujjat topshirish quyidagi bosqichlardan iborat:

1. Hujjat topshirish uchun onlayn ariza shakli toʻldiriladi (taxminan 1 soat vaqt oladi);

2. Ariza shaklida afzal koʻrilgan tadqiqot yoʻnalishlari va mentorlar reyting asosida tanlanadi;

3. Saralangan nomzodlar uchun standartlashtirilgan baholash imtihonlari oʻtkaziladi;

4. Yakuniy bosqichda tanlangan mentorlar tomonidan maxsus amaliy topshiriq va/yoki suhbat (intervyu) tashkil etiladi.

Eslatma: Arizalar mentorlar va nomzodlarning oʻzaro mosligini aniqlash maqsadida har ikki tomonlama reyting tizimi asosida baholanadi.

Muhim sanalar:

• Hujjat topshirishning oxirgi muddati: 2026-yil 10-iyul;

• Dasturning boshlanishi: 2026-yil 21-sentabr;

• Dasturning yakunlanishi: 2026-yil 4-dekabr.

Tashkilotchi SASH (Singapore AI Safety Hub) haqida batafsil maʻlumotni ularning rasmiy sayti orqali olishingiz mumkin.