Sovrin jamg‘armasi 1 milliard so‘m bo‘lgan fizika va kimyo fanlari bo'yicha respublika fan olimpiadasi

“Yangi O‘zbekiston” universiteti “Buyuk Allomalar Izidan” nomli fizika va kimyo fanlari bo'yicha respublika fan olimpiadasini tashkil etmoqda. Tanlov hamkorlari Maktabgacha va maktab ta’limi vazirligi hamda Ixtisoslashtirilgan ta’lim muassasalari agentligi.

Tanlovda barcha yuqori sinf bitiruvchilari, akademik litsey/kollej bitiruvchilari qatnashishi mumkin.

Olimpiadada umumiy sovrin jamg‘armasi 1 milliard so‘mni tashkil etadi. 

Tanlov haqida batafsil bu yerda o'qish mumkin.

• Olimpiadaga yurtimizning barcha umumta’lim maktablari, akademik litseylar hamda kasb-hunar texnikumlarining bitiruvchi sinf o‘quvchilari ishtirok etishlari mumkin. 

• Har bir fan bo‘yicha eng yuqori natijani qayd etgan 2 nafar mutlaq g‘olibga 20 million so‘mdan pul mukofoti hamda “Yangi O‘zbekiston” universitetida Kimyo va materialshunoslik muhandisligi va Mexanika muhandisligi yo‘nalishlarida tahsil olish uchun 1 yillik 100% grant taqdim etiladi; 
• Shuningdek, olimpiadada har bir fan bo‘yicha eng yuqori natija qayd etgan 10 nafardan jami 20 nafar g‘oliblar 2 million so‘mdan pul mukofoti va “Yangi O‘zbekiston” Universitetida Kimyo va materialshunoslik muhandisligi va Mexanika muhandisligi yo‘nalishlarida o‘qish uchun 1 yillik 100% grant taqdim etiladi.

Olimpiada ikki bosqichdan iborat.

Birinchi bosqich saralash bosqichi hisoblanib, bu bosqich maxsus platforma orqali 9- aprel kuni ONLAYN shaklda o‘tkaziladi. Saralash bosqichida savollar test shaklida bo‘lib, 20 ta topshiriqni o‘z ichiga oladi. Test savollarini ishlash uchun 70 daqiqa vaqt ajratiladi.

Saralash bosqichidan muvaffaqiyatli o‘tgan ishtirokchilar final bosqichiga o‘tkaziladi. Final bosqichi 15-aprel kuni “Yangi O‘zbekiston” universiteti binosida o‘tkaziladi. Ushbu bosqichda har bir ishtirokchiga 5 ta savoldan iborat topshiriq berilib, javoblar yozma tarzda topshiriladi.

Telefon:

+998 (71) 202-41-11