Space Academy va Nisa Ladiesʼ School tomonidan ayol-qizlar uchun SMM Bootcamp va ingliz tili kurslarida oʻqish uchun 500 000 000 soʻmlik grant — “Unicorn Grant” loyihasi
  • 10/06/2022 Qabul boshlanishi
  • Bepul Moliyalash turi
  • Oʻzbekiston Davlat
  • 04/07/2022 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    O'zbek tili
  • Yosh chegarasi
    18 yoshdan 28 yoshgacha

Doʻstlar bilan ulashing

Umumiy maʻlumotlar

Space Academy va Nisa Ladiesʼ School hamkorlikda ayol-qizlar uchun “Unicorn Grant” loyihasini taklif etadi. Dasturdan koʻzlangan maqsad ayol-qizlar orasida zamonaviy kasblar hamda xorijiy tillarni oʻrganishni targʻib qilishdan iborat.

 “Unicorn Grant” loyihasi kam taʼminlangan yoki boquvchisini yoʻqotgan oilalarga mansub 18 yoshdan 28 yoshgacha boʻlgan ayol-qizlarni qoʻllab-quvvatlashni koʻzda tutadi. Shu sababli, grantga aynan shu jihatlarga mos keluvchi nomzodlar qabul qilinadi.

Darslar 2022-yil 4-iyuldan boshlanadi. Umumiy grantlar soni 100 ta boʻlib, 50 tasi Toshkent shahrida oflayn va 50 tasi onlayn tarzda tarzda oʻqish uchun moʻljallangan. Biroq 50 ta onlayn grant yutgan talabalar faqat SMM kurslarida oʻqish imkoniyatiga ega boʻladilar.

Maqbullik shartlari

Dasturda ishtirok etish talablari:

  • Loyihada 18 yoshdan 28 yoshgacha boʻlgan ayol-qizlar ishtirok etishi mumkin. Asosiy eʼtibor kam taʼminlangan yoki boquvchisini yoʻqotgan oilalarga mansub nomzodlarga qaratiladi;
  • Grant qoʻlga kiritilgach, bir vaqtda Space Academy va Nisa Ladiesʼ Schoolda belgilangan oʻquv kurslarida taʼlim olishni boshlashi kerak;
  • Oʻquv markazlarida har haftada umumiy 10 soat vaqt sarflashi lozim;
  • Yakshanba kunlari oʻquv markazlari tashkil qiladigan rivojlantiruvchi tadbirlarda qatnashish soʻraladi;
  • Grant muddati davomida 3 martadan koʻp dars qoldirmasligi shart;
  • Oʻqish muddati tugagach, ishga joylashganlik haqida maʼlumot berish yoki oʻquv markazlari taklif qilgan ish oʻrinlaridan birortasini tanlab ishga tushishi lozim;
  • Ishga joylashganingizdan soʻng, 1 yil davomida qabul qilgan GRANT miqdorini ixtiyoriy ravishda toʻlashi kerak (bu mablagʻ kelasi grantlarni tashkil etish uchun yoʻnaltiriladi);
  • Shuningdek, grant loyihasida gʻolib boʻlgach, undan voz kechish mumkin emas.

Dastur talablari bilan batafsil ushbu havola orqali tanishish mumkin.

Foydali tomonlari

Dastur imkoniyatlari:

  • Grantga ega boʻlgan ayol-qizlar Space Academy SMM Bootcamp kursida 3 oy va Nisa Ladiesʼ School ingliz tili kursida 4 oy davomida grant bilan oʻqish imkoniyatiga
    ega boʻladi. 
  • Umumiy grant miqdori — 500 000 000 soʻm.

Dastur imkoniyatlari bilan batafsil ushbu havola orqali tanishish mumkin.

Hujjat topshirish

Dasturda ishtirok etish uchun quyidagi hujjatlar talab etiladi:

  • Pasport (ID karta) nusxasi;
  • Yashash joyidagi mahalla qoʻmitasidan oilaviy sharoiti haqidagi maʼlumotnoma;
  • Motivatsion xat. Motivatsion xatda nomzod nima uchun SMM va ingliz tili kursida oʻqishni istashi, nega aynan siz bu grantga loyiq ekanligi haqida yozishi lozim.

Motivatsion xat va boshqa barcha hujjatlar ushbu telegram akkountga yuborilishi kerak.

Qoʻshimcha maʻlumotlar

  • “Unicorn Grant” loyihasi faqat ayollar uchun dastur boʻlib, unda faqat ayol-qizlar ishtirok etishi mumkin;
  • Ota-onalar bilan shartnoma faqatgina grant gʻolibi deb topilganingizdan keyin tuziladi. 

Batafsil maʼlumot ushbu telegram kanal orqali eʼlon qilib boriladi.

Qoʻshimcha maʼlumot uchun: +998951420299

Oʻzbekiston
Space Academy va Nisa Ladiesʼ School tomonidan ayol-qizlar uchun SMM Bootcamp va ingliz tili kurslarida oʻqish uchun 500 000 000 soʻmlik grant — “Unicorn Grant” loyihasi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar