Taʼlimni yaxshilashga qaratilgan tadqiqot loyihalari uchun Small Research Grants Program tanlovi. Umumiy mukofot jamgʻarmasi — $50,000!

Spencer Foundation tashkilotidan taʼlimni yaxshilashga qaratilgan tadqiqot loyihalari uchun umumiy mukofot jamgʻarmasi 50,000 AQSh dollari boʻlgan Small Research Grants Program tanlovini taqdim etadi.

Ushbu dasturga taklif qilinadigan loyihalar uchun maʼlum bir tadqiqot mavzusi, tartibi, dizayni, usuli yoki loyihaning geografik miqyosi boʻyicha aniq talablar qoʻyilmaydi. Tanlovni tashkil qilishdan maqsad taʼlim sohasidagi eng dolzarb mavzular boʻyicha puxta ishlangan, muvaffaqiyatga erishadigan hamda texnik jihatdan asoslangan tadqiqotlarni qoʻllab-quvvatlashdir. Dastur oʻz karyerasining turli bosqichidagi mahalliy va xalqaro miqyosdagi olimlardan innovatsion taʼlim loyihalarini kutmoqda.

Loyihalar quyidagi sohalardagi masalalarni innovatsion tarzda oʻrganishi lozim:

• Taʼlim; 
• Antropologiya; 
• Falsafa; 
• Psixologiya; 
• Sotsiologiya;
• Huquq; 
• Iqtisod; 
• Tarix; 
• Nevrologiya.

Loyihalar maxsus mutaxassislar guruhi tomonidan 6-7 oy muddatda koʻrib chiqib saralanadi. Dastur uchun qabulning оxirgi muddati: 11-sentyabr, 2024-yil.

Maʼlumot uchun: Spencer Foundation 1971-yildan beri taʼlim sohasidagi tadqiqotlarni moliyalashtiruvchi yetakchi tashkilot boʻlib kelmoqda va faqat taʼlim sohasidagi tadqiqotlarni qoʻllab-quvvatlashga qaratilgan yagona milliy jamgʻarma hisoblanadi.

Dastur haqida batafsil ushbu havola orqali maʼlumot olish mumkin.

• AQSh va xalqaro miqyosdagi barcha doktorlik darajasiga yoki taʼlim sohasidagi tadqiqot bilan bogʻliq tajribaga ega tadqiqotchilar qatnashishi mumkin;
• Bakalavriat va magistratura talabalari tadqiqot guruhining aʼzosi sifatida ishtirok etishi mumkin;
• Ingliz tilini bilish lozim (sertifikat soʻralmaydi);
• Mukofot taqdim etgan taqdirda, boshqaruvchi tashkilot boʻlib xizmat qilishga tayyor boʻlgan notijorat tashkilot yoki davlat muassasasi bilan bogʻlangan boʻlishi kerak;
• Takliflar taʼlimni oʻrganishga qaratilgan akademik tadqiqot loyihalari boʻlishi kerak.

Muhim: Tadqiqotdan tashqari boshqa faoliyat boʻyicha takliflar (masalan, dasturni baholash, kasbiy rivojlanish, oʻquv dasturlarini ishlab chiqish, stipendiyalarga oid loyihalar) qabul qilinmaydi. Bundan tashqari, taʼlimdan tashqari boshqa sohalarga qaratilgan tadqiqot ishlari boʻyicha takliflar koʻrib chiqilmaydi.

Loyihaga qoʻyilgan talablar:

• Taklif etilgan loyihalarni amalga oshirish muddati maksimal 5 yil boʻlishi lozim;
• Loyiha uchun talab qilinadigan byudjet 50 000 AQSH dollaridan oshmasligi kerak va qoidalar boʻyicha u bilvosita xarajatlarni oʻz ichiga olmaydi;
• Tadqiqotchi yoki tadqiqotchilar guruhi faqat bitta tadqiqot loyihasi bilan qatnashishi mumkin (Ushbu cheklov boshqaruvchi tashkilotga taalluqli emas);
• Agar ishtirokchilar quyidagi dasturlarga tadqiqot taklifini bergan boʻlsa, uning javobi chiqishini kutishi kerak:
  • Small Grants Program; 
  • Large Grants Program; 
  • Racial Equity Research Grants Program;  
  • Research-Practice Partnership Program.

Loyihalar quyidagi mezonlar asosida saralanadi:

• Loyihaning ahamiyati;
• Tadqiqot va nazariya bilan bogʻliqlik;
• Tadqiqot dizayni;
• Byudjet va vaqt jadvali;
• Loyiha jamoasi.

• Loyihani amalga oshirish uchun $50,000 mukofot puli beriladi;
• Tadqiqot loyihasini xalqaro auditoriyaga namoyish qilish mumkin;
• Soha boʻyicha shaxsiy rivojlanish va kuchli mutaxassislar bilan fikr almashish.

Eslatma: Mukofot puli bevosita jismoniy shaxslarga topshirilmaydi. Masalan, notijorat yoki davlat kollejlari, universitetlar, tadqiqot muassasalari, shuningdek, boshqa notijorat tashkilotlariga loyihani amalda qoʻllashni nazorat qiluvchisi sifatida beriladi.

• Dasturda qatnashish istagida boʻlganlar ushbu havola orqali hujjat topshirishlari mumkin.
• Barcha takliflar ingliz tilida boʻlishi kerak.

Hujjat topshirish quyidagi bosqichlardan iborat:

• 1-bosqich: Roʻyxatdan oʻtish. Bu bosqichda Spencer Foundation onlayn portaliga aʼzo boʻlmaganlar roʻyxatdan oʻtadi. 
• 2-bosqich: Tizimga kirganingizdan soʻng “Mening profilim” sahifasida soʻralgan maʼlumotlar kiritiladi va CV (maksimal 10 bet) yuklanadi. Agar loyiha tadqiqotchilar guruhi tomonidan taklif etilayotgan boʻlsa, ular ham roʻyxatdan oʻtishlari va oʻz profil maʼlumotlarini toʻldirishlari kerak.
• 3-bosqich: Loyiha taklifini berish. Arizani toʻldirish uchun Workbench boʻlimiga oʻtiladi va tanlov uchun ariza berish tugmasi bosiladi. Maʼlumotlarni qoralama ariza koʻrinishida saqlash mumkin. Shunda ishtirokchilar loyiha ustida ishlashni qayta kirib davom ettirishi mumkin boʻladi.

Onlayn ilovada har bir boʻlim uchun bajarilishi kerak boʻlgan quyidagi koʻrsatmalar mavjud:

• Project Personnel — ushbu boʻlimga loyiha egasi va loyiha ustida ishlayotgan tadqiqotchilar qoʻshilishi va Spencer tomonidan koʻrib chiqilayotgan boshqa tadqiqot taklifiga ega emasligini tasdiqlashi kerak;
• Proposal Summary — loyiha haqida maʼlumot (loyihaning nomi, boshlanish va tugash sanalari, asosiy tadqiqot savollari) va 200 ta soʻzdan iborat loyiha xulosasi;
• Budget and Budget Justification — byudjet va uning taqsimoti haqida maʼlumotlar;
• Proposal Narrative — tadqiqot taklifining bayoni PDF shaklda yuklanishi kerak (maksimal 1800 ta soʻz). Matn ikki intervalli va 12 shriftda yozilishi kerak. APA uslubi afzal koʻriladi;
• Project Timeline — loyihaning boshlanish va tugash sanalari, shuningdek, loyihaning asosiy voqealari va bosqichlarini koʻrsatilgan loyihaning xronologiyasi PDF shaklda yuklanishi kerak (maksimal 1 bet);
• Project Team — loyiha jamoasini tavsiflovchi hujjat PDF shaklda yuklanishi lozim;
• Project Data — loyiha haqida maʼlumotlar beriladi (tadqiqotning intizomiy tartibi, qoʻllaniladigan metodologik usullar, asosiy mavzu, geografik qamrov miqyosi va ishtirokchilar haqida);
• Boshqaruvchi tashkilotning vakolatli vakilining imzosi;
• Yuqorida sanab oʻtilgan barcha elementlarni toʻldirgandan soʻng, ariza sahifasining pastki qismidagi Yuborish tugmasi bosiladi.

Eslatma: Onlayn arizani belgilangan sanadan kamida bir hafta oldin toʻldirish tavsiya qilinadi.

Email:

• janzaldua@spencer.org.
• smallgrants@spencer.org

Oxirgi muddat: 11-sentyabr, 2024-yil.