Smithsonian Magazine Photo Contest - 6 yoʻnalish boʻyicha surat joʻnatib $2,500 gacha pul mukofoti yutib olish imkoniyati

Smithsonian Magazine har yili oʻtkaziladigan Photo Contest (Suratlar tanlovi)ning 22-mavsumini eʼlon qildi. Tanlovda 18 yoshdan katta boʻlgan barcha suratga olishga qiziquvchilar qatnashishi va $2,500 gacha pul mukofotiga ega boʻlishi mumkin.

Suratlar quyidagi 6 yoʻnalish boʻyicha qabul qilinadi:

• Natural World (Tabiatga oid): hayvonlar, oʻsimliklar, tabiat manzaralari aks etgan suratlar;
• Travel (Sayohat): sayohat davomida olingan mahalliy aholi yoki turli mashgʻulotlar aks etgan suratlar;
• People (Odamlar): portretlar, yakka yoki guruh boʻlib tushilgan suratlar;
• The American Experience: Amerika xalqining tarixi va madaniyatini aks ettiruvchi suratlar;
• Artistic Images: suratkash tomonidan biroz effekt berib oʻzgartirilgan suratlar ijodiy rasmlar;
• Drone: dronda olingan har qanday suratlar.

Tanlovda qatnashish uchun nomzodlar quyidagi talablarga to‘g'ri kelishi kerak:

• Nomzodlar 18 yoshdan katta boʻlishi;
• Smithsonian tashkilotiga aloqador shaxslar, shu jumladan, xodimlar, vasiylar, amaliyotchilar, volontyorlar va ularning oila aʼzolari (farzandlari, ota-onalari, aka-ukalari) tanlovda qatnasha olmaydi.

Suratlarga qoʻyilgan talablar:

• Fotosuratlar 2021-yil 1-yanvardan keyin olingan boʻlishi;
• Agar suratda biror shaxs aks etgan boʻlsa, ushbu shaxs roziligini tasdiqlovchi maʼlumotnoma toʻldirilishi;
• Agar suratda boshqa insonning ishi (haykal, rasm, mualliflik huquqi boʻlgan boshqa har qanday ishlar) aks etgan boʻlsa, oʻsha muallif roziligini tasdiqlovchi maʼlumotnoma toʻldirilishi;
• Suratlar  .jpeg, .jpg yoki .gif formatida, kamida 2000 piksel kenglikdan va 10 MB dan oshmasligi so‘raladi.

Tanlovda jami 8 ta nomzod quyidagicha taqdirlanadi:

• Grand Prize: $2,500 — eng yaxshi deb topilgan rasm uchun (1 nafar);
• Category Winners: $500 — 6 xil yoʻnalish boʻyicha eng yaxshi rasmlar uchun (6 nafar);
• Readersʼ Choice: $500 —  onlayn eng koʻp ovoz yigʻgan rasm uchun (1 nafar).

• Tanlovda qatnashish uchun qatnashchilar avval onlayn roʻyxatdan oʻtadilar va profil ochadilar. 
• Yo‘nalishlar soni 6 ta, har bir yoʻnalish uchun 15 tagacha, jami 90 tagacha surat joylashlari mumkin.

• Suratlar kreativligi, sifati va yoʻnalish talabiga javob berishiga koʻra baholanadi. 
• Hakamlar har bir yoʻnalish boʻyicha 10 tadan, jami 60 ta finalchini saralab oladi va ular ichidan 1 ta nomzod Grand Prize uchun munosib deb topiladi. 
• Qolgan 60 ta finalchilar suratlari 2025-yil mart oyida saytga joylanadi va eng koʻp ovoz yigʻgan surat egasi The Readersʼ Choice mukofotiga loyiq deb topiladi. Gʻoliblar roʻyxatda oʻtish jarayonidagi shaxsiy maʼlumotlari asosida xabardor qilinadi.

Yakuniy natijalar 2025-yil bahorda onlayn eʼlon qilinadi.