Sogʻliqni saqlash boʻyicha virtual dasturda bepul oʻqish imkoniyati — Silk Road Health Data Science Fellowship

Mongolian Society of Artificial Intelligence in Medicine tomonidan DataCamp koʻmagida sogʻliqni saqlash (Health Data Science) sohasiga qiziqqanlar uchun grant dasturi —Silk Road Health Data Science Fellowship taqdim etiladi.

Silk Road Health Data Science Fellowship — bu 6 oylik virtual dastur boʻlib, mintaqada sogʻliqni saqlash va texnologiya sohasining keyingi avlod yetakchilarini tayyorlashga qaratilgan.

Dastur real hayotda taʼsir koʻrsatish uchun maʼlumotlar, sunʼiy intellekt va raqamli sogʻliqni saqlash imkoniyatlaridan foydalanadigan hamkorlikka asoslangan hamjamiyatni shakllantirishni maqsad qiladi.

Dastur 2026-yil fevral oyidan avgust oyigacha davom etadi.

Maʼlumot uchun: DataCamp hamda MSAIM Virtual Health Data Science Bootcamp III tomonidan qoʻllab-quvvatlanadigan ushbu dastur Markaziy Osiyo va Janubiy Koreyada sogʻliqni saqlash sohasini yanada rivojlantirish hamda AI asosidagi innovatorlarni yetishtirish uchun ekspertlar olib boradigan maʼruzalar, jahon darajasidagi onlayn taʼlim va amaliy loyiha ishlarini birlashtiradi.

Dastur haqida batafsil ushbu havola orqali maʼlumot olish mumkin.

• Dasturda Qozogʻiston, Qirgʻiziston, Oʻzbekiston, Tojikiston, Turkmaniston, Janubiy Koreya va Mongoliya fuqarolari qatnashishi mumkin;
• Quyidagi soha vakillari ishtirok etish etishi kerak:
  • Sogʻliqni saqlash sohasi mutaxassislari va kompyuter fanlari boʻyicha olimlar;
  • Sogʻliqni saqlash sohasiga qiziqqan, kompyuter fanlari va muhandislik yoʻnalishidagi talabalari;
  • Tibbiyot, jamoat salomatligi va biotibbiyot yoʻnalishi talabalari;
  • STEM va sogʻliqni saqlash tadqiqotlarida faoliyat olib borayotgan ayollar hamda yetarli darajada baholanmagan guruhlar.
• Ingliz tilini dasturda qatnashish darajasida bilish lozim.

Dastur yakunida beriladigan sertifikatni olish uchun quyidagilarni bajarish lozim:

• DataCamp akkauntini faollashtirish;
• Virtual Health Data Science Bootcamp III dasturini muvaffaqiyatli tugatish;
• Avgust oyiga qadar oʻtkaziladigan oylik vebinarlarning kamida uchdan ikki qismida qatnashish.

• 12 oy davomida DataCamp platformasiga toʻliq kirish (bunda Python, R, SQL va AI boʻyicha 400 dan ortiq interaktiv kurslar taqdim etiladi);
• Maxsus instruktorlar boshchiligida amaliy virtual bootcamp oʻtkaziladi;
• Jahon miqyosidagi mutaxassislar tomonidan mentorlik kurslari olib boriladi;
• Muvaffaqiyatli yakunlagan ishtirokchilarga sertifikat beriladi;
• Soha boʻyicha Markaziy Osiyoni qamrab olgan hamjamiyat aʼzosi boʻlish imkoniyati.

Dasturga qiziqqanlar ushbu havola orqali ariza topshirishlari mumkin.

Ariza topshirish 3 bosqichdan iborat:

1. Umumiy maʼlumotlar. Bunda nomzod oʻzi haqidagi maʼlumotlarni kiritadi.
2. Insho. Bunda berilgan savollarga ingliz tilida, har biri 100 ta soʻzdan oshmagan uchta insho yoziladi:
   1. Why do you want to join the Central Asian Health Data Science Virtual Fellowship, and how does this program fit your academic or professional goals?
   2. Describe your background (education, coursework, research, or work experience) related to healthcare, data science, or technology. How has this prepared you for this fellowship?
   3. How will the Silk Road Health Data Science Fellowship help you gain the skills needed to address healthcare challenges in your region using data science?
3. Ixtiyoriy topshiriqlar:
   1. CV, rezyume yoki portfolio yuklash mumkin;
   2. Nomzod oʻz mamlakatidagi eng keng tarqalgan va ommaga ochiq sogʻliqni saqlash maʼlumotlar toʻplamining nomi va havolasini taqdim etishi mumkin.

Muhim: ChatGPT yoki boshqa sunʼiy intellekt vositalaridan foydalanish qatʼiyan taqiqlanadi.

Email: info@ai-medmongolia.mn.

Muhim sanalar:

• Arizalar qabul qilinishi boshlanadi: 2026-yil 8-yanvar;
• Dasturga hujjat topshirish uchun oxirgi muddat: 2026-yil 22-yanvar (20:59);
• Natijalar eʼlon qilinadi: 2026-yil 23–29-yanvar;
• Dastur boshlanadi: 2026-yil 1-fevral;
• Oylik virtual maʼruzalar oʻtkaziladi: 2026-yil fevral-avgust oylari;
• Virtual Health Data Science Bootcamp III: 2026-yil may;
• Dastur yakunlanadi: 2026-yil avgust.