Singapurda fan va muhandislik sohasida tadqiqot olib borish imkoniyati — Singapore international graduate award. Oylik stipendiya miqdori — $1.630

Singapore International Graduate Award (SINGA)- dunyo boʻylab talabalarga Singapurda PhD taʼlim olish, global aloqalarni oʻrnatish va ilmiy martabalarini yuqori choʻqqilarga olib chiqish imkoniyatini yaratadi.

SINGA xalqaro talabalarning jonli va madaniy jihatdan xilma-xil tadqiqot hamjamiyatini rivojlantiradi. Ular koʻp madaniyatli muhitda taniqli va dunyoga mashhur tadqiqotchilar bilan birga zamonaviy muassasalarda ishlash imkoniyatiga ega boʻladilar.

Dastur davomida biotibbiyot fanlari, hisoblash va axborot fanlari, muhandislik va texnologiya hamda fizika fanlari boʻyicha PhD tadqiqotlarini qoʻllab quvvatlash koʻzda tutilgan.

Toʻliqroq maʼlumotlar bilan quyidagi havolalar orqali tanishish mumkin:

A*STAR Supervisors and Projects

NTU Colleges and Schools

NUS Faculties and Schools 

SMU School of Computing and Information Systems (SCIS)

SUTD Pillars/Clusters and Research Centres

Dasturga qabul qilingan nomzodlar oʻqish toʻlovlaridan toʻliq ozod etiladi. Hamda ularga oylik stipendiya, aviachipta uchun bir martalik pul miqdori beriladi.

Dastur haqida batafsil ushbu havola orqali tanishish mumkin.

Dasturda qatnashish uchun nomzodlardan quyidagilar talab etiladi:

• Fan va muhandislik sohalarida tadqiqot olib borishga ishtiyoqi boʻlgan va mukammal ilmiy natijalarga ega barcha xalqaro talabalar ariza topshira oladilar;
• Dasturda qatnashish uchun yosh chegarasi belgilanmagan;
• Til bilish sertifikati (IELTS, TOEFL) talab etilmaydi. Ishtirokchilardan yozma va ogʻzaki ingliz tilida yaxshi koʻnikmalarga ega boʻlishlari soʻraladi;
• Akademik hakamlar tomonidan 2 ta qoniqarli tavsiyanomaga ega boʻlishi lozim;
• Nomzodlar Singapur fuqarosi boʻlmasligi, Singapurda oldin taʼlim olmagan boʻlishi lozim.

Dasturning ushbu maqbullik shartlari tanlangan stipendiya turiga qarab oʻzgarib borishi mumkin.

Dastur maqbullik shartlari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imtiyozlarga ega boʻladi:

• Oʻqishning toʻlov pullaridan ozod etiladi;
• Oylik $1.630 stipendiya beriladi. Nomzod malaka imtihonini topshirgandan soʻng ushbu summa $2000 gacha oshiriladi;
• Aviachipta uchun $1,110 miqdorida bir martalik toʻlov;
• $740 miqdorida bir martalik stipendiya.

Eslatma: Mukofot 4 yilgacha boʻlgan PhD tadqiqotlarini qoʻllab-quvvatlaydi.

Dastur imtiyozli jihatlari haqida batafsil ushbu havola orqali tanishish mumkin.

Dasturga ariza topshirish uchun nomzodlar ushbu havola orqali saytda hisob (account) yaratishlari lozim.

Ariza toʻldirish uchun nomzodlardan quyidagilar talab qilinadi:

• Amaldagi pasport nusxasi;
• Baholarning ingliz tilidagi tarjimasi;
• Universitetda oʻqiyotganligi haqida universitet tomonidan tasdiqnoma;
• 2 ta tavsiyanoma (Tavsiyanomalar akademik rahbarlar tomonidan yuborilishi lozim).

Dasturga ariza topshirish mutlaqo bepul.

Dasturga qabul qilinganlik haqida natijalar soʻngi muddat tugagan sanadan boshlab 12 hafta ichida eʼlon qilinadi.

Eng koʻp soʻralgan savollar bilan ushbu havola orqali tanishish mumkin.

Qoʻshimcha savol va murojaatlar uchun:

singa_enquiries@hq.a-star.edu.sg