Singapurning nufuzli universitetlaridan biri Nanyang Texnologiya universitetida bakalavr bosqichini to'la moliyalashtirilgan holda o'qish imkoniyatini beruvchi Nanyang Scholarship dasturi

Singapur davlatining nufuzli Nanyang Texnoloyiga universitetida bakalavr bosqichida oʻqimoqchi boʻlgan talabalarni qoʻllab-quvvatlash uchun universitet tomonidan Nanyang Scholarship dasturi tashkil etilgan. Ushbu dasturda dunyoning barcha davlatlaridan kelgan har tomonlama faol, yuqori akademik koʻrsatkichga, qolaversa, liderlik qobiliyatiga ega boʻlgan talabalar ishtirok etishi mumkin.

Dasturga qabul qilingan talabalar ushbu universitetda bepul oʻqish bilan birga, yashash va turar joy xarajatlari uchun yillik stipendiyalar bilan taʼminlanadilar.

Dastur haqida ushbu havola orqali batafsil maʼlumot olish mumkin.

Dasturda ishtirok etish uchun nomzodlar quyidagi talablarga javob berishi lozim:

• Dasturda barcha davlat fuqarolari qatnashishi mumkin;
• Nomzod universitetning toʻliq kunduzgi (full-time) bakalavr bosqichiga qabul qilingan boʻlishi yoki ushbu bakalavr kurslarining talablariga javob berishi kerak;
• 12 yillik taʼlimni (yoki ekvivalent) tugallagan boʻlishi shart;
• Yuqori akademik koʻrsatkich (kamida GPA 3.5) va kuchli yetakchilik qobiliyatiga ega boʻlishi lozim.

Eslatma! Talablar yoʻnalishga qarab farq qilishi mumkin, ariza topshirishdan oldin har bir yoʻnalish talablari bilan alohida tanishib chiqish zarur.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan talabalar quyidagi imtiyozlarga ega boʻladi:

• Oʻqish kontrakt toʻlovidan ozod etiladi;
• Yashash xarajatlari uchun yillik $6500 stipendiya beriladi;
• Turar-joy uchun yillik $2000 miqdorgacha mablagʻ bilan taʼminlanadi;
• Sayohat granti talablariga asosan $7,500 gacha moddiy yordam beriladi;
• Kompyuterdan foydalanish uchun bir martalik $1750 mablagʻga ega boʻladi.

Dasturning manfaatli tomonlari haqida batafsil ushbu havola orqali maʼlumot olish mumkin.

Dasturda ishtirok etish uchun nomzodlar avval universitetning bakalavr kurslaridan biriga ariza topshirishi kerak. Ariza topshirish narxi $25.

Shundan keyin dastur uchun onlayn ariza topshiriladi.

Ariza topshirishda kerakli hujjatlar:

• Pasport oʻlchamidagi shaxsiy surat;
• Tavsiyanoma;
• 300 soʻzdan iborat insho.

Ariza topshirish jarayoni yakunlangandan 2 oy keyin saralangan nomzodlar bilan intervyu oʻtkaziladi.

Qoʻshimcha savollar ushbu havola orqali berilishi mumkin.