Magistratura bosqichini toʻliq moliyalashtirilgan holda Xitoyda oʻqish imkoniyati — Schwarzman Scholars dasturi

Schwarzman Scholars dasturi nomzodlarga Xitoy Xalq Respublikasi Beijing shahrining Tsinghua University oliy taʼlim dargohida bir yillik magistratura kurslarida oʻqish imkoniyatini beradi.  Tsinghua universiteti 2026-yil QS reytingiga kо'ra, dunyоning nufuzli оliygоhlari qatоrida 20-o’rinni egallamоqda.

Dasturda global miqyosda 18 yoshdan 28 yoshgacha boʻlgan hamda bakalavr darajasiga ega yoshlar qatnashishlari mumkin.

Dastur aynan bir soha uchun moʻljallanmagan boʻlib, istalgan soha vakillari oʻz yoʻnalishlari boʻyicha ariza topshirishlari va dasturda ishtirok etishlari mumkin.

Bundan tashqari dastur ishtirokchilari quyidagi 3 ta fan boʻyicha oʻqish imkоniga ega bо'ladilar:

• Leadership (Yetakchilik)
• Global Affairs (Xalqaro munosabatlar)
• China (Xitoy)

Dasturda qatnashish toʻliq moliyalashtirilgan boʻlib, bunda nomzodlarning oʻqish toʻlovlari, oʻquv jihozlari, viza va sugʻurta xarajatlari, borish kelish hamda yashash toʻlovlari toʻliq qoplanadi.

Dastur haqida batafsil ushbu havola orqali tanishish mumkin.

Dasturda ishtirok etish uchun nomzodlardan quyidagilar talab etiladi:

• Ishtirokchi bakalavr darajasiga ega boʻlishi yoki dastur boshlangunga (2026-yil, 1-avgust) qadar bakalavr darajasini muvaffaqiyatli tugatishi lozim;
• Dasturda ishtirok etish uchun aniq GPA (oʻrtacha baho) belgilanmagan. Ammo nomzodning akademik koʻrsatkichlari yuqori boʻlishi kerak;
• Dunyo boʻylab jinsi, irqi va millatidan qatʼi nazar 18 yoshdan yuqori 28 yoshdan kichik boʻlgan barcha yoshlar dasturda qatnasha oladi;
• Dastur ingliz tilida boʻladi va nomzodlardan til bilish sertifikati (TOEFL min. 600, TOEFL IBT min. 100, IELTS min. 7) talab qilinadi. 

Eslatma: kamida ikki yil davomida asosiy taʼlim tili ingliz tilida boʻlgan bakalavriat/magistratura taʼlim muassasasida tahsil olganlar uchun til sertifikati tорshirish talab etilmaydi.

Dastur talablari haqida batafsil ushbu havola orqali tanishish mumkin.

• Oʻqish toʻlovlari toʻliq qoplanadi;
• Xitoyga borish-kelish xarajatlari toʻlab beriladi;
• Yashash xarajatlari, turarjoy va oziq-ovqat uchun stipendiya ajratiladi;
• Dastur doirasidagi loyihalar va ilmiy ishlar moliyaviy qoʻllab quvvatlanadi;
• Har bir talaba Lenevo noutbugi hamda kerakli oʻquv jihozlari va qoʻllanmalari bilan taʼminlanadi;
• Sugʻurta va viza xarajatlari qoplanadi.

Dasturning manfaatli jihatlari haqida batafsil ushbu havola orqali tanishish mumkin.

Dasturga ariza topshirish uchun nomzodlar ushbu havola orqali roʻyxatdan oʻtishlari va soʻralgan savollarga javob berib boʻlgandan soʻng, quyidagi hujjatlarni saytga elektron tarzda yuklashlari soʻraladi:

• Rezyume (max. 2 bet);
• Nomzodning yetakchilik qobiliyati (Leadership essay - 750 sо'z) va ushbu dasturga topshirishdan koʻzlangan maqsad (Statement of Purpose essay - 500 sо'z) haqida 2 ta motivatsion insho;
• Baholar tarjimasi (Transcript);
• Nomzodning akademik koʻrsatkichlari hamda yetakchilik qobiliyati haqida jami 3 ta tavsiyanoma. Tavsiyanomalar tavsiya qiluvchining oʻzi tomonidan joʻnatilishi kerak. Bunda qatnashchi arizaga tavsiya qiluvchining kontakt maʼlumotlarini kirgizishi lozim;
• Video tanishtiruv. Bunda nomzodlar oʻzlari va qiziqishlari haqida qisqacha bir minutlik video joylashlari lozim.

Dasturga ariza topshirish shartlari haqida batafsil ushbu havola orqali tanishish mumkin.

Ariza topshirishning soʻnggi muddati: 2026-yil, 10-sentyabr.

Hujjatlar topshirilgandan keyin, saralangan ishtirokchilar intervyuga chaqiriladi. Intervyu onlayn yoki oflayn shaklda boʻlishi mumkin. Oflayn oʻtkaziladigan intervyu xarajatlari dastur tomonidan qoplanadi. Natijalar 2026-yil noyabr oyiga qadar eʼlon qilinadi va dastur 2027-yilning avgust oyidan boshlanib bir yil muddatda davom etadi.

Eng koʻp soʻralgan savollar roʻyxati bilan ushbu havola orqali tanishish mumkin.

Qoʻshimcha savol va murojaatlarni ushbu havola orqali berilgan manzillarda qoldirish mumkin.