Sovrin jamgʻarmasi 880 million soʻmlik “Yoshlar ishlari agentligi kubogi” Respublika ochiq turniri

Dastur Oʻzbekiston Respublikasi Prezidentining 2022-yil 5 avgustdagi “Shaxmatni yanada ommalashtirish va rivojlantirish boʻyicha qoʻshimcha chora-tadbirlar toʻgʻrisida”gi PQ-347-son qarori ijrosini taʼminlash maqsadida tashkillashtirilgan. Turnirni tashkil etish va oʻtkazish Oʻzbekiston Respublikasi Yoshlar siyosati va sport vazirligi, Yoshlar ishlari agentligi, Oʻzbekiston shaxmat federatsiyasi tomonidan amalga oshiriladi. Dastur 5 bosqichda amalga oshiriladi. Turnirda ishtirokchilar 4 guruhda qatnashishadi. 

Dastur gʻoliblariga jami 880 million soʻmlik mukofot puli ajratiladi. Shaxmat boʻyicha “Yoshlar ishlari agentligi kubogi” ochiq turnirining Respublika bosqichi 1-2-3-oʻrin sohiblari qimmatbaho sovgʻalar va diplomlar bilan taqdirlanadi.

Dastur talablari haqida ushbu havola orqali batafsil maʼlumot olish mumkin. 

Dasturda ishtirok etish uchun quyidagi talablar mavjud:

• Turnirda barcha yosh toifasi boʻyicha havaskor va sport ustasi unvoniga ega shaxmatchilar hamda Oʻzbekiston, Osiyo va Jahon chempionatlari sovrindorlari ishtirok etish huquqiga ega;
• Turnirning professionallar guruhida ishtirok etish uchun erkaklardan 1600dan yuqori, ayollardan esa 1500dan yuqori Fide reytingi talab qilinadi;
• Turnirning havaskorlar guruhida Fide reytinggi yoʻq nomzodlar yoki Fide reytinggi 1600dan kam boʻlgan erkaklar va 1500dan kam boʻlgan ayollar qatnashishlari mumkin. 

Maʼlumot uchun: Fide- Xalqaro shaxmat federatsiyasi tomonidan tuzilgan va Elo (ikki kishilik sport oʻyinlarini baholash tizimi) reyting tizimini hisoblash usuliga asoslangan oylik shaxmat reytingi.

Dastur talablari haqida ushbu havola orqali batafsil maʼlumot olish mumkin. 

Dasturning quyidagi foydali tomonlari mavjud:

• Dastur gʻoliblariga jami 880 million soʻmlik mukofot puli ajratiladi;
• Shaxmat boʻyicha “Yoshlar ishlari agentligi kubogi” ochiq turnirining Respublika bosqichi 1-,2-,3-oʻrin sohiblari qimmatbaho sovgʻalar va diplomlar bilan taqdirlanadi;
• Dastur ishtirokchilari turnir doirasida tajriba almashish imkonini qoʻlga kiritishadi.

Ishtirokchilardan quyidagi hujjatlarni taqdim etish soʻraladi:

-shaxsini tasdiqlovchi hujjat nusxasi (final bosqichida asl nusxasi);
- oʻqish joyidan maʼlumotnoma (rasmi bilan muhrlangan holda);
- quyi bosqich bayonnomasi;
- ishtirokchi anketasi.

Turnir 4 ta yoʻnalishda oʻtkaziladi:

1️. Havaskor ayollar — FIDE reytingi yoʻq va FIDE reytingi 1500 dan kam boʻlganlar.
2. Havaskor erkak — FIDE reytingi yoʻq va FIDE reytingi 1600 dan kam boʻlganlar.
3️. Professional ayol — FIDE reytingi 1500 dan yuqorilar.
4️. Professional erkak — FIDE reytingi 1600 dan yuqorilar.
Dastur nizomi bilan ushbu havola orqali tanishish mumkin. 

Turnirni oʻtkazish tartibi quyidagicha:

• Turnirlarni oʻtkazishga bevosita hakamlar hayʼati jalb etiladi.
• Turnir 5 bosqichda oʻtkaziladi:

1-bosqich – mahalla bosqichi (1-,2-,3-oʻrin sohiblari keyingi bosqichda
ishtirok etadi);
2-bosqich – sektor bosqichi 1-oʻrin gʻolibi keyingi bosqichda
ishtirok etadi);
3-bosqich – tuman (shahar) bosqichi 1-oʻrin gʻolibi keyingi bosqichda
ishtirok etadi);
4-bosqich – hududiy bosqich 1-oʻrin gʻolibi keyingi bosqichda ishtirok
etadi);
5-bosqich – Respublika bosqichi

• Turnirning mahalla va sektor bosqichlari olimpiya tizimida tashkil etiladi. Tuman (shahar) bosqichi esa aylanma (krugovoy) tizimda boʻlib oʻtadi. Hududiy hamda Respublika bosqichlari shveysarcha tizimda (7 turda) musobaqa gʻoliblari toʻplagan ochkolari soniga qarab aniqlanadi. 
• Turnirni oʻtkazish Tashkiliy qoʻmita tomonidan tasdiqlangan hakamlar hayʼati zimmasiga yuklatiladi.
• Hakamlar hayʼati bosh hakam, kotib, 11 nafar hakam va kompyuter operatoridan iborat boʻladi.

Eslatma! Turnir nizomiga tashkiliy qoʻmita qaroriga muvofiq, qoʻshimcha va oʻzgartirishlar kiritilishi mumkin.

Dasturga ushbu havola orqali roʻyxatdan oʻtish mumkin. 

Eslatma! Turnir natijasi boʻyicha berilgan shikoyatlarni koʻrib chiqish uchun kamida besh kishidan iborat apellyatsiya qoʻmitasi tashkil etiladi. Apellyatsiya qoʻmitasi tarkibi tashkiliy qoʻmita tomonidan tasdiqlanadi. Turnir hakamlaridan va ularning qabul qilingan qarorlaridan norozi boʻlgan ishtirokchilar musobaqa jarayonida apellyatsiya qoʻmitasiga murojaat qilishlari mumkin.

Dasturga oid qoʻshimcha maʼlumotlar va eng koʻp soʻralgan savollarga javoblarni Telegram kanalidan ushbu havola orqali topish mumkin.