Singapur davlatida doktorantura (PhD) bosqichida o’qish uchun to’liq moliyalashtiriluvchi SINGA grant dasturi

02/04/2021 Qabul boshlanishi
Toʻliq Moliyalash turi
Singapur Davlat
31/05/2021 20:59 Oxirgi muddat

Umumiy maʻlumotlar

Singapur Xalqaro bitiruvchilar mukofoti (SINGA) Nanyang Texnologiya Universiteti (NTU), Singapur Milliy Universiteti (NUS), Singapur Texnologiya va Dizayn Universiteti (SUTD), Singapur Menejment Universiteti (SMU) va A*STAR fan va texnologiya agentligi hamkorligida tashkil etilgan. Yuqoridagi universitetlardan biriga yoki A*STAR tadqiqot agentligiga qabul qilinsangiz, yuqori malakali va tajribali professorlar bilan doktorlik dissertatsiyasini yoqlash imkoniyatiga ega bo’lasiz. Mukofot o’qish to’lovlarini, turar-joy xarajatlarini o’z ichiga oladi.

Maqbullik shartlari

Tadqiqot qilishga qiziquvchi va yuqori akademik salohiyatga ega barcha xalqaro talabalar ariza topshirishlari mumkin;
Ingliz tilida yozma va og’zaki ko’nikmalari yaxshi bo’lishi;
Akademik darajaga ega insonlardan tavsiyonamalarga ega bo'lish

Eslatma: Yuqoridagi talablar topshirayotgan yo’nalishingizga qarab o’zgarishi mumkin.

Foydali tomonlari

Grant PhD (Doktorantura) bosqichi uchun 4 yil mobaynida quyidagilarni qoplaydi:

Kontrakt;
Oylik 2500 Singapur dollari miqdorida stipendiya, malaka imtihoni topshirgandan keyin 2500 dollarga oshiriladi;
1500 Singapur dollari miqdoridagi aviachiptalar uchun bir martalik grant;
1000 Singapur dollari miqdoridagi turar-joy uchun bir martalik moliyaviy yordam.

Eslatma: Talabalar yotoqxonasida turish imkoniyati asosan birinchi kurs talabalariga beriladi.

Hujjat topshirish

1. Research Areas bo’limidan PhD (Doktorantura) ilmiy tadqiqot loyihalarini va sizni qiziqtirgan yo’nalishlarni ko'rib chiqing;

2. Pasport;

3. Pasport o'lchamidagi fotosurat (.jpeg yoki .png formatda);

4. Bakalavr va/yoki magistratura diplomi nusxalari;

5. Bakalavr bosqichidagi diplomlar/sertifikatlar;

6. Hakamlar tomonidan 2 ta tavsiyanoma;

7. GRE / IELTS / TOEFL / SAT I & II / GATE natijalari bo’lishi ixtiyoriy. Qabul qilinganingizdan so’ng universitet tomonidan qayta test olinishi ham mumkin;

8. Barcha hujjatlar ingliz tilida onlayn jo’natilishi kerak;

9. Ariza topshirish jarayonida ma’lumotlaringizni aniq va to’liqligiga alohida e’tibor bering.

10. Hujjatlaringizni ertaroq yuborishga harakat qiling. Hakamlar tomonidan 2 ta tavsiyanoma berilishi sababli barcha nomzodlarga tavsiyanoma yuborishga yetarli vaqt bo’lmasligi mumkin. Tavsiyanomga ega bo’lmagan hujjatlar esa tekshirilmaydi.

Eslatma: Yuqorida talab etilgan hujjatlarning barchasi yaroqli bo’lishi va onlayn jo’natilishi shart. Qog’oz shaklida yuborilgan hujjatlar qabul qilinmaydi.

Rasmiy havola Hujjat topshirish