Singapur davlatida doktorantura (PhD) bosqichida o’qish uchun to’liq moliyalashtiriluvchi SINGA grant dasturi

Singapur Xalqaro bitiruvchilar mukofoti (SINGA) Nanyang Texnologiya Universiteti (NTU), Singapur Milliy Universiteti (NUS), Singapur Texnologiya va Dizayn Universiteti (SUTD), Singapur Menejment Universiteti (SMU) va A*STAR fan va texnologiya agentligi hamkorligida tashkil etilgan xalqaro grant dasturidir.

Dastur biotibbiyot fanlari, kompyuter va informatika, muhandislik va texnologiya, fizika fanlariga qizquvchi abituriyentlar uchun mo'ljallangan.

Nomzodlar quyidagi universitet/tadqiqot markazlaridan biriga qabul qilinishi kerak:

• A*STAR Supervisors and Projects 
• NTU Colleges and Schools 
• NUS Graduate School 
• SMU School of Computing and Information Systems (SCIS) 
• SUTD Pillars/Clusters and Research Centres 

Bunda yuqori malakali va tajribali professorlar bilan doktorlik dissertatsiyasini yoqlash nazarda tutiladi. Mukofot o’qish to’lovlarini, turar-joy xarajatlarini o’z ichiga oladi. 

• Tadqiqot qilishga qiziquvchi va yuqori akademik salohiyatga ega barcha xalqaro talabalar ariza topshirishlari mumkin;
• Ingliz tilida yozma va ogʻzaki koʻnikmalari yaxshi boʻlishi;
• Akademik darajaga ega insonlardan tavsiyanomalarga ega boʻlish lozim.
• Dasturga asosan biotibbiyot fanlari, kompyuter va informatika, muhandislik va texnologiya, fizika sohalariga qiziquvchi nomzodlar topshirishlari tavsiya qilinadi;
• Ariza beruvchining bakalavr/magistratura diplomlari bo'lishi kerak;
• Nomzod universitetga tanlagan yo'nalishiga qarab o'zi qabul qilinishi kerak.

Eslatma: Yuqoridagi talablar nomzodning topshirayotgan yoʻnalishiga qarab oʻzgarishi mumkin.

Grant PhD (Doktorantura) bosqichi uchun 4 yil mobaynida quyidagilarni qoplaydi:

• Kontrakt puli to'liq qoplanadi (4 yil uchun);
• Oylik 2,200 Singapur dollari miqdorida (~$1,560) stipendiya, malaka imtihoni topshirgandan keyin 2,700 (~$1,900) dollarga oshiriladi;
• 1,500 Singapur dollari (~$1,100) miqdoridagi aviachiptalar uchun bir martalik grant;
• 1,000 Singapur dollari (~$750) miqdoridagi turar-joy uchun bir martalik moliyaviy yordam.

Eslatma: Talabalar yotoqxonasida turish imkoniyati asosan birinchi kurs talabalariga beriladi.

1. Research Areas boʻlimidan PhD (Doktorantura) ilmiy tadqiqot loyihalarini va nomzodni qiziqtirgan yoʻnalishlarni koʻrib chiqish kerak.

Kerakli hujjatlar: 

1. Pasport.
2. Pasport oʻlchamidagi fotosurat (.jpeg yoki .png formatda).
3. Bakalavr va/yoki magistratura diplomi nusxalari.
4. Bakalavr bosqichidagi diplomlar/sertifikatlar.
5. Hakamlar tomonidan 2 ta tavsiyanoma.
6. GRE / IELTS / TOEFL / SAT I & II / GATE natijalari boʻlishi ixtiyoriy. Qabul qilingangach universitet tomonidan qayta test olinishi ham mumkin.

Eslatma: Barcha hujjatlar ingliz tilida onlayn joʻnatilishi kerak.  Qogʻoz shaklida yuborilgan hujjatlar qabul qilinmaydi.

Ariza topshirish jarayonida maʼlumotlar aniq va toʻliqligiga alohida eʼtibor berish so'raladi. Hujjatlarni ertaroq yuborishga harakat qilish kerak. Hakamlar tomonidan 2 ta tavsiyanoma berilishi sababli barcha nomzodlarga tavsiyanoma yuborishga yetarli vaqt boʻlmasligi mumkin. Tavsiyanoma ega boʻlmagan hujjatlar esa tekshirilmaydi.

Eng ko'p berilgan savollarga javoblar bilan tanishib chiqish tavsiya etiladi.

Qoʻshimcha savollar uchun: singa_enquiries@hq.a-star.edu.sg

SINGAga oid savollar bilan bu yerga murojaat qilish mumkin.